National News : प्रधानमन्त्री नरेन्द्रमोदी वाराणस्यां प्रधानमन्त्री-किसान-सम्मान-निधि-योजनान्तर्गतं विंशति-सहस्र-कोटि-रुप्यकाणां सप्तदशतमं देयराशिं प्रसारयिष्यति।
Railway Accident : पश्चिम बङ्गाले दुरापादितायां रेल-दुर्घटनायां अष्टौ जनाः मृत्युमुपगताः
प्रधानमन्त्री राष्ट्रिय-साहाय्य- कोषात् प्रत्येकं मृतकस्य परिजनेभ्यः दश-लक्ष-रूप्यकाणि प्रदास्यन्ते
हिमसंस्कृतवार्ता: ।
पश्चिम-बङ्गाले दुरापादितायां रेल-दुर्घटनायां रेलविभागस्य अधिकारित्रयं समेत्य अष्टौ जनाः मृत्युमुपगताः। रेलवे बोर्ड इत्यस्य अध्यक्षा जया वर्मा राजधान्यां नवदिल्यां वार्ताहर-सम्मेलने उक्तवती यत् साहाय्योद्धार- कार्य सम्पन्नम्। अस्यां दुर्घटनायाम् आहत्य पञ्चाशत् जनाः मृत्युमुपगताः। प्रधानमन्त्रिणा नरेन्द्रमोदिना रेल- दुर्घटनायां गभीरं दुःखं प्रकटितम्। सामाजिक-सञ्चार-पटले प्रधानमन्त्री अलिखत् यत् पश्चिम बङ्गाले दुरापादिता रेल-दुर्घटना दुखावहा विद्यते। अमुना मृतकाणां परिजनान् प्रति संवेदना व्यक्तीकृता। प्रधानमन्त्रिणा व्रणितानां शीघ्र स्वस्थ-लाभस्य कामना कृता। श्रीमोदिना रेल विभागस्य अधिकारिभिः सह संवादं विधाय स्थितिः परिज्ञाता। रेलमन्त्री अश्विनी वैष्णवः अवोचत् यत् प्रधानमन्त्री राष्ट्रिय-साहाय्य-कोषात् प्रत्येकं मृतकस्य परिजनेभ्यः दश-लक्ष-रूप्यकाणाम् प्रत्येकं गभीरतया व्रणितेभ्यः सार्ध-द्वि-लक्ष-रूप्यकाणाम् अथ च प्रत्येकं सामान्यतया व्रणितेभ्यः च पञ्चाशत् सहस्ररूप्यकाणि प्रदास्यन्ते। अत्रान्तरे राष्ट्रपतिः द्रौपदी मुर्मुः रेलदुर्घटनायां दुःखं प्रकटितवती । एकस्मिन् सामाजिक सञ्चार-पटले तया लिखितं यत् रेलदुर्घटनायां जनहानिः कष्टप्रदा विद्यते।
पश्चिम बंगालराज्यस्य रेल-दुर्घटनायाः अनन्तरं रेलयानपरिचालनं-बाधितं
हिमसंस्कृतवार्ता:।
पश्चिम बंगालराज्यस्य रंगपानी-रेलवे-सन्धि-स्थानकं समीपं रेल-दुर्घटनायाः अनन्तरं बारसोई-न्यू- जलपाईगुड़ी-रेलखण्डे रेल-सेवापि प्रभाविता जाता। कटिहारस्य मण्डल रेल प्रबन्धकः सुरेन्द्रकुमारः अकथयत् यत् दुर्घटनेयं अनुभागस्य अधोगतपट्टिकायां उत्पन्ना। दुर्घटनाम् अभिलक्ष्य वन्देभारत एक्सप्रेस-डिब्रूगढ़-नई दिल्ली राजधानी एक्सप्रेस-रेलयानानि समेत्य नवरेलयानानां मार्गाः परिवर्तिताः। जनानां साहाय्यार्थं पृथक् पृथक् क्षेत्रेषु साहाय्य-पटलानि स्थापितानि। कञ्चनजङ्गा रेलयान-सम्बद्धः दूरभाष-क्रमाङ्कः वर्तते 033- 23508794, 033-23833326 इति।
सिक्किमे तोयप्लावः – पर्यटकान् निष्कासितुं साहाय्य-कार्यम् पुनः आरब्धम्
हिमसंस्कृतवार्ता:।
