मुख्यमन्त्री सुक्खूः अवदत् – निर्धनानां भूमिहीनानां च जनानाम् अतिक्रमण-प्रकरणेषु शिथिलतार्थं निर्मास्यामः नीतिम्
हिमसंस्कृतवार्ता: — हमीरपुरम्।
मुख्यमन्त्रिणा सुखविन्दरसिंहसुक्खुना हमीरपुरक्षेत्रे प्रायः १९.४० कोटिरूप्यकाणां व्ययेन निर्माणाधीनस्य नगरनिगम-कार्यालयभवनस्य शिलान्यासः तथा च लघुव्यापारिणां महिला-स्वयं-सहायता-समूहानां च कृते प्रायः ५० लक्षरूप्यकाणां उत्पादनमूल्येन निर्मितानां आपणानां ग्रामीणहाटस्य च उद्घाटनं विहितम्। तदुपरान्तं टाउन-हॉल मध्ये एकां जनसभां सम्बोधयन् मुख्यमन्त्री उदघोषयत् यत् सर्वकारीयभूमौ बहुवर्षेभ्यः पूर्वं उषितानां (बसे हुए) निर्धनानां भूमिहीनानां च जनानां गृहेभ्यः शिथिलतां प्रदातुं प्रदेशसर्वकारः एकां नीतिं निर्मातुं विचारं करिष्यति, येन तेभ्यः साहाय्यं प्राप्तुं शक्येत। तेन प्रोक्तं यत् राज्यसर्वकारः अतिक्रमणप्रकरणानां सन्दर्भे उच्चतमन्यायालयस्य (सुप्रीम कोर्ट) दिशानिर्देशानाम् अध्ययनं करोति अस्मिन् च उचितः निर्णयः ग्रहीष्यते।
*स्वास्थ्य-शिक्षाक्षेत्रे सर्वकारस्य प्राधान्यम्*
तेन कथितं यत् स्वास्थ्य-शिक्षाक्षेत्राणि प्रदेशसर्वकारस्य प्राधान्यसूच्यां वर्तन्ते। सर्वकारः राज्यस्य सर्वेषु आयुर्विज्ञानमहाविद्यालयेषु (मेडिकल कालेजों में) आधुनिक-अत्याधुनिक-यन्त्राणां संस्थापनाय तथा च सुपर-स्पेशलिस्ट-चिकित्सकानां प्राध्यापकानां च नियुक्तये विशेषं ध्यानं केन्द्रितं करोति, येन जनेभ्यः प्रदेशस्य आन्तरमेव ‘एम्स’ (AIIMS) तथा च ‘पीजीआई’ (PGI) स्तरस्य चिकित्सासुविधाः उपलभ्येरन्। एतासु चिकित्सासंस्थासु प्रयोगशालानाम् आधुनिकीकरणाय प्रदेशसर्वकारः १२५ कोटिरूप्यकाणि व्ययीकरोति। राज्यसर्वकारः सामान्यातुरेभ्यः (मरीजों) अत्यन्तं महार्घां रोबोटिक-शल्यक्रियां (रोबोटिक सर्जरी) न्यूनव्ययेन उपलब्धं कारयति। एतेषु महाविद्यालयेषु पी.जी. (PG) आसनानां सङ्ख्यायाम् अपि महत्या सङ्ख्यया वृद्धिः क्रियते। अनेन प्रदेशे अधिकाः विशेषज्ञ-चिकित्सकाः उपलप्स्यन्ते स्वास्थ्यसेवाश्च सशक्ततां प्राप्स्यन्ति।
*जोल-सप्पड़ परिसरे शीघ्रमेव आरप्स्यते चिकित्साहाविद्यालयः*
