आचार्यदेवेंद्रशर्मणः नेतृत्वे सिरमौर-उपशिक्षानिदेशकेन सह वार्ता सफला; शीघ्रं निर्गमिष्यन्ति आदेशाः

आचार्यदेवेंद्रशर्मणः नेतृत्वे सिरमौर-उपशिक्षानिदेशकेन सह वार्ता सफला; शीघ्रं निर्गमिष्यन्ति आदेशाः
सिरमौरम् (हिमाचलप्रदेशः): हिमाचल-संस्कृतशिक्षकपरिषदः सिरमौर-मण्डलाध्यक्षेण आचार्यदेवेंद्रशर्मवर्येण सह एकेन प्रतिनिधिमण्डलेन सिरमौर-मण्डलस्य प्रारम्भिक-उपशिक्षानिदेशक-महोदयः सस्नेहं मिलितः। इयं भेटवार्ता पश्चात्ताति-नियमितीकरणस्य (Back-date regularization) चिरलम्बित-प्रकरणम् अधिकृत्य आयोजिता आसीत्।मण्डलाध्यक्षस्य आचार्यदेवेंद्रशर्मवर्यस्य अथकप्रयत्नैः, कुशलनेतृत्वेन च उपशिक्षानिदेशकेन सह कृता वार्ता अत्यन्तं साकारात्मक-परिणामदायिनी तथा च फलवती अभवत्। चर्चायां शिक्षकाणां पश्चात्ताति-नियमितीकरणस्य विषयान् गम्भीरतया उपस्थाप्य त्वरित-समाधानाय दृढं पक्षं रक्षितम्। प्रतिनिधिमण्डलस्य विचारान् सुचिरं श्रुत्वा उपशिक्षानिदेशक-महोदयेन पूर्णमाश्वासनं दत्तं यत् पश्चात्ताति-नियमितीकरणस्य आदेशाः शीघ्रातिशीघ्रं निर्गमिष्यन्ति। अनेन आश्वासनेन सिरमौरमण्डलस्य समस्त-संस्कृतशिक्षकवर्गेषु महती प्रसन्नता, उत्साहश्च व्याप्तः अस्ति।