भारतस्य सौर ऊर्जा उत्पादनस्य प्रतिरूपं विश्वे सर्वाधिकं सफलम्- ऊर्जामन्त्री प्रह्लाद जोशी

भारतस्य सौर ऊर्जा उत्पादनस्य प्रतिरूपं विश्वे सर्वाधिकं सफलम्- ऊर्जामन्त्री प्रह्लाद जोशी
हिमसंस्कृतवार्ता:-
नवीनं नवीकरणीयं च ऊर्जामन्त्री प्रह्लाद जोशी अद्य उक्तवान् यत् भारतस्य सौर ऊर्जा उत्पादनस्य प्रतिरूपं विश्वे सर्वाधिकं सफलम् अस्ति। नवदेहलीनगरे अन्तर्राष्ट्रीय- सौरगठबन्धन- शिखरसम्मेलने मीडियासमीपं वदन् जोशीमहोदयः अवदत् यत् प्रधानमंत्री सूर्यगृहयोजनायाः अन्तर्गतं छदे: उपरि २१ लक्षं सौर-एककानि स्थापितानि सन्ति, प्रायः ५० प्रतिशतं जनाः च शून्यं विद्युत्बिलं प्राप्तवन्तः। केन्द्रीयमन्त्री उक्तवान् यत् प्रधानमंत्री कुसुम योजनायाः अन्तर्गतं कृषकाः सौर ऊर्जायाः उत्पादनं विक्रयं च कुर्वन्ति। जोशीमहोदयः अवदत् यत् भारतं सौरगठबन्धनशिखरसम्मेलने सदस्यदेशैः सह स्वस्य अनुभवान् सहभागं कुर्वन् अस्ति। सः अवदत् यत् सदस्यदेशाः वैश्विक- सौरऊर्जा- उत्पादनस्य प्रायः ४० प्रतिशतं योगदानं ददति। सौरगठबन्धनस्य महानिदेशकः आशीषखन्ना अखिलभारतीयरेडियो न्यूज इत्यस्मै अवदत् यत् अस्मिन् सौरगठबन्धनशिखरसम्मेलने १२५ देशानां ५० तः अधिकानां संस्थानां च मन्त्रिणः प्रतिनिधिश्च भागं गृह्णन्ति। सः अवदत् यत् द्विदिनात्मके सत्रे लघुद्वीपराज्यैः संयुक्तक्रयणं, एकसूर्यस्य, एकविश्वस्य, एकजालस्य च कार्यक्रमस्य अन्तर्गतं सर्वे देशाः कथं कार्यं करिष्यन्ति, पुनःप्रयोगस्य मानकानां विकासः कथं भविष्यति इति विषयेषु चर्चा भविष्यति। खन्नामहोदयः अवदत् यत् सौर ऊर्जायाः उपयोगस्य अन्वेषणं कुर्वन्तः देशाः अस्मिन् विषये मार्गदर्शनार्थं भारतं पश्यन्ति। सार्वजनिकक्षेत्रस्य उपक्रमस्य नेशनल लघुउद्योग- निगमलिमिटेड इत्यनेन गतवित्तीयवर्षस्य कृते केन्द्रसर्वकाराय ४३ कोटिरूप्यकाणां लाभांशः दत्तः। निगमस्य अध्यक्षः प्रबन्धनिदेशकः च डॉ. सुभ्रंशु शेखर आचार्यः एमएसएमई-केन्द्रीयमन्त्री जीतनराममांझी इत्यस्मै लाभांशस्य भागं प्रदत्तवान्। एमएसएमई मन्त्रालयेन उक्तं यत् निगमेन ३४३१ कोटिरूप्यकाणां राजस्वं प्राप्तम्, करपश्चात् १४६ कोटिरूप्यकाणां लाभः च प्राप्तः। मांझीमहोदयेन एकीकृतसमर्थनसेवानां माध्यमेन एमएसएमई- संस्थानां सशक्तिकरणाय निगमस्य प्रयत्नस्य प्रशंसा कृता, उद्यमनिर्माणं कौशलविकासं च प्रवर्धयितुं तस्य निरन्तरभूमिकायां विश्वासः प्रकटितः।