“सीबीएसई द्वादश-कक्षायाः उत्तरपुस्तिकानां मूल्याङ्कनाय ‘ऑन-स्क्रीन मार्किंग’ इति पद्धतिं प्रवर्तयिष्यति”
केन्द्रीय-माध्यमिक-शिक्षा-बोर्डः (CBSE) अस्मात् वर्षात् द्वादश-कक्षायाः उत्तरपुस्तिकानां मूल्याङ्कनाय ‘ऑन-स्क्रीन मार्किंग’ (पटल-आधारित-अङ्कनम्) पद्धतिं प्रयुङ्क्ते। तथापि, दशम-कक्षायाः उत्तरपुस्तिकानां मूल्याङ्कनं पूर्ववत् भौतिकरूपेण (Physical evaluation) एव भविष्यति।सीबीएसई-परीक्षा-नियन्त्रकः संयम भारद्वाजः सूचितवान् यत् बोर्डः कार्यदक्षतां पारदर्शितां च वर्धयितुं अस्मिन् वर्षे द्वादश-कक्षायाः कृते एतत् निर्णयं स्वीकृतवान्। अपि च, बोर्ड-द्वारा अस्मात् वर्षात् दशम-कक्षायाः कृते ‘द्वितीय-बोर्ड-परीक्षा’ आयोजयितुं घोषणा कृता। एषा परीक्षा तेषां छात्राणां कृते वैकल्पिकी भविष्यति ये स्व-प्रदर्शने परिष्कारं कर्तुम् इच्छन्ति।बोर्डः अवदत् यत् अद्य प्रातः एकादश (११) वादने परीक्षा-सञ्चालनस्य तथा ‘ऑन-स्क्रीन मार्किंग’ इत्यस्य मार्गनिर्देशान् स्पष्टयितुं एकस्य ‘लाइव वेबकास्ट’ (सजीव-जालप्रसारणस्य) आयोजनं करिष्यति।
