HP GOVT CBSE SCHOOLS – सी.बी.एस.ई. मानकानुसारं भविष्यन्ति शिक्षकाणां नियुक्तयः, पदानां सृजन-युक्तिकरणाय स्वीकृति:
हिमसंस्कृतवार्ता: — शिमला।
हिमाचलप्रदेशस्य सर्वकारीय-सीबीएस्ई-सम्बद्धविद्यालयेषु केन्द्रीय-माध्यमिक-शिक्षा-बोर्ड इत्यस्य मानकानुगुणं शिक्षकाणां नियुक्तयः युक्तिकरणानि च विधास्यन्ते। राज्यसर्वकारेण एतेषु विद्यालयेषु शिक्षकाणां विविधानां पदानां सृजनाय युक्तिकरणाय (Rationalization) च स्वीकृतिः प्रदत्ता। शिक्षा-निदेशालयेन अस्मिन् सन्दर्भे आदेशान् प्रसार्य सर्वान् उपशिक्षानिदेशकान् आवश्यकाचरणाय निर्दिष्टाः। सर्वकारस्य एषः निर्णयः प्रदेशस्य सीबीएस्ई-सम्बद्धविद्यालयेषु शिक्षणव्यवस्थायाः सुदृढीकरणाय शिक्षक-विद्यार्थि-अनुपातस्य सन्तुलनाय च प्रमुखा दिशि मन्यते।
बहुषु विद्यालयेषु विषयविशेषज्ञ-शिक्षकाणां न्यूनता
सुदीर्घकालात् बहुषु विद्यालयेषु विषयविशेषज्ञ-शिक्षकाणां शून्यता अनुभूयते स्म। एतादृश्याम् स्थितौ नूतनपदानां सृजनेन उपलब्धकर्मचारिणां युक्तिकरणेन च अस्याः समस्यायाः निवारणस्य आशा अस्ति। शिक्षासचिवस्य राकेशकंवरस्य पक्षतः प्रसारितायाः स्वीकृत्याः आधारेण एषा प्रक्रिया आरब्धा अस्ति। आदेशानुसारं हिमाचलप्रदेशे सीबीएस्ई-सम्बद्ध-उत्कृष्टविद्यालयानां योजनायाः अन्तर्गतं निर्धारितमानकानुसारं विद्यालयवारं श्रेणीवारं च शिक्षकाणां पदानां पुनर्सङ्घटनं विधास्यते। यत्र आवश्यकता भविष्यति तत्र नूतनानि पदानि सृज्यन्ते, यत्र च कतिपयेषु विद्यालयेषु उपलग्धानां शिक्षकाणां युक्तिकरणं कृत्वा आवश्यकतायुक्तेषु संस्थानेषु तेषां नियुक्तिः विधास्यते।
