CM Sukhu in Hamirpur : भाजपायाम् अन्तर्कलहस्य स्थिति: खण्डषु विभक्तं दलम्
हिमसंस्कृतवार्ता: – हमीरपुरम्।
मुख्यमंत्री सुखविंदरसिंहसुक्खु: हमीरपुरजनपदस्य बड़सरविधानसभा क्षेत्रस्य बिझड़ीस्थाने लोकनिर्माणविभागस्य नूतन- उपमण्डलकार्यालयस्य उद्घाटनं कृतवान्। सः अवदत् यत् नूतनस्य उपमण्डलकार्यालयस्य उद्घाटनेन डढवालक्षेत्रे मार्गानाम् अनुरक्षणं सुदृढं भविष्यति येन जनानां कृते सुविधा भविष्यति। अद्यावधि बड़सर उपमण्डलस्य दायित्वं ६०० कि.मी. मार्गाणां व्यवस्थापनस्य आसीत्। सम्प्रति बिझड़ीक्षेत्रे नूतनकार्यालयस्य उद्घाटनात् लोकनिर्माणविभाग: प्रभावीरूपेण कार्यं कर्तुं शक्नोति। मुख्यमन्त्री ३.१९ कोटिरूप्यकाणां व्ययेन निर्मितस्य १२ कि. मी. दीर्घस्य बड़सर-शाहतलाई-मार्गस्य सुदृढीकरणकार्यस्य उद्घाटनम् अपि कृतवान्। सः अवदत् यत् प्रतिवर्षं शाहतलाई, दियोटसिद्ध इत्यादिषु प्रसिद्धेषु धार्मिकस्थानेषु आगच्छन्तः लक्षशः भक्ताः अस्मिन् मार्गेण सुलभयानस्य सुविधां प्राप्नुयुः। एतदतिरिक्तं तेन २४ कि.मी.दीर्घस्य सलौणी- दियोटसिद्धमार्गस्य उन्नयनस्य/ विस्तारस्य अपि आधारशिला स्थापिता। अस्मिन् कार्ये २६.३२ कोटिरूप्यकाणां व्ययः भविष्यति। अयं मार्गः सम्प्रति ३.२ मीटर विस्तृतः अस्ति यस्य विस्तारः ५.५ मीटर यावत् भविष्यति।
सुखविन्दरसिंहसुक्खो: नादौन- शाहतलाई- क्षेत्रयोः प्राप्ते सति जनैः हार्दिकं स्वागतं कृतम्। नादौननगरे पत्रकारैः सह वार्तालापं कुर्वन् मुख्यमन्त्री अवदत् यत् अद्य शिमलानगरे मन्त्रिमण्डलसदस्यैः सह बजटस्य सज्जतायाः विषये समागमः कृतः। सः बजटस्य निर्माणार्थं सर्वा: अनिवार्य औपचारिकता: समये एव सम्पन्नं कर्तुं निर्देशान् अपि दत्तवान्। सः अवदत् यत् राज्यसर्वकारेण दशसु पञ्च प्रतिज्ञा: पूर्वमेव पूर्णाः कृताः, अन्यासां प्रतिज्ञानां पूर्तये अपि सज्जता क्रियते। मुख्यमन्त्री भाजपानेतृणां राज्यस्य जनान् भ्रामयति इति आरोपं कृतवान्। सः अवदत् यत् शीर्षकेषु स्थातुं विपक्षनेतारः प्रतिदिनं व्यर्थं निराधारं च वक्तव्यं ददति। सः अवदत् यत् भाजपायां अन्तःयुद्धं प्रचलति, दलं च पूर्णतया अनेकखण्डेषु विभक्तम् अस्ति। सः अवदत् यत् राज्यभाजपानेतारः अपि मिथ्या सूचनां दत्त्वा प्रधानमन्त्रिणं नरेन्द्रमोदिनं भ्रामयन्ति। सः अवदत् यत् हिमाचलप्रदेशः देशस्य प्रथमं राज्यं यत् मासे द्विवारं स्वकर्मचारिभ्यः वेतनं दत्तवान् परन्तु एषा सूचना प्रधानमन्त्रिणे न दत्ता। राज्यसर्वकारेण अक्तूबर मासस्य वेतनं चतुर्दिनानि पूर्वं दत्तम् अस्ति। सः अवदत् यत् राज्यसर्वकारेण स्वस्य २२ मासस्य कार्यकाले कर्मचारिभ्यः ११ प्रतिशतं महार्घतावृत्ति: दत्ता। सः अवदत् यत् एकवारमेव वेतनस्य देयतायां विलम्बः अभवत् येन राष्ट्रियमाध्यमानां शीर्षकं जातम्। सुविधास्तरस्य न्यूनतायाः विषये भाजपानेतृणां वक्तव्यस्य अपि मुख्यमन्त्री आलोचनां कृतवान्। सः अवदत् यत् राज्यसर्वकारः जनसामान्यं प्रति प्रदत्तानां सुविधानां उन्नयनार्थं निरन्तरं प्रयत्नान् कुर्वन् अस्ति। स्वप्रतिबद्धतां पुनः उक्त्वा मुख्यमन्त्री अवदत् यत् २०२७ तमवर्षपर्यन्तं हिमाचलं स्वावलम्बनं, २०३२ तमवर्षपर्यन्तं देशस्य समृद्धतमं सुखदं च राज्यं कर्तुं राज्यसर्वकारः निरन्तरं अग्रे गच्छति।
