हिमाचले उद्घाटितानि भविष्यन्ति वाहनानां तक्षणकेन्द्राणि (स्क्रैपिंग), स्वचालितपरीक्षणकेन्द्राणि च- उपमुख्यमंत्री मुकेश अग्निहोत्री
हिमसंस्कृतवार्ताः – कार्यालयीय: प्रतिनिधि:।
हिमाचले १५ वर्षीयानि सर्वकारीयवाहनानि त्यक्तानि भविष्यन्ति। अस्मिन् वर्षे राज्ये षट् पञ्जीकृतवाहन- तक्षणकेन्द्राणि (स्क्रैपिंग), स्वचालितपरीक्षणकेन्द्राणि च सर्वकारः उद्घटयिष्यति। उपमुख्यमन्त्री मुकेश अग्निहोत्री शनिवासरे पत्रकारसम्मेलने एतां सूचनां दत्तवान्। सः अवदत् यत् वाहनस्य स्क्रैपिंग केन्द्रस्य स्थापनायै इच्छुकजनानाम् निविदाः ३१ जनवरीपर्यन्तं आमन्त्रिताः सन्ति। अक्तूबर-मासस्य प्रथमदिनात् आरभ्य सर्वेषां वाहनानां उत्तीर्णता केवलं स्वचालितपरीक्षणकेन्द्रे एव भविष्यति। मोटरवाहननिरीक्षकस्य एमवीआई इत्यस्य भूमिका समाप्ता भविष्यति।
स्वचालितपरीक्षणकेन्द्रस्य स्थापनायै अपि आवेदनपत्राणि आमन्त्रितानि सन्ति। ई-चालान-व्यवस्था ३१ मार्चपर्यन्तं पूर्णतया कार्यान्विता भविष्यति। पीओएस-यन्त्राणां माध्यमेन दण्डस्य भुक्ति: भविष्यति। परिवहनविभागस्य १२ अवरोधका: ३० जूनपर्यन्तं मेधा- यातायातप्रबन्धनव्यवस्थया सह सम्बद्धाः भविष्यन्ति। एएनपीआर-प्रौद्योगिक्याः माध्यमेन सीसीटीवी-यन्त्राणां साहाय्येन नियमानाम् उल्लङ्घनाय ऑनलाइन-चालान भविष्यन्ति। वाहनस्य अभिलेखा: अन्तर्जालद्वारा अपि अवलोकयितुं शक्यन्ते। २०२४ तमः वर्षः परिवहनविभागस्य कृते उन्नयनस्य वर्षं भविष्यति। मुकेश अग्निहोत्री अवदत् यत् परिवहनविभागस्य वार्षिकराजस्वं ५०० कोटिरूप्यकात् ८०० कोटिरूप्यकाणि यावत् वर्धितम् अस्ति, तस्य लक्ष्यं १००० कोटिरूप्यकाणि यावत् वर्धयितुं वर्तते।
15 दिनाङ्कतः मार्ग सुरक्षा जागरूकता अभियानम्
परिवहनविभागः १५ जनवरीतः मार्गसुरक्षाजागरूकतायाः अभियानं आरभेत। जनाः यातायातनियमानाम् अनुसरणं कर्तुं प्रेरिताः भविष्यन्ति। जिलाप्रशासनस्य लोकनिर्माणविभागस्य च सहकारेण दुर्घटनासम्भावितस्थलानाम् उन्नयनं भविष्यति। जागरूकता अभियाने विद्यालयस्य बालकाः अपि सम्मिलिताः भविष्यन्ति। १८ वर्षाणाम् उपरि बालकानां कृते वाहनचालनस्य अनुज्ञापत्रं निर्मातुं विशेषाभियानम् चालितम् भविष्यति। हिमाचले घटमानानाम् आहत्यदुर्घटनानां मध्ये ५० राष्ट्रीयोच्चमार्गे भवन्ति मानवदोषः एव दुर्घटनानां मुख्यकारणम् अस्ति। पूर्ववर्षेभ्यः अपेक्षया दुर्घटनानां दरं १३ प्रतिशतं न्यूनीकृतम् अस्ति। अस्मिन् वर्षे एतावता ८८१ जनाः दुर्घटनासु प्राणान् त्यक्तवन्तः। यत्र गतवर्षे ९३२ जनाः प्राणान् त्यक्तवन्तः। अधुना केवलं ई-वाहनानि एव सर्वकारीयक्षेत्रे क्रीयन्ते, पुरातनक्रमस्य पेट्रोलवाहनानि गुरुवासरे सचिवालयम् आगतानि।
ई टैक्सी कृते मार्गदर्शिकाः निर्णीताः
राज्ये २८११ विद्युत्वाहनानि पञ्जीकृतानि सन्ति। तेषु २४१२ वाहनानि सन्ति, ३९९ वाणिज्यिकवाहनानि च सन्ति। सर्वकारीयविभागेषु १९ वाहनानि सन्ति। ई-टैक्सी इत्यस्य कृते प्रयत्नाः क्रियन्ते। अस्य कृते १२२१ आवेदनपत्राणि प्राप्तानि सन्ति। राज्ये युवानां कृते ई-टैक्सी-यानस्य ५०० अनुज्ञापत्राणि प्रदत्तानि भविष्यन्ति। अस्य कृते मार्गदर्शिकाः निर्धारिताः सन्ति।
हिमाचले २२,४३,५२४ वाहनानि सन्ति
परिवहनविभागः एकवर्षे प्रायः ५०० कोटिरूप्यकाणां राजस्वं अर्जयति स्म, परन्तु अधुना एकवर्षे ८०० कोटिरूप्यकाणां राजस्वं प्राप्तवान्। अग्निहोत्री इत्यनेन उक्तं यत् राज्ये २२,४३,५२४ वाहनानि पञ्जीकृतानि सन्ति। एतेषु निजीवाहनानि १९,२५,५९३, वाणिज्यिकवाहनानि ३,१७,९३१ च सन्ति।
