नवदिल्ल्याम् इन्दिरागान्धी- क्रीडाङ्ङ्गणे खेलो इण्डिया- पैरा-गेम्स इत्यस्य द्वितीय संस्करणस्य उद्घाटनम्

नवदिल्ल्याम् इन्दिरागान्धी- क्रीडाङ्ङ्गणे खेलो इण्डिया- पैरा-गेम्स इत्यस्य द्वितीय संस्करणस्य उद्घाटनम्
हिमसंस्कृतवार्ताः। केन्द्रीययुव- कार्यक्रम- खेलमन्त्री डॉ. मनसुख मण्डाविया अपराह्ने नवदिल्ल्याम् इन्दिरागान्धी- क्रीडाङ्ङ्गणे खेलो इण्डिया- पैरा-गेम्स इत्यस्य द्वितीय संस्करणस्य उद्घाटनम् अकरोत्। राष्ट्रिय-राजधान्यां त्रिषु स्थलेषु क्रीडाः आयोज्यन्ते। क्रीडामन्त्री उक्तवान् यत् खेलोइण्डिया-कार्यक्रमान्तर्गतं, भारते क्रीडा-पारिस्थितिकी तन्त्रं तीव्रतया विकसितं भवति, तथा च क्रीडकानां प्रदर्शने महत्वपूर्ण-परिष्कारः भवति। असौ कथितवान् यत् पेरिसनगरे आयोजितायां गतपैरालिम्पिक प्रतियोगितायां भारतीयक्रीडकाः नवविंशतिपदकानि विजित्य असाधारणप्रदर्शनं कृतवन्तः। असौ अस्य वर्षस्य खेलोइण्डिया- पैरागेम्स इत्येतस्यां प्रतियोगितायां भागग्रहीतेभ्यः क्रीडकेभ्यः शुभकामनाः प्रदत्तवान्। अयं कार्यक्रमः अस्य मासस्य सप्तविंशति-दिनाङ्क यावत् दिल्ल्याम् आयोजयिष्यते। त्रयोदश-शताधिकाः क्रीडकाः षड्क्रीडायोजनेषु भागं ग्रहीष्यन्ति। अद्य प्रातः इन्दिरा गान्धी-क्रीडाङ्गणे पैरा- बैडमिण्टन- प्रतियोगितायाः उद्घाटनम् अभवत्। जवाहरलाल नेहरू- क्रीडाङ्गणे श आरभ्य पैरा-एथलेटिक्स, शनिवासरात् पैरा-आर्चरी, रविवासरात् पैरा-पावरलिफ्टिङ्ग इत्येतस्याः प्रतियोगितायाः आरम्भं भविष्यति। डा. कर्णी सिंहः शूटिङ्ग्रेज इत्यत्र पैरा- शूटिङ्ग- स्पर्धाः आरभ्यन्ते। अस्य संस्करणस्य कृते पैरा-फुट्वाल इतीदं निष्कासितम् अस्ति। जनाः दूरदर्शनस्य वाहिन्यां प्रत्यक्षप्रसारणं द्रष्टुं शक्नुवन्ति।