मानसूनसत्रम्-2025 विपक्षिदलानां चर्चायाः अभ्यर्थनायाः अनन्तरं द्वयोरेव सदनयोः कार्याचरणं स्थगितम्

मानसूनसत्रम्-2025 विपक्षिदलानां चर्चायाः अभ्यर्थनायाः अनन्तरं द्वयोरेव सदनयोः कार्याचरणं स्थगितम्
हिमसंस्कृतवार्ता: – ‌विपक्षिदलानां विरोध-प्रदर्शनस्य कारणेन सोमवासरे लोकसभायाः राज्यसभायाः च सदनयोः प्रवर्तमाने कार्याचरणे समुद्भूतायाः बाधायाः अनन्तरं कार्याचरणं सम्पूर्ण-दिवसाय स्थगितम् जातम् । विपक्षिदलैः सिंदूराभियानं, बिहारे विशिष्ट-गहन संशोधनं, चेत्यादिषु अन्यप्रकरणेषु चर्चायाः अभ्यर्थना कृता अस्ति । यदा लोकसभायाः द्वितीय-स्थगनस्य अनन्तरम् अपराह्ने द्विवादने पुनरुपवेशनं समारभत, तदा विपक्षिसदस्यैः पुनः उच्चवनिर्घोषः समारब्धः । संसदीय-प्रकरण-मंत्रिणा किरेन रिजिजू इत्यनेन विपक्षि-दलानाम् आलोचना कुर्वता प्रोक्तं यत् सर्वकारः चर्चायै सज्जः अस्ति परञ्श्च विपक्षिदलानि चर्चा विहाय व्यवधानम् अचिन्वन् । एतादृशानां दृश्याणाम् अनन्तरम् एव राज्यसभायां कार्याचरणस्य स्थगनम् सञ्जातम् ।