HP NEWS : हिमाचलस्य द्वयो: पंचायतयो: राष्ट्रीयपुरस्कार:, राष्ट्रपति: ११ दिसम्बरदिनांके पुरस्कारं प्रदास्यति
हिमसंस्कृतवार्ता: – कार्यालयीय: प्रतिनिधि:।
हिमाचलप्रदेशस्य द्वाभ्यां ग्रामपंचायताभ्यां त्रिभ्य: राष्ट्रीयपंचायतपुरस्कारेभ्य: सम्मानितं करिष्यते। द्वाभ्यां ग्रामपंचायताभ्यां दीनदयाल-उपाध्याय पंचायतसततविकासपुरस्कार-२०२४ एवं एकस्मै नानाजीदेशमुखसर्वोत्तम-पंचायत सततविकासपुरस्कार-२०२४ हेतवे चयनं कृतमस्ति। एते पुरस्काराः ११ दिसम्बर दिनाङ्के नवीदिल्लीनगरे आयोजिते राष्ट्रियग्रामपञ्चायतपुरस्कारप्रदानकार्यक्रमे प्रदत्ताः भविष्यन्ति। दीनदयालउपाध्याय- पंचायतसतत- विकासपुरस्काराय हमीरपुरजनपदस्य बमसनखणड सिकांदर ग्रामपंचायतस्य एवं शिमलाजनपदस्य नारकांडाखण्डस्य थानाधार ग्रामपंचायतस्य चयनं जातमस्ति । सिकांदर ग्रामपंचायताय जलपर्याप्तपंचायतस्य वर्गे, थानाधार पंचायताय सामाजिकरूपेण न्यायपूर्णस्य एवं सुरक्षितपंचायतस्य वर्गे राष्ट्रीयपुरस्कार: प्रदास्यते। अस्मिन् अवसरे पंचायतेभ्य: ७५ लक्षरूप्यकाणां पुरस्कारधनं दीयते।
१५ राज्यानां पंचायतेभ्य: राष्ट्रीयपुरस्कार:
अस्मिन् वर्षे कुलम् ४५ राष्ट्रियपुरस्काराणां कृते १५ राज्यानां ग्रामपञ्चायतानां चयनं कृतम् अस्ति । एतेषु ओडिशा-त्रिपुरा-प्रदेशयोः अधिकतमं सप्त-सप्त पुरस्कारा: प्रदास्यन्ते, महाराष्ट्रस्य कृते षट्, आन्ध्रप्रदेशाय चत्वार: पुरस्काराः प्रदास्यन्ते । तदनन्तरं हिमाचलप्रदेशः बिहारः च अग्रे सन्ति, यत्र तेभ्य: त्रय: राष्ट्रियपुरस्काराः प्रदास्यन्ते।
नानाजीदेशमुखसर्वोत्तमपुरस्कार: थानाधारपंचायताय
शिमलाया: थानाधार ग्रामपंचायताय नानाजीदेशमुख-सर्वश्रेष्ठपंचायतसतत- विकासपुरस्कार-२०२४ इत्यस्य अंतर्गतं सर्वश्रेष्ठग्रामपंचायतस्य वर्गे चयनं जातमस्ति। एष: पुरस्कार: थानाधारपंचायताय उत्कृष्टकार्याय, समाजस्य विभिन्नवर्गेभ्य: नीतीनां कृते सततविकासे योगदानाय च प्रदास्यते ।
राष्ट्रीयपुरस्कारै: हिमाचलस्य पंचायतानां गौरवं वर्धयिष्यते
हिमाचलपंचायतीराजविभागस्य निदेशक: राघव: शर्मा अवदत् अयं पुरस्कार: हिमाचलप्रदेशस्य ग्रामपंचायतेभ्य: गौरवास्पदं वर्तते। एतत् एतेषां पंचायतानां सामूहिकप्रयत्नस्य जनहिताय कृतस्य कार्यस्य च परिणामः अस्ति तथा च अन्येषां पंचायतानां कृते अपि प्रेरणास्रोतः भविष्यति। राज्यस्य एतेषां ग्रामपञ्चायतानां प्रतिनिधिभिः ११ दिसम्बर दिनाङ्के नवीदिल्लीनगरे आयोजिते पुरस्कारवितरणसमारोहे पुरस्काराः प्राप्ताः भविष्यन्ति।
