Himachal News – कांगड़ामण्डी-जनपदयो: चतुर्ण्णां ग्रामसभानां प्रस्तावना निरस्ता
हिमसंस्कृतवार्ता: – शिमला।
राज्यसर्वकारेण द्वयोः मण्डलयोः चतुर्ण्णां ग्रामसभानां प्रस्तावः निरस्तीकर्तुं तत्र उल्लिखितानां ग्रामसभाक्षेत्राणां पुनर्सङ्घटनार्थं च अधिसूचना कृता अस्ति। पंचायतीराजविभागस्य सचिवेन अस्मिन् विषये आदेशाः कृताः सन्ति। अधिसूचनानुसारं 9 मई 2025 इत्यस्य अन्तर्गतं जिलामण्डी इत्यत्र ग्रामसभाया: क्षेत्राणां पुनर्सङ्घटनस्य प्रस्तावस्य माध्यमेन सम्बन्धितग्रामसभाया: सदस्यै: आपत्तय: तथा परामर्शा: आमंत्रिता:। जिलामंडी, हिमाचलस्य ग्रामसभाक्षेत्राणां पुनर्सङ्घटनार्थस्य सम्बन्धे उपरोक्तानुसारं प्रकाशितायाम् अधिसूचनायां उल्लिखिता ग्रामसभा बाता-री-बिंदू इत्यस्य प्रस्ताव: निरस्तीकृत:। एतदतिरिक्तं जिलाबिलासपुरस्य ग्रामसभाक्षेत्राणां पुनर्सङ्घटनप्रस्तावद्वारा सम्बन्धितग्रामसभासदस्यानां आक्षेपाः परामर्शा: च आमन्त्रिताः। अस्मिन् विषये कोऽपि परामर्श: न प्राप्तः।
हिमाचलप्रदेशस्य जिला बिलासपुरस्य हम्बोटा तथा सलोआ ग्रामसभा क्षेत्रयोः पुनर्सङ्घटनार्थं आदेशाः कृताः सन्ति। अस्य अतिरिक्तं काङ्गड़ामण्डलस्य ग्रामसभाक्षेत्राणां पुनर्सङ्घटनप्रस्तावद्वारा सम्बन्धितग्रामसभासदस्यानां आक्षेपाः परामर्शा: च आमन्त्रिताः। काङ्गड़ामण्डलस्य ग्रामसभाक्षेत्राणां पुनर्गठनसम्बद्धे ग्रामसभातटटवाली, मैरा, चलौर इत्येतेषां प्रस्तावः निरस्तं कृत्वा ग्रामसभाक्षेत्राणां पुनर्गठनार्थं आदेशाः दत्ताः सन्ति। एतदतिरिक्तं हमीरपुरजनपदस्य भोरंजविकासखण्डस्य ग्रामसभा मनवी इत्यस्या नामपरिवर्तनं कृत्वा लगमनवीं इति कृतमस्ति।
