राष्ट्रियस्तरे हिमाचलस्य द्वौ पञ्चायतौ प्रथितौ; एककोटिः तथा ५० लक्षं रूप्यकाणि प्राप्स्यतः; लाहुल-जनपदस्य ‘शांशा’ देशे प्रथमा
हिमसंस्कृतवार्ता: – कार्यालयीय: प्रतिनिधि:।
हिमाचलप्रदेशस्य पञ्चायतैः पुनः एकवारं राष्ट्रियस्तरे स्वकीया विशिष्टम् अभिज्ञानं पञ्जीकृतम्। केन्द्रसर्वकारेण प्रदीयमानस्य प्रतिष्ठितस्य ‘दीनदयाल उपाध्याय पञ्चायत सतत विकास पुरस्कार’ इत्यस्य कृते अस्मिन् वर्षे प्रदेशस्य द्वौ पञ्चायतौ—लाहुल-स्पीति जनपदस्य ‘शांशा’ प्रथमे स्थाने तथा मण्डी जनपदस्य ‘लोहाड़ी’ तृतीये स्थाने च चिते स्तः।
विकासात्मक-कार्येषु, सामाजिक-समावेशने तथा पर्यावरण-संरक्षणे च उत्कृष्ट-प्रदर्शनाधारेण एताभ्यां पञ्चायताभ्यां एतत् सम्मानं प्राप्तम्।
लाहुल-जनपदस्य ‘शांशा’ पञ्चायताय एककोटि-रूप्यकाणि
लाहुल-स्पीति जनपदस्य लाहुल-खण्डस्य (Block) शांशा-पञ्चायतेन ‘सामाजिक-न्याय-एवं-अधिकारिता-सुरक्षा-पञ्चायत’ श्रेण्यां देशे प्रथमं स्थानं प्राप्तम्। अस्य कृते पञ्चायताय एककोटि-रूप्यकाणां राशिः प्रदास्यते।
शांशा-पञ्चायतेन दुर्बलवर्गाणाम् उत्थानाय, सामाजिक-सुरक्षा-योजनानां प्रभावी-क्रियान्वयनाय तथा कार्येषु पारदर्शितेः क्षेत्रे उल्लेखनीयानि कार्याणि कृतानि।
मण्डी-जनपदस्य ‘लोहाड़ी’ पञ्चायतं तृतीये स्थाने
मण्डी जनपदस्य बल्ह-खण्डस्य लोहाड़ी-पञ्चायतेन ‘स्वच्छ-एवं-हरित-पञ्चायत’ श्रेण्यां देशे तृतीयं स्थानं प्राप्तम्। अस्य कृते सम्मान-समारोहे पञ्चायताय ५० लक्ष-रूप्यकाणि (₹५०,००,०००) प्रदास्यन्ते।अस्य पञ्चायतस्य स्वच्छता-अभियानं, अपशिष्ट-प्रबन्धनं (Waste Management), हरितक्षेत्रस्य विस्तारः तथा जलसंरक्षणं च देशे उदाहरणरूपेण अस्ति।
अष्टसु नामाङ्कनपञ्चायतेषु द्वौ सफलौ
अस्मिन् वर्षे प्रदेशतः अष्ट (८) पञ्चायतानां नामाङ्कनं विभिन्नश्रेणीषु (यथा- स्वच्छता, जलप्रबन्धनं, महिलासशक्तीकरणं, सामाजिकन्यायः च) कृतम् आसीत्। अन्तिम-चयन-प्रक्रियायां द्वौ पञ्चायतौ स्थानं लब्ध्वा प्रदेशस्य मानं वर्धितवन्तौ।
मन्त्री अनिरुद्धसिंहः किमवदत्?
ग्रामीणविकास-पञ्चायतीराजमन्त्री अनिरुद्धसिंहः एतान् उपलव्धीन् ग्रामीणविकासस्य दिशि महतीं सफलतां उक्तवान्। पञ्चायतेषु जनसहभागितायाः योजनानां च सम्यक् क्रियान्वयनस्य कारणेनैव एतत् सम्भवम् अभवत्।
