अक्षयकुमारस्य दक्षिणचलच्चित्रस्य विमोचनतिथ्या: घोषणा जाता, अक्षय: शिवस्य भूमिकायां दृश्यते
वार्ताहर: – जगदीश डाभी, मुम्बई
बॉलीवुड-नायकस्य अक्षयकुमारस्य केसरी २ इति चलच्चित्रम् अप्रैलमासे प्रसारितं भवति स्म । अक्षयस्य अस्य चलच्चित्रस्य बक्स् आफिस-मध्ये उत्तमः प्रतिसादः प्राप्तः अस्ति । अस्य चलच्चित्रस्य अनन्तरं जूनमासे हाउसफुल ५ इत्यस्मिन् चलच्चित्रे अक्षयः दृश्यते। ‘हाउसफुल ५’ चलच्चित्रं जूनमासस्य ६-दिनाङ्के प्रदर्शितं भविष्यति। अधुना अक्षयस्य एकस्य नूतनस्य चलच्चित्रस्य प्रदर्शनस्य तिथ्या: घोषणा जाता। अक्षयस्य एतत् चलच्चित्रमपि जूनमासे प्रदर्शितं भविष्यति। तस्य अर्थः अस्ति यत् जूनमासे अक्षयः चलच्चित्रद्वये दृश्यते। परन्तु अक्षयः एकस्मिन् चलच्चित्रे मुख्यभूमिकायां नास्ति । इदं चलच्चित्रं दक्षिणस्य अस्ति। दक्षिणस्य नायक: विष्णु माञ्चु इत्यस्य ‘कन्नप्पा’ इति चलच्चित्रे अक्षयः दृश्यते। अक्षयः एतेन चलच्चित्रेण तेलुगुचलच्चित्रक्षेत्रे पदार्पणं करिष्यति । विष्णु माञ्चु इत्यस्य एतत् चलच्चित्रं पूर्वं अप्रैलमासस्य २५-दिनाङ्के प्रेक्षागृहेषु प्रदर्शितं भवितुम् अर्हति स्म । परन्तु केनचित् कारणेन विमोचनं स्थगितम् । अधुना च निर्मातारः नूतनं विमोचन-दिनाङ्कं घोषितवन्तः। अधुना एतत् चलच्चित्रं जूनमासस्य २७-दिनाङ्के प्रदर्शितं भविष्यति। अस्मिन् चलच्चित्रे अक्षयकुमार: शिवस्य भूमिकायां दृश्यते। अद्य अक्षयः अस्य चलच्चित्रस्य विज्ञापन छायाचित्रम् इन्स्टाग्राम-मध्ये प्रसारितं कृतवान् । छायाचित्रे शिवस्य रूपे अक्षयः दृश्यते। अक्षयः छायाचित्रेण सह विमोचनदिनम् अपि घोषितं कृतवान्।
