नूतन देहली-: सेनायाः मानवरहित-विमान-प्रणाल्याः द्रोण-तन्त्रज्ञानस्य च मार्गचित्रस्य (Roadmap) अनावरणम्

नूतन देहली: सेनायाः मानवरहित-विमान-प्रणाल्याः द्रोण-तन्त्रज्ञानस्य च मार्गचित्रस्य (Roadmap) अनावरणम्
नूतनदेहल्यां भारतीयसेनया मानवरहित-विमान-प्रणाल्याः (UAS) द्रोण-तन्त्रज्ञानस्य च सम्बन्धि मार्गचित्रम् अनावरितम्। अस्मिन् अवसरे एकः आधिकारिकः प्रलेखः अपि निर्गतः। भारतीयसेन्या उक्तं यत् एतद् मार्गचित्रं उद्योगक्षेत्रस्य, शिक्षाजगतः, अनुसन्धान-विकास-संस्थानां च कृते निवेशं ताकनिकी-प्रयासांश्च प्राथमिकता-क्षेत्रेषु नियोजयितुं स्पष्टान् क्रियान्वयनयोग्यान् च निर्देशान् प्रददाति।
`अस्मिन् कार्यक्रमे सेनायाः उपप्रमुखः लेफ्टिनेंट जनरल राहुल आर सिंहः आधुनिकयुद्धस्य परिवर्तनशीलं स्वरूपं द्रोण-तन्त्रज्ञानस्य वर्धमानां भूमिकां च अधोरेखितवान्।