शोधविभूषणम् इत्युपाधिना विभूषितः डॉ. गणेशहेगडे

शोधविभूषणम् इत्युपाधिना विभूषितः डॉ. गणेशहेगडे
हिमसंस्कृतवार्ता। गुजरातराज्यस्य वेरावलस्य श्रीसोमनाथसंस्कृतविश्वविद्यालयस्य शोधछात्रेण गणेशहेगडे इत्यनेन समर्पितस्य “नारायणतीर्थविरचितस्य अद्वैतरत्नाकरग्रन्थस्य सम्पादनं समीक्षात्मकं अध्ययनञ्च” इत्याख्यस्य महाशोधप्रबन्धस्य कृते विश्वविद्यालयेन पीएचडी-विद्यावारिधिरिति उपाधिना सम्मानितम् । श्रीहेगडे विगतवर्षत्रयात् विश्वविद्यालयस्य दर्शनविभागाध्यक्षस्य डॉ. जानकिशरणाचार्यस्य समर्थमार्गदर्शने पाण्डुलिपिस्थग्रन्थस्य अनुसन्धानसम्पादनात्मकं कार्यं कुर्वन्नासीत् ।
श्रीसोमनाथसंस्कृतविश्वविद्यालये सम्पन्ने अष्टादशे दीक्षान्तसमारोहे कुलाधिपः गुजरातस्य गौरवान्वित-राज्यपालः श्रीमान् आचार्यदेवव्रतवर्यः, विश्वविद्यालयस्य कुलपतेः प्रो. सुकान्तकुमारसेनापतिवर्यस्य सारस्वतातिथेः श्रीलालबहादूरशात्रीराष्ट्रियसंस्कृतविश्वविद्यालयस्य कुलपतेः प्रो.मुरलीमनोहरपाठकवर्यस्य च उपस्थितौ इमम् उपाधिम् प्रदत्तवान् । अस्मिन्नवसरे श्रीगणेशहेगडे ऐषमः “शोधविभूषणम्” इति सर्वश्रेष्ठशोधप्रबन्धपुरस्कारेण अथ स्वर्गीय मणिशङ्करजीवनरामपाण्ड्यापुरस्कारेण च सभाजितः ।
कर्णाटकराज्यस्य शिरसि इत्यस्य अमचिमनेग्रामे निवसतोः श्रीमती ललिता हेगडे श्रीरमेशहेगडे दम्पत्योः पुत्रोऽयं डॉ. गणेशहेगडे नवदिल्लीस्थे दिल्लीकन्नडवरिष्ठमाध्यमिकविद्यालये संस्कृताध्यापकत्वेन कार्यरतः अस्ति । विगतवर्षत्रयाद् असौ नवदिल्लीस्थ-प्रसारभारत्यां संस्कृतवार्ताप्रवाचकरूपेणापि कार्यं करोति ।