त्रिपुरायाः ऊणकोट्यां राष्ट्र-सेविका-समित्याः दक्षिण-असम-प्रान्तस्य प्राथमिकशिविरः सम्पन्नः।
हिमसंसकृतवार्ता, अगरतला अस्य जुनमासस्य 3 दिनाङ्कात् 7 दिनाङ्कयावत् त्रिपुराप्रदेशस्य ऊणकोटीति जनपदस्य चण्डीपुरमण्डले स्थिते श्रीरामपुर-उच्चतर-माध्यमिक-विद्यालये राष्ट्र-सेविका-समित्याः दक्षिण-असम-प्रान्तस्य प्रथमिकशिविरं समापनं जातम्। भारतमातुः सेवार्थं नारिशक्तेः पुनर्जागरणं समृद्धिशालिञ्च कर्तुं अस्मिन् शिविरे विभिन्नानां कार्यक्रमाणां रूपायनं जातम्। प्रातः सार्धचतुर्वादनादारभ्यः जातः अस्मिन् शिविरे प्रतिदिनं विभिन्नविषयानां बौद्धिकप्रदानमभवत्। बौद्धिकादतिरिच्य शिविरे प्रतिदिनं युवति-महिलाः योगाभ्यासाः, क्रीडाः, सांस्कृतिककार्यक्रमाश्च आचरितवत्यः।
शिविरेऽस्मिन् प्रमुखेषु उपस्थितमासन् क्रमसः राष्ट्र-सेविका-समित्याः दक्षिण-असम-प्रान्तस्य प्रान्त-सह-कार्यवाहः श्रीमति-सूचरिता-सोमदेवः, धर्मनगरविभागस्य कार्यवाहिका श्रीमति-लतिकादासः, जनपदस्तरीय कार्यकर्ताद्वयम् यथा – श्रीमति-रुमा-दासः श्रीमति-जोत्स्नानाथश्च। श्रीमति-कृष्णामजुमदारोऽपि तत्र नगरपक्षतः उपस्थितमासीत् । एवं शिविरे आहृत्य प्रान्तस्य विभिन्नस्थनेभ्यः 29 शिक्षार्थिनः, 4 शिक्षिकाः, 8 प्रवन्धिकाश्च आहत्य 41 जनाः उपस्थितमासन्। एवमेव सामाजिकजनां सहयोगेन शिविरमिदं साफल्येन समापनं जातम्।
