हिमाचले बिजलीमहादेव- रज्जूमार्गस्य विरोधे मार्गेषु जनाक्रोश:

हिमाचले बिजलीमहादेव- रज्जूमार्गस्य विरोधे मार्गेषु जनाक्रोश:
बिजलीमहादेव-रज्जूमार्गस्य विरोधे शुक्रवासरे जिलामुख्यालयस्य ढालपुरे मार्गे जनाक्रोशः आगतः। सम्पूर्णस्य खराहलस्य विभिन्नानां उपत्यकाणां जनाः प्रथमं रामशिलां प्राप्तवन्तः। ततः 11:30 वादने प्रायः शतशः जनाः सभारूपेण अग्रे गतवन्तः, बिजली महादेवस्य जय:, रज्जूमार्गं नैव कामये इति उद्घोषयन्तः अयं जनसम्मर्द: उपायुक्तस्य कार्यालयस्य बहिः 12:30 वादने अखाडाबाजारं, ब्यासावृत्तं, सर्वरी, लोअर ढालपुर मार्गेण प्राप्तः। तदनन्तरं जनाः अत्र आन्दोलने उपविष्टाः।
उपायुक्तकार्यालयस्य बहिः अपराह्णे २ वादनपर्यन्तं प्रदर्शनं प्रचलति स्म। आन्दोलनकारिणः सम्बोधयन् सामाजिक- धार्मिकसंस्थानां नेतारः अधिकारिणः च अवदन् यत् ते पूर्वं त्रिवारं रज्जुमार्गस्य विरुद्धं प्रदर्शनं कृतवन्तः, प्रशासनद्वारा राज्याय केन्द्रसर्वकाराय च प्रस्तावा: प्रेषिता:। परन्तु, एते प्रस्तावाः कुत्र गच्छन्ति इति कोऽपि न जानाति केन्द्रराज्यसर्वकाराभ्याम् उत्तरं न प्राप्यते।
रज्जुमार्गस्य निर्माणं कस्यापि परिस्थितौ न भविष्यति
पूर्वसांसद: एवं भगवत: रघुनाथस्य प्रमुखः यष्टिधारक: (छड़ीबरदार) महेश्वरसिंहः वरिष्ठनेता रामसिंह:, बिजलीमहादेवस्य कार्यकर्ता (कारदार) विनेन्द्र जम्बाल:, भगवत: रघुनाथस्य कार्यकर्ता (कारदार) दानवेन्द्रसिंह:, रज्जूमार्गसंघर्षसमित्या: अध्यक्ष: सुरेशनेगी, बिजलीमहादेवमंदिर-समित्या: कोषाध्यक्ष: फतेहसिंह: राणा, संघर्षसमित्या: अशपदाधिकारिण; पंचायतानां प्रतिनिधय:, पंचायत प्रधानसंजू पण्डित: इत्यैतै: उक्तं यत् बीजलीमहादेवस्य कृते रज्जुमार्गस्य निर्माणं कस्यापि परिस्थितौ न भविष्यति। एतदर्थं कस्मिन् अपि स्तरे विरोधमार्गः स्वीक्रियमाणः भवेत्।