भूकम्पप्रतिरोधीगृहाणि निर्मीयन्ते हिमाचलप्रदेशे

हिमाचलप्रदेशे भूकम्पप्रतिरोधीगृहाणि निर्मीयन्ते, प्रशिक्षणं दीयते
हिमसंस्कृतवार्ता: – कुल्लू:।
जापानम्-नेपाल-ताइवान-इन्डोनेशिया- पापुआ-न्यूगिनी-वानुअतु-इत्यादिषु देशेषु भूकम्पेन यत् क्षतिः अभवत् तस्मात् ज्ञात्वा राज्यस्य आपदाप्रबन्धनप्राधिकरणेन निर्माणस्य सुदृढीकरणस्य योजना निर्मिता अस्ति। राज्ये भूकम्पप्रतिरोधी प्रौद्योगिक्याः उपयोगेन भवनानि गृहाणि च निर्मितानि भविष्यन्ति। अस्य कृते निर्माणकार्यं सम्बद्धानां व्यावसायिकानां विशेषप्रशिक्षणं प्रारब्धम् अस्ति ।
भूकम्पप्रतिरोधी प्रौद्योगिक्याः उपयोगेन भवनानि गृहाणि च निर्मातुं राज्यस्य प्रत्येकपञ्चायतः पञ्च व्यावसायिकाः प्रशिक्षिताः भवेयुः। आपदाप्रबन्धनप्राधिकरणस्य अधिकारिणां मते निर्माणकार्यं सम्बद्धाः भवननिर्मातार:, काष्ठकाराः, बारबन्धकाः च भूकम्पीयक्षेत्रेषु भवनानि कथं सुरक्षितानि कर्तुं शक्नुवन्ति इति शिक्षिताः भविष्यन्ति। व्यावसायिकानां कृते संरचनात्मकनिर्माणस्य, सामग्रीचयनस्य, निर्माणप्रक्रियायाः कालखण्डे मनसि स्थापनीयानां प्रमुखबिन्दवानां च विषये विशेषतया सूचितं भविष्यति। जिला-आपदा-प्रबन्धन-प्राधिकरणस्य समन्वयक: प्रशांत: अकथयत् यत् विशेषप्रशिक्षणप्रक्रिया आरब्धा अस्ति। प्रशिक्षणकार्यशालाः आयोजिताः सन्ति।
कुल्लूमण्डलस्य विकासखण्डेषु कुल्लौ, बञ्जारे च व्यावसायिकाः निर्माणस्य आधुनिकाः तकनीकाः शिक्षन्ते। कुल्लो: अन्तर्गतम् व्यावहारिकभवन-निर्माणकर्तृभ्य: राजकीयबहुतकनीकीसंस्थाने सेउबागे तथा बंजारस्य व्यावहारिकभवन-निर्माणकर्तृभ्य: खण्डविकासाधिकारीकार्यालये षड्दिवसीयं प्रशिक्षणं दीयते।
– राकेश:, प्रशिक्षणसमन्वयक:, जिला आपदाप्रबंधनप्राधिकरणम्