जलप्लाव-प्रभावितस्य सिक्किमस्य मङ्ङ्गन-जनपदस्य चुङ्गथाङ्ग क्षेत्रे अवरूद्धान् पर्यटकान् निष्कासितुं साहाय्य-कार्यम् अद्य पुनः आरब्धम्। मङ्गनस्य जनपदाधिकारी हेमकुमार-छेत्री आकाशवाण्याः वार्ताः प्रभागम् अवोचत् यत् अरूद्धान् पर्यटकान् प्रभावित क्षेत्रेभ्यः निष्कास्य राजधान्यां गङ्गटोक नगर्यां प्रापणम् आरब्धम्। प्रतिकूलेन ऋतुचक्रकारेण पर्यटकाः वायवीयमार्गेण प्रत्यानेतुं न शक्यन्ते, मङ्ङ्गन-जनपदस्य लाचुङ्ग- चुङ्ङ्गथाङ्ग-क्षेत्रयोः अवरूद्धान् द्विसहस्र-पर्यटकान् निष्कासितुं दिनद्वयात् प्रयासाः विधीयन्ते। अत्रान्तरे राज्ये अनवरत-वृष्ट्या भू-स्खलनेन च इदानीं यावत् नव जनाः मृताः प्रबल-वृष्ट्या राज्यस्य प्रमुख-मार्गाः क्षतिग्रस्ताः सन्ति, सीमा सड़क-संगठन-इत्येतत् प्रभावित-क्षेत्रेषु पथ-सम्पर्क साधितुं प्रयासान् विदधाति।
Home Minister : केन्द्रीयगृहमन्त्री अमितशाहः मणिपुरसुरक्षास्थितिं समीक्षितुं उच्चस्तरीयोपवेशनस्य अध्यक्षताम् अकरोत्
हिमसंस्कृतवार्ता:।
केन्द्रीयगृहमन्त्री अमितशाहः नवदिल्लयां मणिपुरसुरक्षास्थितिं समीक्षितुं उच्चस्तरीयोपवेशनस्य अध्यक्षताम् अकरोत्। केन्द्रीय गृहसचिवः अजयभल्लाः आसूचनाभिकरणप्रमुखः तपनडेका थलसेनाध्यक्षः जनरल मनोजपाण्डेः मणिपुरस्य आरक्षि-महानिदेशकः राजीव सिंहः अन्ये च वरिष्ठाधिकारिणः उपवेशनेऽस्मिन् सम्मिलिताः अभवन्। ह्यः केन्द्रीय गृहमन्त्रिणा अमितशाहेन जम्मू-कश्मीरस्य सुरक्षास्थितिं अथ च अमरनाथयात्रायाः सज्जतां समीक्षितुं एकमुच्चस्तरीयोपवशनं विहितम्।
भारत-अमेरिकयोः मध्ये नव-दिल्ल्यां प्रचलति द्वितीयं वार्षिकं उदीयमान प्रौद्योगिकी सम्बद्धं उपवेशनम्
हिमसंस्कृतवार्ता:।
भारत-अमेरिकयोः मध्ये द्वितीयं वार्षिक उदीयमान प्रौद्योगिकी सम्बद्धं उपवेशनं नव-दिल्ल्यां प्रचलति। अस्मिन् उपवेशने राष्ट्रिय सुरक्षा परामर्शदः अजित डोभालः विदेश मन्त्री डॉक्टर सुब्रमण्यम जयशङ्करः अमरीकायाः राष्ट्रिय-सुरक्षा-परामर्शदः जेक सुलिवन इत्येते उपस्थिताः सन्ति। उभयोः पक्षयोः मिथः व्यापक- द्विपक्षीय-क्षेत्रीय-वैश्विक प्रकरणेषु विशेष-चर्चा विधीयते।
जम्मू-कश्मीरे आतङ्क्याक्रमणम् एक: आतङ्की मारितः
हिमसंस्कृतवार्ता:।
जम्मू-कश्मीरस्य बान्दीपुरा जनपदस्य अरगाम-क्षेत्रे सुरक्षाबलैः सह सङ्घर्षे एक: आतङ्की मारितः । आरक्ष्याधिकारिणाम् अनुसारम् अस्मिन् क्षेत्रे आतङ्कवादिनां निगूढनस्य सूचनाधारेण सेनया केन्द्रीय- रक्षितारक्षिबलेन जम्मू-कश्मीर आरक्षिबलेन च अरगाम-इत्यत्र संयुक्ताभियानं प्रचालितम् । सुरक्षा-बलानां संयुक्त-दलं यदा सन्दिग्ध-स्थलम् उपगतं तदैव निगूढातङ्कवादिभिः अनारत्तं गोलिका प्रहारम् आरब्धम् । सुरक्षा-बलानां प्रत्युत्तरे एकः आतङ्कवादी मारितः। अन्तिम वार्ताः लेखन-समयं यावत् अयं सङ्घर्षः प्रवर्तितः अस्ति।
मुम्बई-चलचित्र-समारोहः – अष्टादशतमः मुम्बई-अन्ताराष्ट्रिय चलचित्र महोत्सवः समारब्धः।
हिमसंस्कृतवार्ता:।
