प्रधानमन्त्री नरेन्द्रमोदी कृषि-सम्बद्धनैकासां परियोजनानां लोकार्पणं शिलान्यासं च अकरोत्

प्रधानमन्त्री नरेन्द्रमोदी कृषि-सम्बद्ध-क्षेत्रेभ्यः द्विचत्वारिंशत-सहस्र-कोट्यधिकरूप्यकाणां नैकासां परियोजनानां लोकार्पणं शिलान्यासं च अकरोत्।
हिमसंस्कृतवार्ता: – प्रधानमन्त्री नरेन्द्रमोदी कृषि-सम्बद्ध-क्षेत्रेभ्यः द्विचत्वारिंशत्-सहस्र-कोट्यधिक-रूप्यकाणां नैकासां परियोजनानां लोकार्पणं शिलान्यासं च अकरोत्। श्रीमोदी भारतीय-कृष्यनुसन्धान-संस्थाने आयोजिते कार्यक्रमे पञ्चत्रिंशत्-सहस्र-कोट्यधिक-रूप्यकाणां प्रधानमन्त्री धन-धान्य-कृषि-योजनायाः अथ च द्विदलेषु आत्मनिर्भरताभियानस्य शुभारम्भम् अकरोत्। चतुर्विंशति-सहस्र-कोटि-रूप्यकाणां प्रधानमन्त्री धन-धान्य-कृषि-योजनया कृष्युत्पादकता-संवर्धनं धान्य-विविधीकरणं सतत्-कृषि-पद्धतीनां प्रवर्तनं सेचन-सौविध्ये परिष्कारः अथ च चयनितेषु शत-जनपदेषु दीर्घकालिकाल्पकालिकस्य च ऋणस्य उपलब्धता सुनेश्चेष्यन्ते। अत्रावसरे चत्वारिंशदधिक-चतुश्शतोत्तर-एकादश सहस्र-कोटि-रूप्यकाणां द्विदलेषु आत्म-निर्भरताभियानस्य अपि शुभारम्भो जातः। अस्मिन् कार्यक्रमे प्रधानमन्त्रिणा कृषि-पशुपालन-मत्स्य-पालन-खाद्य-प्रसंस्करण-क्षेत्रेषु सार्धचुश्शतोत्तर-पञ्च-सहस्र-कोट्यधिक-रूप्यकाणां परियोजनानाम् उद्घाटनं विधाय पञ्चदशाधिकाष्टशत-कोटि-रूप्यकाणाम् अतिरिक्त-परियोजनानाम् अपि आधारशिला स्थापिता। श्रीमोदी अवदत् यत् भारतम् अद्य दुग्धोत्पादने जगति प्रथम-स्थाने वर्तते। अथ च विश्व-स्तरे द्वितीयः मत्स्योत्पादकः अपि वर्तते। श्रीमोदिना उक्तं यत् देशे षड् नूतन-उर्वरक संस्थानानि स्थापितानि। विगतेषु एकादश वर्षेषु कृषकेभ्यः पञ्चविंशति-कोटि मृदा स्वास्थ्य-पत्राणि वितारितानि। प्रधानमत्रिणा उक्तं यत् एन.डी.ए. सर्वकारस्य कार्यकाले कृषिक्षेत्रस्य आयव्यय-पत्रके प्रतिशतं षद्मिता वृद्धिः अभवत्। वस्तुसेवाकरेषु न्यूनतया ग्रामीण-भारतस्य कृषकाः लाभान्विताः अभवन्। कृषिमन्त्रिणा शिवराज सिंह चौहानेन उक्तं यत् आगामि-वस्तुसेवाकर-संशोधने प्रशासनेन कृष्युपकरणेषु वस्तुसेवाकर-मूल्येषु अपचिर्ति विधाय कृषकेभ्यः साहाय्यं प्रदत्तम् ।
अरुणाचल-प्रदेशस्य मुख्यमन्त्री पेमा खाण्डूः सबलम् अवोचत् यत् योजनानां शुभारम्भः प्रभावि-विकासादर्शस्य प्रतिनिधित्वं विदधाति ।
अरुणाचल-प्रदेशस्य मुख्यमन्त्री पेमा खाण्डूः सबलम् अवोचत् यत् योजनानां शुभारम्भः प्रभावि-विकासादर्शस्य प्रतिनिधित्वं विदधाति । तेनेदं वक्तव्यम् अद्य ईटानगरे प्रदत्तम्। यत्र असौ प्रधानमन्त्री धन-धान्य-कृषि-योजनायाः द्विदल-क्षेत्रे आत्मनिर्भरतायाभियानस्य च वर्चुअल इति प्रातिभाषिक-शुभारम्भावसरे आयोजितं समारोहं सम्बोधयति स्म।
प्रधानमन्त्रिणा नरेन्द्रमोदिना नवदिल्यां क्वालकॉम इत्यस्य अध्यक्षेण मुख्यकार्य-कार्यधिकारिणा च क्रिस्टियानो आर. अमोन इत्यनेन सह मेलनं कृतम्।
प्रधानमन्त्रिणा नरेन्द्रमोदिना नवदेहल्यां क्वालकॉम इत्यस्य अध्यक्षेण मुख्यकार्य-कार्यधिकारिणा च क्रिस्टियानो आर. अमोन इत्यनेन सह मेलनं कृतम्। एकस्मिन् सामाजिक-सञ्चार-पटले श्रीमोदी अलिखत् यत् मेलनावधौ उभाभ्याम् ए.आई इति कृत्रिम बुद्धिमत्तायाः नवाचारस्य कौशल-विकासस्य च क्षेत्रे भारतस्य प्रगतेः चर्चा कृता। तेन भारतस्य सेमीकन्डक्टर क्षेत्रम् ए-आई इत्यनेन च सम्बद्धान् अभियानान् प्रति क्वालकॉम् इत्यस्य प्रतिबद्धता प्रशांसिता।