प्रधानमन्त्रिणा नरेन्द्रमोदिना कृता न्यूजीलैण्ड्-देशस्य स्वसमकक्षेण क्रिस्टोफर् लक्सन् इत्यनेन सह विशेषवार्ता

प्रधानमन्त्रिणा नरेन्द्रमोदिना कृता न्यूजीलैण्ड्-देशस्य स्वसमकक्षेण क्रिस्टोफर् लक्सन् इत्यनेन सह विशेषवार्ता
हिमसंस्कृतवार्ताः। नवदेहल्यां न्यूजीलैण्ड्-देशस्य स्वसमकक्षेण क्रिस्टोफर् लक्सन् इत्यनेन सह वार्तालापः साधितः। चर्चायामस्यां भारत-न्यूजीलैण्ड् देशयोः सम्बन्धस्य विभिन्नाः पक्षाः सम्मिलिताः आसन्। श्रीमोदी अतिथिविशेषस्य सम्मानार्थ मध्याह्नभोजनम् अपि आयोजितवान्। स्ववक्तव्ये, श्री मोदी अवदत् यत्, असौ द्विपाक्षिक-सम्बन्धस्य विभिन्नेषु विषयेषु विस्तृतचर्चा कृतवान्, अपि च उभौ पक्षौ रक्षा-सुरक्षयोः सहभागितां सुदृढं संस्थागतं च कर्तुं निर्णयम् अकुरुताम्। श्रीमोदी उक्तवान् यत् संयुक्त-अभ्यासैः, प्रशिक्षणैः, नौकाश्रय-भ्रमणैश्च सह रक्षा-उद्योगक्षेत्रे अपि परस्परसहयोगाय अनेन मार्गः सज्जीभविष्यति । प्रधानमन्त्री अवदत् यत्, उभयोः देशयोः मध्ये परस्पर-लाभप्रदं मुक्तव्यापारसहभागितायां वार्तालापोपक्रमस्य निर्णयो सञ्जातः, येन परस्परव्यापारस्य निवेशस्य च सम्भावना वर्धयिष्यति। आतंकवादस्य, पृथकतावादीनां, चरमपन्थी-तत्त्वानां विरुद्धं भारत-न्यूजीलैण्ड्-देशयोः सहकारः निरन्तरं भविष्यति इति प्रधानमन्त्री अवदत्। सः अवदत् यत्, उभौ पक्षौ स्वतन्त्रं, मुक्तं, सुरक्षितं, समृद्धं च इण्डो-पेसिफिक् इत्यस्य समर्थनं कुरुतः, विस्तारवादे न तु विकास-नीतौ विश्वसतः । स्वस्य वक्तव्ये श्री लक्सन इत्येषः अवदत् यत् उभौ पक्षौ परस्परं लाभप्रदं मुक्तव्यापारसमन्वयं साधयितुं उत्सुकाः सन्ति इति। सः अवदत् यत्, न्यूजीलैण्ड्-देशः भारते स्वस्य कूटनीतिक-उपस्थितिं वर्धयिष्यति इति। श्री लक्सन् गतसाय‌ङ्काले राष्ट्रपतिभवने राष्ट्रपतिना द्रौपदीमुर्मु इत्यनया सह मन्त्रणां कृतवान्।
विदेशमन्त्रालयस्य पूर्वसचिवः जयदीप मजूमदारः अवदत् यत्, गतवर्षे भारत-न्यूजीलैण्ड्-देशयोः मध्ये अनेके उच्चस्तरीयाः सम्पर्काः अभवन् इति। खालिस्तानीय-तत्त्वानां विषये चर्चायाः समये प्रश्नस्य एकस्य विषये सचिवः अवदत् यत् द्वयोः नेत्रोः मध्ये वार्तालापस्य समये अयं विषयः उद्भूतः इति। सः अवदत् यत्, भारतं तेषु देशेषु भारत-विरोधी-तत्त्वानां गतिविधीनां विषये, आतङ्कवादस्य वैभवीकरणार्थं भाषणस्वातन्त्र्यस्य तथा च अन्यानां लोकतान्त्रिकस्वातन्त्र्यानां च दुरुपयोगस्य विषये सावधानतामाचरति। मजूमदारः अवदत् यत्, न्यूजीलैण्ड्-देशस्य सर्वकारः ग्रहणशीलः अस्ति, अतीते अपि चिन्ताः स्वीकृतवान् अस्ति। इतः पूर्वं श्री लक्सन इत्येषः राजघट्ट गत्वा महात्मागान्धी-वर्यस्य समाधौ श्रद्धाञ्जलिम् समर्पितवान्।न्यूज़ीलैण्ड्-देशस्य प्रधानमन्त्री भारतस्य पञ्चदिवसीयप्रवासावधौऽ परह्यः नवदेहली-नगरं आगतवान्। तेन सह मन्त्रिणः, वरिष्ठाः अधिकारिणः, व्यापारिणः, सञ्चारमाध्यमाः, भारतीय-प्रवासी-समुदायस्य सदस्याः च समेत्य उच्च-स्तरीय प्रतिनिधिदलम् अस्ति। श्री लक्सन् वर्यस्य यात्रायाः उद्देश्यं उभयोः देशयोः मध्ये द्वैपाक्षिकसम्बन्धं सुदृढं कर्तुं, सर्वेषु क्षेत्रेषु सम्बन्धान् दृढतरं कर्तु, प्रत्येकैः जनैः सह सम्बन्धानां दृढीकरणम् इत्यस्ति। न्यूज़ीलैण्ड्-देशस्य प्रधानमन्त्री बुधवासरे मुम्बई-नगरं प्रति गमिष्यति।