CM Sukhu – जनवरी २०२६ त: आरप्स्यते एचपी-रेडी परियोजना, मुख्यमन्त्री अधिकारिभि: सह समीक्षासभाम् अकरोत्
हिमसंस्कृतवार्ता:- शिमला।
मुख्यमन्त्री सुखविन्दरसिंहसुक्खुः गुरुवासरे वरिष्ठाधिकारिभिः सह हिमाचलप्रदेशस्य विकासाय आपदापुनर्प्राप्त्यर्थं लचीलकार्याणि (हिमाचल प्रदेश रेजिलिएंट एक्शन फॉर डवेल्पमेंट एंड डिजास्टर रिकवरी) अर्थात् एचपी-रेडी इत्यस्या: परियोजनायाः समीक्षां कृतवान्। परियोजना जनवरी २०२६ तमे वर्षे आरभ्यते। मुख्यमन्त्री अवदत् यत् हिमाचलप्रदेशे जलवायुपरिवर्तनस्य प्रतिकूलप्रभावाः निरन्तरं वर्धन्ते, येन मानवजीवनस्य, महत्त्वपूर्णमूलसंरचनायाः च क्षतिः भवति। सः अपि अवदत् यत् नित्यं प्राकृतिकविपद: राज्यसर्वकारं क्षतिग्रस्तमूलसंरचनानां पुनर्स्थापनार्थं महत्त्वपूर्णसम्पदां समर्पयितुं बाध्यं कुर्वन्ति। मुख्यमंत्री सुक्खुः अवदत् यत् राज्यसर्वकारः विश्वबैङ्केन सह सामरिकसहकारेण एतां प्रमुखां परियोजनां कार्यान्वयति, यस्मिन् प्राथमिकतारूपेण विविधाः परियोजनाः चयनिताः सन्ति। कुलव्ययः ₹२,६८७ कोटिः अस्ति। सः अवदत् यत् एतत् मिशनं न केवलं २०२३, २०२५ च वर्षेषु राज्ये प्राकृतिकविपदानां क्षतिपूर्तिं कर्तुं महत्त्वपूर्णं सिद्धं भविष्यति, अपितु भविष्यस्य आपद: सोढुं राज्यस्य आधारभूतसंरचनायाः सुदृढीकरणे पुनर्निर्माणे च सहायकं भविष्यति।
मुख्यमन्त्री उक्तवान् यत् एचपी-रेडी परियोजनायाः उद्देश्यं जलवायुसंवेदनशीलाः पूर्वसचेतनाप्रणालीः सुदृढाः, आपदाप्रवणमार्गाः, सेतुः, भवनानि च, तटबन्धनलिकां चेत्येतेषां पुनर्स्थापनं कर्तुं वर्तते। परियोजना सुदृढां लोकसेवानां विकासं, हरितपञ्चायतानां माध्यमेन जीविकाया: अवसरानां निर्माणं, संकटाधारित- सामाजिकसुरक्षा- बीमाव्यवस्थानां सुदृढीकरणे च केन्द्रीभवति।
मुख्यमंत्री सुक्खुः कृषकाणां, फलोद्यानानां च सुविधायै आधारभूतसंरचनानिर्माणे विशेषं बलं दत्तवान् येन आपत्सु तेषां आजीविकायाः प्रभावः न भवति। सः अवदत् यत् अस्याः परियोजनायाः अन्तर्गतं कृषकाणाम् उत्पादनस्य रक्षणार्थम्, आपत्सु हानिः निवारयितुं च राज्ये दशस्थानेषु सीए भण्डाराः निर्मिताः भविष्यन्ति।
