संस्कृतभाषा भारतीयसंस्कृतेः धरोहरम् अस्ति – आचार्यराहुलशास्त्री
वार्ताहर: – जगदीश डाभी (उत्तरप्रदेशात्)
ऑनलाइनपाठ्यक्रम निर्माणयोजनान्तर्गते उत्तरप्रदेशसंस्कृतसंस्थानेन बौद्धिकसत्रम् आयोजितम्। प्रेरणासत्रस्य मुख्यवक्ता आचार्यराहुलशास्त्री स्वभाषणे संस्कृतभाषायाः महत्त्वं प्रकाशयन् उपस्थितजनेभ्यः अवदत् यत् संस्कृतं अस्माकं भारतीयसंस्कृतेः धरोहरम् अस्ति, अतः अस्माभिः तदर्थं गर्वयुक्तः भवितव्यः इति। तस्य प्रचारः-प्रसारः अस्माकं दायित्वम् अस्ति। यदा अस्माकं संस्कृतिः स्वयमेवपूर्णा अस्ति तर्हि वयं पाश्चात्यसंस्कृतेः अनुसरणं किमर्थं कुर्मः? स्वभाषणे तेनोक्तं यत् संस्थानं न केवलं उत्तरप्रदेशे अपितु समग्रविश्वे अन्तर्जालमाध्यमेन कार्य कुर्वन्नस्ति एषः गौरवस्य विषयः। संस्कृतभाषणात् गौरवभावना वर्धते, यतोहि संस्कृतं “नैव क्लीष्टा न च कठिना”। अतः अस्माभिः सर्वदा सरलतया अभिनयेन च भाषां वक्तुं प्रयत्नः करणीयः । अन्ये जनाः अपि संस्कृताध्ययनार्थं प्रेरणीयाः। तेन प्रतिपादितं यत् वैदिककालादारभ्य लौकिकसाहित्यपर्यन्तं सर्वत्र वर्तमानस्य उत्तरप्रदेशस्य स्थानानां महद्वर्णनं प्राप्यते । नैमिष्यारण्य, अयोध्या, काशी सदृशानां सांस्कृतिकपरिप्रेक्ष्येण अस्माकं संस्कृतसंस्कृतिस्तथा सदैव प्रगतौ आसीत्। तेनोक्तं यत् उत्तरप्रदेशः निश्चितरूपेण उत्तमप्रदेशत्वेन अग्रे वर्धमानः अस्ति। संस्कृतभाषणात् गौरवभावना वर्धते, यतोहि संस्कृतं “नैव क्लीष्टा न च कठिना”। संस्कृतं कस्यापि एकस्य वर्गस्य भाषा नास्ति, सर्वेषां भाषाणां जननी संस्कृतमेव । संस्कृतभाषायां संस्कृतस्य पाठनं भवतु इति सर्वैःप्रयत्नः करणीयः। एतत् अस्माभिः विचारणीयम्, यतोहि भाषाशिक्षणस्य कौशलविकासे उत्तमपाठकस्यापि आवश्यता। तत्रैव सन लेखनकौशलसंवर्धनार्थं संस्कृतवार्तापत्रिकासु लेखनस्य अभ्यासः कर्तव्यः। कार्यक्रमस्य प्रारम्भे मंगलाचरणं डॉली पाहुजा इत्यनेन सरस्वती वन्दना च अकरोत् । संस्थानगीतिका विमल शर्मा, अतिथिस्वागतगीते शिवनारायण मिश्र महोदयेन कृतम्। नीतु सक्सेना इत्यनेन ऑनलाइन पठित्वा स्वस्य अनुभवस्य विषये सन् उक्तवती। अतिथेः स्वागतं परिचय़ञ्च अस्माकं समन्वयकः ये सर्वदः योजनासमन्वयने कक्षाप्रबन्धने, प्रशिक्षकप्रबन्धने च निरन्तरं रताः भवन्ति तादृशः प्रशिक्षणसमन्वयकः दिव्यारंजनमहोदयः कारितवान् कार्यक्रमस्य सत्रसंचालनं प्रशिक्षकः विष्णु पाठकः कृतवान, प्रशिक्षिका मीना कुमारी अतिथिभ्यः समागतानाञ्च धन्यवादं दत्तवती । कार्यक्रमे उत्तरप्रदेशसंस्कृतसंस्थानस्य निदेशकः विनयश्रीवास्तवः,प्रशासनिकपदाधिकारी जगदानन्द झाः, दिनेशमिश्रः,योजनाप्रमुखः भगवानसिंहचौहानः,प्रशिक्षणप्रमुखः सुधिष्ठमिश्रः,समन्वयकः धीरजमैठाणी ,दिव्यरंजनः, राधाशर्मा इत्यादयः उपस्थिताः आसन्। तकनीकीसहयोगः प्रशिक्षकः अमितसामवेदी तथा शांतिमन्त्रः प्रशिक्षिका दीपमाला अकरोत् । कार्यक्रमे प्रशिक्षकः गोपालमिश्रा तथा सर्वे प्रशिक्षवः उपस्थिताःआसन् ।
