भारतं प्रथमस्य मानव-अन्तरिक्षयान अभियानस्य गगनयानस्य कृते पूर्णतया सज्जः – रक्षामंत्री राजनाथसिंहः

भारतं प्रथमस्य मानव-अन्तरिक्षयान अभियानस्य गगनयानस्य कृते पूर्णतया सज्जः – रक्षामंत्री राजनाथसिंहः
हिमसंस्कृतवार्ता: – रक्षामंत्री राजनाथसिंहः अवदत् यत् भारतं प्रथमस्य मानव-अन्तरिक्षयान-अभियानस्य गगनयानस्य कृते पूर्णतया सज्जः अस्ति। एतत् न केवलं प्रौद्योगिकीय-उपलब्धिः अपितु आत्मनिर्भर भारतस्य यात्रायाः नूतनः अध्यायः अस्ति। रक्षामंत्री नवदेहल्यां गगनयान-अभियानस्य कृते चितानां यात्रिणां ग्रूप्-कैप्टन-शुभांशु-शुक्ल, प्रशान्त-बालकृष्णन् नायर्, अजित-कृष्णन्, अङ्गद् प्रतापः इत्येतेषां सम्मान-समारोहं सम्बोधयन् एतत् उक्तवान्। मन्त्री अवदत् यत् भारतेन चन्द्रतः मङ्गलपर्यन्तं स्वस्य उपस्थितिं पूर्वमेव पंजीकृतम्। अस्मिन् अवसरे भारतीय-वायुसेनायाः ग्रूप्-कैप्टन शुभांशु शुक्लः सद्यः एव स्वस्य अन्ताराष्ट्रिय-अन्तरिक्षस्थानकस्य यात्रायाः विषये उक्तवान्।