हरिद्वारे अस्थि-विसर्जनार्थं हिमाचलपथपरिवहननिगमेन निःशुल्कयात्रा व्यवस्था प्रदत्ता – उपमुख्यमंत्री
गमनागमनस्य नैव स्वीक्रियते भाटकम्- उपमुख्यमन्त्री
हिमसंस्कृतवार्ता: – बिलासपुरम्।
हिमाचलपथपरिवहननिगमः बरठींसमीपस्थे भल्लुस्थाने निजीबसदुर्घटनायां पीडितानां अस्थिविसर्जनार्थं हरिद्वारं प्रति गन्तुम् आगन्तुं च निःशुल्कयात्राम् अयच्छत्। मृतानां प्रत्येकं परिवाराय त्रीणि अनुज्ञापत्राणि प्रदत्तानि सन्ति। एतानि अनुज्ञा-पत्राणि परिवारेभ्यः स्वगृहेषु एव प्रदत्तानि आसन् । इयं व्यवस्था बिलासपुर-आगारस्य-उप-मण्डलीयप्रबन्धकेन विवेकलखनपालेन उपमुख्यमन्त्रिणा परिवहनमन्त्रिणा मुकेश-अग्निहोत्रिणा आदेशेन कृता ।
समाचारानुसारं मंगलवासरे सायं भल्लूतः प्रत्यागच्छन्तं निजबसयानं मरोतनात् बरठी-मार्गेण घुमारवीं-नगरं प्रति निर्धारितमार्गेण भूस्खलनेन दुर्घटितम् अभवत्, यस्मिन् १६ जनानां मृत्युः अभवत् दुर्घटना ज्ञात्वा उपमुख्यमन्त्री मुकेश अग्निहोत्री कुल्लुनगरे दशहरा-उत्सवं त्यक्त्वा बिलासपुरं प्रति प्रस्थितवान् । सः स्थलस्य निरीक्षणार्थं मध्यरात्रौ १ वादने बिलासपुरस्य बरठीम् आगतः। सर्वकारेण पीडितानां कृते सर्वेषां सम्भाव्यसहायतायाः आश्वासनं दत्तम् अस्ति।
प्रभावितपरिवाराणाम् आश्रय: अभवत् सर्वकारः
उपमुख्यमन्त्री मुकेश अग्निहोत्री एचआरटीसी बिलासपुर-आगारस्य उपमण्डलाधिकारिणं विवेकलखनपालं प्रभावितपरिवारेभ्यः अस्थिविसर्जनार्थं हरिद्वारं गन्तुं निःशुल्कं बसपासं प्रदातुं आदेशं दत्तवान्। शीघ्रं कार्यं कुर्वन् विवेकलखनपालः प्रभावितपरिवारेभ्यः निःशुल्कबसपास् निर्गमनस्य व्यवस्थां कृत्वा गृहं प्रेषितवान्। लखनपालस्य मते प्रत्येकस्य मृतकस्य परिवारेभ्यः त्रीणि निःशुल्क-अनुज्ञापत्राणि प्रदत्तानि।