वृत्तचित्र-लघुकथा-चित्रसञ्जीवन-चलचित्रेभ्यः अष्टादशतमः मुम्बई-अन्ताराष्ट्रिय चलचित्र महोत्सवः समारब्धः। अद्य तृतीये दिवसे माईफादर-वी शुड ऑलबी-फ्यूचरिस्ट लाइफ-इन-लूम पुकार-शान्ति-इनसाइड आउट टू-इत्यादिनि चलचित्राणि प्रदर्शितानि। प्रातः अनलॉकिंग-द फोर्स-चैनलिंग डॉक्यूमेंट्री फिल्म्स टू ड्राइव सोशल-चेंज इत्यनेन शीर्षकण एका विशेषज्ञैः युता चर्चा आयोजिता। एतस्मिन् सत्रे भारतीयनिदेशकः डॉ. तालकाडु श्रीनिवासैया नागभरणः अपि च राष्ट्रिय चलचित्र-विकास-निगमस्य महाप्रबन्धकः डी. रामकृष्णः च भागं स्वीकृतवन्तौ। पड्-दिवसीय महोत्सवस्य अस्य समापनं एकविंशतिः दिनाङ्के भविष्यति।
PM Modi : प्रधानमन्त्री नरेन्द्रमोदी वाराणस्यां प्रधानमन्त्री-किसान-सम्मान-निधि-योजनान्तर्गतं विंशति-सहस्र-कोटि-रुप्यकाणां सप्तदशतमं देयराशिं प्रसारयिष्यति।
हिमसंस्कृतवार्ता:।
प्रधानमन्त्री नरेन्द्रमोदी मङ्गलवासरे उत्तरप्रदेशस्य वाराणसीनगर्यां प्रधानमन्त्री-किसान-सम्मान-निधि- योजनान्तर्गतं विंशति-सहस्र-कोटि-रुप्यकाणां सप्तदशतमं देयराशिं प्रसारयिष्यति। देयराशेः धनं प्रत्यक्षतया पविशति-लक्षाधिक-नव-कोटिः लाभार्थि-कृषकाणां वित्तकोषेषु सम्प्रेषयिष्यते। एतस्मिन् कार्यक्रमावधौ श्रीमोदी स्वयं-साहाय्य-समूहानां त्रिंशत्सहस्राधिकाभ्यः महिलाभ्यः कृषि-सखी-इत्यस्यान्तर्गतं प्रमाणपत्राण्यपि वितरिष्यति। तदनु प्रधानमन्त्री नरेन्द्रमोदी अस्य मासस्य अष्टादश नवदश च दिनांकी उत्तरप्रदेश-बिहारयोः भ्रमणं करिष्यति। श्वः सायं श्रीमोदी दशाश्वमेध-घट्टे गङ्गा-आरार्तिक्यां समुपस्थितो भविष्यति तदनन्तरं काशी-विश्वनाथ-देवालये पूजां दर्शनञ्च करिष्यति। नवदशदिनांके च प्रातः प्रधानमन्त्री नालन्दायाः भग्नावशेषाणाम् अवलोकनार्थ तत्र गमिष्यति। एतदनन्तरं असौ बिहारस्य राजगीर-स्थले नालन्दा- विश्वविद्यालयपरिसरस्यापि उद्घाटनं विधास्यति। अत्रावसरे जनसभां एकामपि सम्बोधयिष्यति
देशस्य पृथक् पृथक् भागेषु परम्परा पूर्वकं परिपालित: ईद पर्व:
हिमसंस्कृतवार्ता:।
ईद उल अजहा पर्व अद्य देशस्य पृथक् पृथक् भागेषु परम्परा पूर्वकं परिपाल्यते, श्रद्धालवः प्रातः कालादेव नमाज प्रार्थनायै ईदगाहेषु मस्जिदेषु च समागच्छन्ति, राजधान्यां नवदिल्लयां प्रमुखोत्सवः जामा मस्जिद, फतेहपुरी मस्जिद, शाही ईदगाह इत्येतेषु स्थलेषु समायोज्यते, राष्ट्रपतिः द्रौपदी मुर्मुः, उपराष्ट्रपतिः जगदीप धनखड़ः, प्रधानमन्त्री नरेन्द्रमोदी च ईद पर्वणि देशवासिभ्यः शुभकामनाः प्रदत्तवन्तः ।
विंशति-क्रिकेट-प्रतिस्पर्धा
हिमसंस्कृतवार्ता:।
विंशति प्रति विंशति-इत्येतस्यां क्रिकेट प्रतिस्पर्धायां अद्य न्यूजीलैण्डदलं पापुआ न्यू गिनी-दलं सम्मुखी करिष्यति। प्रतिस्पर्धेयं त्रिनिदाद नगरे भारतीय-समयानुसारं रात्री अष्टवादनतो स्पर्धिष्यते। इतः प्राक् अद्य प्रातः क्रीडिते द्वन्द्वे सेण्ट लुसिया नगरे श्रीलङ्कादलेन नीदरलैण्डदलं त्र्यशीतिः धावनांकैः पराजित्य निज- प्रथमः विजयः समधिगतः ।
