लोकसभया ध्वनिमतेन षड्विंशत्यधिक-द्विसहस्रतमस्य वित्त-विधेयकः पारितः – भारत-संसद्

लोकसभया ध्वनिमतेन षड्विंशत्यधिक-द्विसहस्रतमस्य वित्त-विधेयकः पारितः – भारत-संसद् ।
हिमसंस्कृतवार्ता: – लोकसभया ध्वनिमतेन षड्विंशत्यधिक-द्विसहस्रतमस्य वित्त-विधेयकः पारितः। अस्य विधेयकस्य मुख्यमुद्देश्यं द्विसहस्र-ष‌ड्विंशति-सप्तविंशति इति वित्तीयवर्षाय केन्द्र-सर्वकारस्य वित्तीय-प्रस्तावानां प्रभावीकरणं वर्तते। सदनेन सर्वकार-पक्षतः उपस्थापित-संशोधनानां कृते स्वीकृतिः प्रदत्ता। सदने वित्त-विधेयकस्य चर्चायाः प्रत्युत्तरं प्रयच्छन्ती केन्द्रीय-वित्तमन्त्री निर्मला सीतारमण अवदत् यत् सर्वकारः लघुद्योगानां, कृषकाणां, सहकारी-समितीनाञ्च सशक्तीकरणं कुर्वन्नस्ति यतः एते सर्वे देशस्य वृत्ति-सर्जने, उत्पादने, सर्वाङ्गीण विकासे च केन्द्र-बिन्दवः वर्तन्ते।