Himachal Weather : हिमपातस्य कारणेन ८७ मार्गाः ४५७ विद्युत्परावर्तका: च स्थगिताः, १० स्थानेषु तापमानं न्यूनतायाम्
हिमसंस्कृतवार्ता: – शिमला।
बहुकालानन्तरं हिमाचलप्रदेशे ऋतो: परिवर्तनं जातम्। रविवासरे शिमलासहितेषु हिमाचलस्य उच्चपर्वतीयक्षेत्रेषु हिमपातः अभवत्, बिलासपुरस्य नयनादेवी, काङ्गड़ा, कुल्लू: इत्यत्र च वर्षा अभवत्। शिमला, कुफरी, सिरमौर:, नौहराधार:, हरिपुरधार:, चम्बाया: किलाड़म्, मण्डी, कामरुनाग:, शैटाधार: शिकारीदेवी च ऋतो: प्रथमः हिमपातः अभवत्। सिरमौर-जनपदस्य छितकुले किन्नरकैलाशे लाहौलस्पीतौ, रोहताङ्गदर्रा, बारालाचा, कोक्सर- सिस्सु- दार्चा- जिस्पा, कुन्जुमदर्रा सहितम् उच्चशिखरेषु अपि हिमपातः अभवत्।
धर्मशालायाः नड्डी-मक्लोडगञ्जयोः वर्षा अभवत्। हिमपातानन्तरं सोमवासरे प्रातःकाले शिमलानगरे लघुसूर्यप्रकाशः आसीत्, परन्तु कठिनताः अद्यापि सन्ति। नवीनतमस्य हिमपातस्य अनन्तरं राज्यस्य एकस्मिन् राष्ट्रियराजमार्गे ८७ मार्गेषु च वाहनानां आवागमनं सोमवासरे प्रातः १०:०० वादनपर्यन्तं स्थगितम् अभवत्। यत्र सोलनं, शिमला, कुल्लू:, मण्डी, किन्नौर:, चम्बा, सिरमौर: एतेषु जनपदेषु ४५७ विद्युत्परावर्तका: प्रभाविताः सन्ति। रविवासरे प्रातःकाले रोहताङ्ग-कोक्सरस्थानयोः अपि लघुहिमपातः अभवत्।
शीततरङ्गः वर्धते, मार्गाः स्खलिताः भवन्ति
उच्चशिमलाया: यातायात: अपि हिमपातस्य कारणेन प्रभावितः भवति। मार्गे हिमसञ्चयात् अधिकं स्खलनं भवति। वाहनानि स्खलन्ति। प्रशासनेन चालकान् सावधानतां स्वीकुर्वन्तु, आवश्यकतायाम् एव यात्रां कर्तुं च परामर्श: दत्तः अस्ति। अपरं तु हिमपातानन्तरम् अधिकांशक्षेत्रेषु शीततरङ्गस्य वृद्धिः अभवत्। विगत २४ होरासु अधिकांशस्थानकेषु न्यूनतमं तापमानं सामान्यतः २-३ डिग्री सेल्सियसपर्यन्तं न्यूनम् आसीत्। अधिकतमं तापमानं अपि सामान्यतः ३-४ डिग्री सेल्सियसपर्यन्तं न्यूनम् आसीत्। १० स्थानेषु न्यूनतमं तापमानं माइनस इति अभिलेखः अस्ति। अग्रिमेषु ४८ होरासु राज्यस्य अनेकेषु भागेषु न्यूनतमं अधिकतमं च तापमानं क्रमेण २-३ डिग्री सेल्सियसपर्यन्तं न्यूनीभवति। तदनन्तरं तापमाने किमपि प्रमुखं परिवर्तनं न भविष्यति।
कोक्सरे रोहताङ्गे च पुनः हिमपातः, मनाली- केलाङ्ग- बससेवा पिहिता
अपरपक्षे रविवासरे प्रातःकाले अपि रोहताङ्गसहितं कोक्सरे लघुहिमपातः अभवत्। ऋतुं दृष्ट्वा अटलकन्दरारोहताङ्गं प्रति पर्यटकानाम् आगमनं तावत्पर्यन्तं स्थगितम् अस्ति। एकदिनपूर्वं उच्चशिखरेषु हिमपातस्य अनन्तरं मनाली- केलाङ्ग- क्षेत्रयोः मध्ये बससेवा बाधिता अस्ति। सम्प्रति न निगमस्य बसयानानि लाहौलं प्रति प्रेष्यन्ते न च लाहौलतः मनाली प्रति बसयानानि आगमिष्यन्ति। सोमवासरे अपि कुल्लु- लाहौलक्षेत्रयोः वातावरणं परिवर्तनशीलम् एव अस्ति।
कारयानं हिमे स्खलितं, गर्ते च पतितम्, एकः मृतः
प्रदेशस्य एतेषु क्षेत्रेषु लघुहिमपातः अभवत्। अनेन क्षेत्रस्य कृषकाणाम्, उद्यानपालकानां च आशाः वर्धिताः। अपरपक्षे वर्षाकारणात् शुष्कशीतजन्यरोगाणां निवृत्तिः अपि जनाः प्राप्नुयुः। सोमवासरे मण्डले मार्गदुर्घटनायां एकस्य व्यक्ते: मृत्युः अभवत्। प्रारम्भिकसूचनानुसारं नौहराधारे हिमस्य उपरि स्खलितं वाहनं गर्ते पतितम्। तत्स्थानं प्राप्य पुलिसैः अग्रे कार्यविधि: आरब्धा।
