HP Politics : भाजपया १५०० रुप्यकाणि रोधयित्वा महिलानां अपमानं कृतम्
हिमसंस्कृतवार्ता- शिमला । राजस्व-उद्यानमन्त्री जगतसिंह नेगी तथा विधानसभायां उपमुख्य सचेतक केवलसिंहपठानिया इत्येताभ्यां निगदितम् यत् भाजपया इन्दिरागांधी-प्रियभगिनी- सुखसम्माननिधि इत्यस्मात् १५०० रुप्यकाणि स्थगयित्वा महिलानां अपमानं कृतम्। भाजपा केवलं महिलासौहृदस्य अभिनयं करोति, विपक्षदलम् पूर्णतया महिलाशक्तिविरुद्धम् अस्ति। निर्वाचनेषु मतदानं विहाय भाजपा महिलानां कृते किमपि न करोति। नेगी पठानिया च उक्तवन्तौ यत् यदि भाजपाद्वारा निर्वाचन-आयोगद्वारा महिलाभ्यः १५०० रूप्यकाणि दातुं प्रतिबन्धः न हृतः तर्हि जूनमासे सर्वकारः पात्रमहिलानां कृते एकवारं मासत्रयस्य राशिं दास्यति। अधुनैव नादौनविधानसभाक्षेत्रस्य गलोड़े मुख्यमन्त्रिणा सुखविन्दरसिंहसुक्खुन दत्तं एतत् वक्तव्यं स्वागतयोग्यम्।
भाजपा यथा इच्छति तथा १५०० रुप्यकाणां विरोधं कर्तुं शक्नोति, एषा राशिः २०२४ तमस्य वर्षस्य एप्रिलमासात् महिलाभ्यः उपलब्धा भविष्यति। योजनायाः प्रथमं मासिकांशं लाहौलस्पीतिमण्डलस्य महिलानां वित्तकोषसंख्यासु प्राप्तम् अस्ति। राज्यस्य अन्यजनपदेषु महिलाः अपि २०२४ तमस्य वर्षस्य एप्रिल-मासस्य प्रथमदिनात् आरभ्य अस्याः योजनायाः लाभं प्राप्तुं अर्हन्ति स्म । सम्पूर्णे राज्ये योजनायाः कार्यान्वयनार्थं मन्त्रिमण्डलसभायां ८०० कोटिरूप्यकाणां व्ययकम् अपि सर्वकारेण अनुमोदितम्। एप्रिलस्य प्रथमदिनात् योजनायाः कार्यान्वयनार्थं अधिसूचना पूर्वमेव प्रसारिता अस्ति। तदपि भाजपा निर्वाचन-आयोगस्य समीपं गत्वा योजनायाः प्रतिबन्धं कृतवती ।
विपक्षस्य नेता जयरामठाकुरं स्वीकृत्य नेगी पठानिया च उक्तवन्तौ यत् पूर्वं जयरामठाकुरः प्रतिदिनं वदति स्म यत् काङ्ग्रेससर्वकारः महिलाभ्यः १५०० रूप्यकाणां प्रतिज्ञां न पूरयति, परन्तु यदा सर्वकारः निर्वाचन-आचारसंहिताया: प्रवृत्तित: पूर्वं प्रपत्राणि पूरयितुं आरब्धानि तदा निर्वाचनस्य घोषणामात्रेण जयरामः योजनायाः प्रतिबन्धं कर्तुं निर्वाचनायोगं प्राप्तवान् । यस्माद् भाजपाया: जयरामठाकुरस्य च द्विमुखं चरित्रं स्पष्टीभूतम् । सः अवदत् यत् महिलाशक्तिः निर्वाचने भाजपायाः कृते कठिनं पाठं पाठयितुं सज्जा अस्ति। इन्दिरागांधी-प्रियभगिनी-सुखसम्मान निधियोजना महिलानां जीवने बृहद् परिवर्तनं आनेष्यति । तेषां कृते प्रतिवर्षं १८००० रूप्यकाणि प्रदास्यते, येन महिलाः स्वावलम्बी भवितुं साहाय्यं करिष्यन्ति।
