हिमाचल-पञ्चायत-निर्वाचनम्- पञ्चायतानां मतदातासूचीनां विशेष-पुनरीक्षणस्य कार्यक्रमः निर्गतः

हिमाचल-पञ्चायत-निर्वाचनम्- पञ्चायतानां मतदातासूचीनां विशेष-पुनरीक्षणस्य कार्यक्रमः निर्गतः
हिमसंस्कृतवार्ता:- शिमला।
राज्य- निर्वाचन- आयोगेन पञ्चायतानां मतदातासूचीनां विशेष-पुनरीक्षणाय विस्तृतः कार्यक्रमः प्रकाशित:। इयं प्रक्रिया तासु पञ्चायतेषु प्रवृत्ता भविष्यति, यासां सङ्घटन- पुनर्सङ्घटन- सम्बद्धानि प्रकरणानि न्यायालये विचाराधीनानि आसन् तथा च यासु उच्चन्यायालयस्य आदेशाः प्रभाविनः सन्ति।
इतः पूर्वं १८ मार्च २०२६ दिनाङ्के अप्रभावितासु पञ्चायतेषु तथा २ अप्रैल २०२६ दिनाङ्के प्रभावितासु पञ्चायतेषु मतदातासूचीनां संशोधनाय कार्यक्रमः निर्गतः आसीत्। अधुना आयोगेन ‘हिमाचलप्रदेश- पञ्चायतीराज- अधिनियम-१९९४’ इत्यस्य अन्तर्गतं तेषु पञ्चायतेषु विशेष-पुनरीक्षणं कारयितुं निर्णयः स्वीकृतः, यत्र उच्चन्यायालयस्य आदेशाः प्रवर्तन्ते।
निर्वाचन-कार्यक्रमस्य विवरणम्
निर्गतानुसारं कार्यक्रमानुसारं च प्रमुखाः तिथयः इत्थं सन्ति-
> अधिकार-आक्षेपयोः (Claims & Objections) प्रस्तुतेः अन्तिमा तिथिः: १३ अप्रैल २०२६।
> अधिकार-आक्षेपयोः निस्तारणम् (Settlement): १७ अप्रैल २०२६ पर्यन्तम्।
> याचिका-प्रस्तुतेः अन्तिमा तिथिः: २० अप्रैल २०२६।
> याचिका-निस्तारणम् (Appellate Authority): २२ अप्रैल २०२६ पर्यन्तम्।
> मतदातासूचीनाम् अन्तिमं प्रकाशनम्: २४ अप्रैल २०२६ दिनाङ्के अथवा ततः पूर्वम्।
आयोगेन एतदपि स्पष्टीकृतं यत् १८ मार्च दिनाङ्के निर्गतायाः अधिसूचनायाः अन्तर्गतं निर्धारीता आयुसीमा अन्ये निर्देशाश्च यत्र आवश्यकाः भविष्यन्ति तत्रैव प्रवर्तितं भविष्यन्ति। सर्वेभ्यः जनपद-निर्वाचन-अधिकारिभ्यः (DEOs) निर्देशाः दत्ताः यत् ते १ जनवरी २०२५ दिनाङ्कं आधार-तिथिं (Qualifying Date) मत्वा अन्तिमरूपेण प्रकाशिताः मतदातासूच्यः निरीक्षणार्थं स्व- स्वकार्यालयेषु सम्बद्धासु पञ्चायत-संस्थानेषु च उपलब्धं कारयन्तु।