सीएसयू भोपालपरिसरे त्रिदिवसीया अनुसन्धानोपकरणकार्यशाला सुसम्पन्ना
हिमसंस्कृतवार्ता:- प्रवेशकुमारशुक्ल:, भोपालम्)
केन्द्रीयसंस्कृतविश्वविद्यालयस्य भोपालपरिसरे शिक्षाशास्त्रविद्याशाखायां कार्तिकशुक्लैकादशीत: कार्तिकशुक्लत्रयोदशीपर्यन्तं त्रिदिवसीया इयमनुसन्धानोपकरणनिर्माणकार्यशाला आसीत्।
आदौ सुरभारतीसमुपासनेन सम्पूर्तिसत्रस्यारम्भ: अभवत्। वैदिकमङ्गलाचरणं राहुलतिवारि, तदन्तरं समुपस्थितान् सर्वान् आचार्यान् छात्राञ्च शिक्षाशास्त्रविद्याशाखाया: ज्येष्ठाचार्या: कार्यक्रमस्य समन्वयका: प्रो. सोमनाथसाहुमहोदयै: निजवाक्पुष्पै: स्वागतं, प्रतिवेदनं च प्रस्तुतवन्त:। सभाया: सभाध्यक्षा: परिसर-सहनिदेशका: प्रो. नीलाभतिवारिमहोदया: उक्तं यत् शैक्षिकानुसंधाने
उपकरणानां प्रयोग: कथं कर्तव्य: इति प्रथमं चरणं भवतीति। अंकुरकुमार:, पुष्करतिवारी, अपूर्वा उपाध्याय कार्यक्रमस्यानुभवकथनम् अकुर्वन्। कार्यशालायामागता: विषयविशेषज्ञा: डॉ. प्रभाकरपाण्डेया: भणितं यत् साम्प्रतं AI मनोमयकोशं लङ्घयित्वा विज्ञानमयकोशं स्पृशति।पञ्चकोशाणां विषये च प्रबोधिता:। प्रो. अशोककच्छवाहा, डॉ. कृष्णकान्ततिवारी, डॉ. गोविन्दसरकार, डॉ. ललितमोहनपन्तोला, डॉ. गोकुलानन्दतिवारी, डॉ. वरुणसौरभपोखरियाल, डॉ. कनकवल्ली प्रभृतया: आचार्या: समुपस्थिता: आसन्। पवनकुमारमहोदया: सर्वेषामतिथीनां साधुवादा: ज्ञापितवन्त:।
सीएसयू भोपालपरिसरे त्रिदिवसीया अनुसन्धानोपकरणकार्यशाला सुसम्पन्ना
नमस्कार मित्राणि! अहमस्मि डॉ.अमनदीपशर्मा। अहं हिमाचलप्रदेशस्य शिक्षाविभागे संस्कृतशिक्षकोऽस्मि। कांगड़ा जनपदस्य कस्बाकोटला (भटेड़) इत्याख्ये ग्रामे अहं वसामि, किञ्च स्वग्रामात् एव संस्कृतस्य प्रचारप्रसारकार्यं मया क्रियते। अधुना शैक्षणिकसंस्थासु आधुनिकभाषारूपेण संस्कृतस्य प्रचारः भवेत्, एतदर्थम् अहम् हिमसंस्कृतवार्ताः, संस्कृतगुरु 24 इत्यनयोः प्रकल्पयोः माध्यमेन कार्यं कुर्वन्नस्मि। यदि भवन्तः मदीयेन कार्येण सन्तुष्टा तर्हि अस्माकं सहयोगं कुर्वन्तु , अस्माकं संस्कृतप्रसारस्य ये प्रकल्पाः लोके प्रचलन्ति तान् सर्वत्र प्रसारयन्तु। अस्माकं कृते आनन्दस्य विषयः यत् हिमसंस्कृतवार्ता संस्कृतपत्रकारितायाः विषये हिमाचलप्रदेशस्य प्रथमः प्रकल्पः इदानीम् आविश्वे कीर्तिम् प्राप्नोति।
Leave a comment
Leave a comment
