ऑनलाइन-क्रीडानां (Online Gaming) प्रचाराय विनियमानाय च ‘नियम-२०२६’ इति अधिसूचितम्

ऑनलाइन-क्रीडानां (Online Gaming) प्रचाराय विनियमानाय च ‘नियम-२०२६’ इति अधिसूचितम्
भारत सर्वकारेण ऑनलाइन-क्रीडानां (Online Gaming) प्रचाराय विनियमानाय च ‘नियम-२०२६’ इति अधिसूचितम्, ये आगामि-मई-मासस्य प्रथमदिनाङ्कात् प्रभाविणः भविष्यन्ति। एतेषां नियमानां मुख्योद्देश्यं ऑनलाइन-क्रीडानां नियमनम्, नागरिकाणां सुरक्षां सुनिश्चितं करणम्, वित्तीयव्यवस्थायाः रक्षणम्, समन्वितं प्रवर्तनं सक्षमं करणम् तथा च प्रयोक्तृणाम् (Users) अधिकाराणां संरक्षणं वर्तते। सर्वकारेण षट्सदस्यीयं ‘ऑनलाइन-गेमिंग-प्राधिकरणम्’ (Online Gaming Authority) गठितम्। इलेक्ट्रॉनिकी-सूचनाप्रौद्योगिकी-मन्त्रालयेन प्रसारितसूचनानुसारं, मन्त्रालयस्य अपरसचिवः अस्य प्राधिकरणस्य अध्यक्षः भविष्यति। अन्येषु पञ्चसु सदस्येषु गृह-मन्त्रालयस्य, सूचना-प्रसारण-मन्त्रालयस्य, क्रीडा-युवाकार्य-मन्त्रालयस्य, वित्तीयसेवा-विभागस्य तथा च विधि-विभागस्य संयुक्तसचिवाः सम्मिलिताः भविष्यन्ति।
प्राधिकरणस्य कार्येषु ऑनलाइन-क्रीडानां वर्गीकरणं पञ्जीकरणं च अन्तर्भवति। किमपि क्रीडनं धन-आधारितं (Money-based) अस्ति वा न इति अपि एतत् प्राधिकरणमेव निश्चेष्यति। अपि च, एतद् जनसामान्यानां तक्राराणां (Complaints) निवारणमपि करिष्यति। अनुपालनं सुनिश्चितं कर्तुं प्राधिकरणमिदं मार्गदर्शिकाः, आचारसंहितां निर्देशान् च निर्गमिष्यति।