हिमाचलप्रदेशस्य डॉ. साधनाठाकुर रेडक्रॉस-इत्यस्य राष्ट्रियप्रबन्धनसंस्थायां निर्वाचिता
हिमसंस्कृतवार्ता: – शिमला।
हिमाचलप्रदेशस्य पूर्वमुख्यमन्त्रिण: विपक्षनेतु: जयरामठाकुरस्य धर्मपत्नी सेवानिवृत्ता चिकित्सिका समाजसेविका च डॉ. साधनाठाकुर रेडक्रॉस-इत्यस्य राष्ट्रियप्रबन्धनसंस्थायां निर्वाचिता अस्ति। एतद् चयनं मतदान-प्रक्रियया अभवत्। अस्यां प्रक्रियायां अष्टाविंशतिः राज्यानि भागं गृहीतवन्तः । डॉ. साधनाठाकुर परिणामे अभिलेखात्मकं २१ मतं प्राप्य देशे एकमात्रं महिला निर्वाचिता अभवत् । हिमसंस्कृतवार्तापरिवारस्य पक्षतः डॉ मनोज शैल: एतदर्थं डॉ साधनाठाकुरमहोदयायै शुभकामना: अगच्छत्। असौ उक्तवान् यत् डॉ साधनाठाकुर समाजसेवाप्रिया कर्तव्यनिष्ठा चास्ति। सेवा परमो धर्म: एव तस्या: उद्देश्यम्। अनेन निर्वाचनेन रेडक्रॉस-सभामाध्यमेन सेवाकार्याणि हिमाचले अग्रे सारयितुम् डॉ साधनाठाकुरमहोदयाया: महत्वपूर्णा भूमिका भविता।
