इण्डोनेशियादेशस्य आई.ए.एच.एन. जीड़े पुड्जा, मातरम् तथा च केन्द्रीयसंस्कृतविश्वविद्यालयस्य मध्ये सामञ्जस्यपत्रे (MoU) हस्ताक्षरम्

इण्डोनेशियादेशस्य आई.ए.एच.एन. जीड़े पुड्जा, मातरम् (इण्डोनेशिया) तथा च केन्द्रीयसंस्कृतविश्वविद्यालयस्य मध्ये सामञ्जस्यपत्रे (MoU) हस्ताक्षरम्
केन्द्रीयसंस्कृतविश्वविद्यालयः, नवदेहली तथा च इण्डोनेशियादेशस्य ‘केमेंतेरियन अगामा आर.आई.’ (Kementerian Agama RI) इत्यस्य अधीनस्य ‘इन्स्टिट्यूट अगामा हिन्दू नेगेरी’ (IAHN) जीड़े पुड्जा, मातरम् इत्यस्य मध्ये शैक्षणिक-सांस्कृतिक-सहयोगं सुदृढं कर्तुं एकस्मिन् सामञ्जस्यपत्रे (MoU) हस्ताक्षरम् अभवत्।
अस्मिन् अवसरे केन्द्रीयसंस्कृतविश्वविद्यालयस्य कुलपतयः प्रो. श्रीनिवासवरखेड़िमहोदयाः, आई.ए.एच.एन. जीड़े पुड्जा, मातरम् इत्यस्य माननीयाः कुलपतयः तथा च उभयोः संस्थानयोः वरिष्ठाधिकारिणः उपस्थिताः आसन्।

एतत् सामञ्जस्यपत्रं संस्कृत-हिन्दूअध्ययन-भारतीयज्ञानपरम्परा-योग-दर्शन-संस्कृति-अनुसन्धानक्षेत्रेषु सहयोगं प्रोत्साहयिष्यति। अस्य अन्तर्गतम् नवीनाः शैक्षणिकपाठ्यक्रमाः, छात्र-शिक्षक-आदानप्रदानम्, संयुक्त्ताः अनुसन्धानपरियोजनाः, संगोष्ठ्यः, कार्यशालाः तथा च प्रशिक्षणकार्यक्रम्याः आयोजयिष्यन्ते।
अस्मिन् अवसरे प्रो. श्रीनिवासवरखेड़िमहोदयैः उक्तं यत्— “संस्कृतम् भारत-इण्डोनेशियादेशयोः संयुक्त-धार्मिक-सांस्कृतिक-सभ्यतागत-विरासतं योजयितुं सुदृढः सेतुः अस्ति।”
एतत् सामञ्जस्यपत्रं संस्कृतस्य भारतीयज्ञानपरम्परायाश्च वैश्विकसंवर्धनाय तथा च भारत-इण्डोनेशियादेशयोः शैक्षणिक-सांस्कृतिक-सम्बन्धान् अधिकं सुदृढान् कर्तुं महत्त्वपूर्णः प्रयासः अस्ति।