अग्निशामकसेवायां महिलाः समाविष्टाः भविष्यन्ति, गृहरक्षकाणान नियुक्तिः च शीघ्रमेव आरभ्यते- मुख्यमंत्री सुक्खुः
हिमसंस्कृतवार्ता:- डॉ पद्मनाभ: शिमला।
मुख्यमन्त्री सुखविन्दरसिंहसुक्खुः हिमाचलप्रदेशस्य गृहरक्षक- नागरिकरक्षायाः ६३ तमस्य स्थापनादिवसस्य निमित्तं शनिवासरे शिमलानगरस्य सरघीणे आयोजितस्य राज्यस्तरीयस्य समारोहस्य अध्यक्षतां कृतवान्। राज्यस्य गृहरक्षकस्य, नागरिकरक्षा- अग्निसेवायाः, राज्यस्य आपदाप्रतिक्रियाबलस्य च कर्मचारिणाम् अभिनन्दनं कुर्वन् मुख्यमन्त्री अवदत् यत् विभागस्य कर्मचारिणां राज्यस्य सुरक्षायां विकासे च महत्त्वपूर्णं योगदानं वर्तते। सः अवदत् यत् गृहरक्षक-अग्निशामकसेवा वर्षे पूर्णे ७०८ अन्वेषण- उद्धारकार्यक्रमाः सफलतया कृतवन्तः।
४४८ प्राणाः रक्षिताः
एतेषु कार्येषु ४४८ जनानां प्राणाः रक्षिताः। एतत् विभागस्य कार्यक्षमतायाः परिणामः अस्ति। विभागस्य व्यावसायिकतायाः कार्यक्षमतायाः च कारणेन द्विसहस्रकोटिरूप्यकाणां सम्पत्तिः क्षतिं न प्राप्नोति। गृहरक्षकविभागेन १०३५ स्थानेषु जलस्रोतसां जलनिकायानां च पुनर्स्थापनं कृतम् अस्ति, यत् अत्यन्तं प्रशंसनीयम् अस्ति। मुख्यमन्त्री उक्तवान् यत् राज्यसर्वकारः महिलासशक्तिकरणाय विशेषप्राथमिकता ददाति। व्यवस्थितपरिवर्तनस्य उद्देश्यं कृत्वा सर्वकारः सकारात्मकपरिवर्तनं आनयति। सः अवदत् यत् अग्निशामकविभागे महिलाः अपि समाविष्टाः भविष्यन्ति, नियुक्तिनियमेषु च आवश्यकानि परिवर्तनानि भविष्यन्ति। राज्ये शीघ्रमेव गृहरक्षकनियुक्तिः अपि आरभ्यते।
गृहरक्षक – नागरिकरक्षाविभागस्य सुदृढ़ीकरणाय निरन्तरं प्रयतते- सुक्खुः
मुख्यमन्त्री उक्तवान् यत् राज्यसर्वकारः गृहरक्षक- नागरिकरक्षाविभागस्य सुदृढीकरणाय निरन्तरं प्रयतते। वर्तमानसर्वकारस्य कार्यकाले अग्निशामकविभागे चत्वारि नवीनाः अग्निशामक- एककाः स्थापिताः सन्ति, यत्र देहा, उबादेशः, नेरवा, इन्दौरा च सन्ति अस्मिन् वर्षे २७ अग्निशामकवाहनानि क्रीताणि, एतेषां एकक- समूहानां कृते १५० पदानि स्वीकृतानि च। सः अवदत् यत् अग्निशमन- आधुनिकीकरणयोजनायाः अन्तर्गतं ₹55 कोटिरूप्यकाणां प्रावधानं कृतम् अस्ति। एसडीआरएफ- सञ्चालनक्षमतां वर्धयितुं ₹6 कोटिरूप्यकाणां उन्नतसाधनानाम् क्रयणं कृतम् अस्ति, यत्र वायुसर्वेक्षणं, अन्वेषणं, आपदाप्रवणक्षेत्राणां निरीक्षणं च कर्तुं ड्रोन्-यन्त्रानि सन्ति, येन प्रतिक्रियासज्जतायां प्रतिक्रियाप्रयत्नासु च परिष्कार: भवति।
