जलशक्ति-विभागे नियुक्ताः भविष्यन्ति ४,००० ‘बहुकार्य-कर्मचारिणः’, सदने मुख्यमन्त्रिणः उद्घोषणम्
हिमसंस्कृतवार्ता — शिमला।
जलशक्ति-विभागस्य अन्तर्गतं प्रदेशे चत्वारि सहस्राणि बहुकार्य-कर्मचारिणां पदानि पूरयिष्यन्ते। विधानसभायाः प्रचलतः प्रावृट्-सत्रस्य द्वितीये दिने प्रश्नोत्तर-काले मुख्यमन्त्री सुखविन्दरसिंहसुक्खू-महोदयेन एषा घोषणा कृता।
तेन प्रोक्तं यत् जलशक्ति-विभागे सम्प्रति बहुकार्य-कर्मचारिभिः सह अंशकालिक-पदानि (Part Time) पूर्यमाणानि सन्ति, तथा च अग्रिम-समये ४,००० बहुकार्य-कर्मचारिणः अपि नियोजिताः भविष्यन्ति। सः अवदत् यत् कार्यात्मक-पदानि सर्वकारेण समये-समये पूर्यन्ते, जल-प्लावन-आपदा-काले च अनुबन्धकस्य माध्यमेन एव कार्यं कारितं भवति। मुख्यमन्त्रिणा स्पष्टीकृतं यत् लोक-निर्माण-विभागे बेलदार-कर्मचारिणां पदानि पूर्वतन-सर्वकारस्य समयादेव समाप्तानि सन्ति, विभागे च बहुकार्य-कर्मचारिणाम् एव नियुक्तिः कृता आसीत्।
विद्युत्-मण्डले भविष्यति ‘विद्युत्-मित्राणां’ नियुक्तिः
मुख्यमन्त्रिणा प्रोक्तं यत् राज्य-विद्युत्-मण्डले ‘विद्युत्-मित्राणि’ नियुज्यन्ते। एतदर्थम् अधिशासी-अभियन्त्रे (कार्यकारी-अभियन्त्रे) अधिकाराः प्रदत्ताः सन्ति। अनुबन्धकानां माध्यमेन अस्मिन् स्थानीय-जनेभ्यः वृत्तिः (रोजगारः) दातुं शक्यते।
वस्तुतः मनाली-विधानसभा-क्षेत्रस्य विधायकेन प्रश्नोत्तर-काले अनुपूरक-प्रश्ने आपदा-कालीनायाम् आपत्-स्थितौ विविध-विभागेषु ‘लाइनमैन’-खनकानां च बाह्य-स्रोत-आधारेण (Outsource) आवश्यकतायाः विषयः उत्थापितः आसीत्। यस्य प्रत्युत्तरे मुख्यमन्त्री सुखविन्दरसिंहसुक्खू-महोदयः उपर्युक्तां सूचनां प्रददत्।
मूल-प्रश्नस्य लिखित-प्रत्युत्तरे मुख्यमन्त्रिणा विज्ञापितं यत् ३१ अक्टूबर् पर्यन्तं मनाली-क्षेत्रे विविध-विभागेषु अनुबन्ध-सहितम् अन्यैः आधारैः कृतानां नियुक्तीनां विवरणं प्रदत्तम्। तत्रैव श्रम-विभागस्य अन्तर्गतं पञ्चाशत् (५०) युवकेभ्यः कौशल-भत्ता तथा षोडशभ्यः (१६) जनेभ्यः अकर्मण्य-भत्ता (बेरोजगारी भत्ता) प्रदत्तः।