मुख्यमन्त्रिणा प्रतिपादितं यत् तेन यू.पी.ए. (UPA) शासनकाले तत्कालीन-प्रधानमन्त्रिणः डॉ. मनमोहनसिंहस्य केन्द्रीय-स्वास्थ्यमन्त्रिणः गुलाममबी-आजादस्य च साहाय्येन हमीरपुरक्षेत्राय मेडिकल-कॉलेजः स्वीकृतः कारितः आसीत्। वर्तमान-प्रदेशसर्वकारः अस्य महाविद्यालयस्य कृते सम्प्रति प्रायः ५०० कोटिरूप्यकाणि प्रसारितवान् अस्ति। तेन प्रोक्तं यत् ‘जोल सप्पड़’ इत्यस्य नूतने परिसरे अस्य महाविद्यालयस्य सञ्चालनं शीघ्रमेव आरप्स्यते। तेन दृढीकृतं यत् प्रदेशसर्वकारः ‘हिमकेयर’ (Himcare) योजनां न स्थगयिष्यति, परन्तु अस्याः योजनायाः नाम्नि संजातं कथितघोटालां प्रकटं (पर्दाफाश) करिष्यति।
तेन उक्तं यत् प्रदेशसर्वकारेण शिक्षाक्षेत्रे अनेके परिष्कारा: कृताः, सी.बी.एस.ई. (CBSE) विद्यालयानां स्थापनायाः कारणतः प्रदेशस्य सर्वकारीयविद्यालयेषु छात्रसङ्ख्यायां प्रायः २४ सहस्राणां वृद्धिः अभवत्। प्रदेशसर्वकारेण एच.पी.पी.एस.सी. (HPPSC) तथा च हिमाचलप्रदेशराज्यचयन-आयोगस्य माध्यमेन सर्वासु नियुक्तिषु पारदर्शितां सुनिश्चितां कृत्वा प्रतिभावद्भिः युवकैः सह न्यायः विहितः। तेन कथितं यत् किशाऊ-बन्धपरियोजना, अन्याः जलविद्युत्परियोजनाः तथा च ‘वाइल्ड फ्लॉवर हॉल’ सदृशेषु प्रकरणेषु प्रदेशसर्वकारेण दृढतया स्वपक्षः स्थापितः, येन हिमाचलस्य हितानां रक्षा अभवत् प्रदेशाय च अर्बुदशः (अरबों) रूप्यकाणां राजस्वं सुनिश्चितं जातम्।
*नगरनिगमे समाविष्टानाम नूतनक्षेत्राणां जनेभ्यः ५ वर्षाणि यावत् करमुक्तिः*
मुख्यमन्त्रिणा प्रोक्तं यत् नगरनिगम-हमीरपुरे समाविष्टानां नूतनक्षेत्राणां जनेभ्यः पञ्चवर्षाणि यावत् करेषु (टैक्स में) शमनं प्रदास्यते। हमीरपुरे प्रायः १३० कोटिरूप्यकाणां व्ययेन प्रदेशस्य सर्वतः बृहत्तमस्य बस-स्थानकस्य (बस टर्मिनल) निर्माणं क्रियते तथा च वर्तमान-बस-स्थानकस्य स्थाने प्रायः २०० कोटिरूप्यकाणां सञ्चयमूल्येन आधुनिक-सिटी-सेन्टर (City Centre) इत्यस्य निर्माणं विधास्यते। अत्र नगरवासिभ्यः प्रतिदिनं बहिस्तः आगच्छद्द्भ्यः जनेभ्यश्च आपणिकी (शॉपिंग), मनोरञ्जनं, वाहनस्थानं (पार्किंग) च सम्मिलितं कृत्य सर्वाः सुविधाः उपलप्स्यन्ते। पुरातनाः व्यापारिणः अपि अस्मिन् सिटी-सेन्टर मध्ये अथवा अन्येषु उपयुक्तेषु स्थानेषु समायोजिताः करिष्यन्ते।
तेन कथितं यत् हमीरपुरे विभिन्नानां विभागानां, निगमानां, बोर्डानां च पञ्च राज्यस्तरीयाः कार्यालयाः स्थापिताः सन्ति अनेकाः बृहत्यः परियोजनाश्च स्वीकृति: प्राप्ताः। मुख्यमन्त्रिणा हमीरपुरे विजयदशमी-उत्सवाय (दशहरा) अन्येभ्यः आयोजनेभ्यश्च उपयुक्तायाः भूमेः विकासं कर्तुं अन्यासाम् याचनानां पूरणाय च उद्घोषणा कृता। तेन हमीरपुरनगरस्य रेहड़ी-फहड़ी धारकेभ्यः (लघु-विक्रेतृभ्यः) अपि श्रेष्ठाः सुविधाः प्रदातुम् आश्वासनं दत्तम्।
