त्रिपुरायाः तपोवन-आश्रमे संस्कृतस्य चतुर्दिवसीय-अभ्यासवर्गः सम्पन्नः

त्रिपुरायाः तपोवन-आश्रमे संस्कृतस्य चतुर्दिवसीय-अभ्यासवर्गः सम्पन्नः
हिमसंसकृतवार्ता, अगरतला । केन्द्रीयसंस्कृतविश्वविद्यालयस्य संस्कृताध्ययनकेन्द्रम् अगरतलायाः एवं संस्कृतभारती, सिपाहिजलाजनपदस्य द्वैतोद्योगेन तथा तपोवन-आश्रमस्य साहायेन गतः ९ मे, २०२५तः १२ मे २०२५पर्यन्तं सिपाहीजलाजनपदस्य गोकुलनगरे तपोवन-आश्रमे एकः चतुर्दिवसीय-संस्कृताभ्यासवर्गः सम्पन्नः। ९ मे, २०२५ इति दिनाङ्के वर्गस्यास्य उद्घाटनकार्यक्रमे अध्यक्षरूपेन उपस्थितमासीत् तपोवन-आश्रमस्य महाराजः श्री श्री सच्चिदानन्दपुरिवर्यः। तत्र इतोऽपि मुख्यातिथिरूपेण उपस्थितमासीत् कमलासागर-विधानसभायाः विधायिका श्रीमतिअन्तरादेवसरकारमहोदया, मुख्यवक्तृरूपेन उपस्थितम् आसीत् संस्कृतभारती पश्चिमत्रिपुराजनपदस्य अध्यक्षः श्रीमान् योगेशदेवनाथवर्यः, विशिष्टातिथिरूपेण समुपस्थितमासीत् विश्व-हिन्दू-परिषदः त्रिपुराप्रान्तस्य सङ्घटनमन्त्री श्रीमान् शचिकान्तपाण्डेजी, विशालगड सि. डाव्लिउ. सि. एइस्. इत्यस्याः अध्यक्षा सुमितारायश्च।
सम्पूर्णतया आवासीयरूपेन अनुस्थिते अस्मिन् अभ्यासवर्गे संस्कृताध्ययनकेन्द्रस्य तपोवन-आश्रमस्य च २० संख्यकाः शिक्षार्थिनः उपस्थितमासन्। शिक्षकत्वेन समुपस्थिताः आसन् संस्कृताध्ययनकेन्द्रं रामठाकुरमहाविद्यालयस्य शिक्षकः नयनज्योतिशर्मा, संस्कृतभारत्याः त्रिपुराप्रान्तस्य बालकेन्द्रप्रमुखा शीप्राघोषः, संस्कृतभारत्याः अगरतला-विभागमस्य संयोजकः राजुचक्रवर्तीमहोदयश्च। वर्गेस्मिन् वर्गाधिकारीरूपेन आसीत् तपोवन-आश्रमस्य महाराजः श्री श्री सच्चिदानन्दपुरिवर्यः तथा वर्गपोषकत्वेन दायित्वं नीतवान् श्रीमान् नयनज्योतिशर्मावर्यः। कार्यालयस्य दायित्वे सम्पूर्णवर्गे उपस्थितमासीत् संस्कृतभारती, सिपाहिजलाजनपदस्य संयोजकः लिटनपालः। सम्पूर्णवर्गस्य भोजन-निवासादि-व्यवस्थायाम् तपोवन-आश्रमस्य सम्पूर्णपरिवारस्य सहयोगमासीत्।
आश्रमस्य प्राकृतिकी एवम् आधुनिकीवातावरणे सञ्जातः अयम् अभ्यासवर्गं द्रष्टुं प्रतिदिनं समाजस्य विशिष्टजनानाम् आगमनम् अभवत् येन तेषु अनेकाः संस्कृतभाषां प्रति आकर्षितं भुत्वा आगामिकाले स्वकुटुम्वान् स्ववान्धवान् च संस्कृतभाषायाः प्रशिक्षणं प्रति प्रेषयितु सङ्कल्पम् अकुर्वन् । १२ मे, २०२५ दिनाङ्के सायङ्काले ६:००वादनतः अस्य वर्गस्य समापनकार्यक्रमः प्रारब्धः। कार्यक्रमेऽस्मिन् शिविरशिक्षार्थिभिः संस्कृतगीतानि नाटकं श्लोकानि च प्रदर्शितानि। तस्मिन् सभायाम् विशिष्टातिथिरूपेण उपस्थितमासन् सिपाहीजलाजनपदस्य जनपदः सभाधिपतिः सुश्री सुप्रीयादासदत्तः, मुख्यवक्तृरूपेन विशिष्टराष्ट्रसेवकः श्रीमान् रञ्जित-करः, प्रमुखः मार्गदर्शकः संस्कृतभारत्याः त्रिपुराप्रान्तस्य सङ्घटनमन्त्री श्रीमान् विक्रमविश्वासवर्यः, कमलासागरमण्डलसभापतिः काजलसरप्रभृतयः जनाः । समारोपकार्यक्रमे सभापते आसन्दमधिकरोत् तपोवन-आश्रमस्य महाराजः श्री श्री सच्चिदानन्दपुरिवर्यः। कमलासागर-विधानसभायाः विधायिका श्रीमतिअन्तरादेवसरकारमहोदयया समापनकार्यक्रमे श्रीमद्भगवद्गीतापुस्तकानामपि शिक्षार्थीनां कृते वितरणम् अकरोत्।आश्रमपरतया शिक्षकान् प्रति मानधनं वस्त्रं उत्तरीयं चित्रचिह्नञ्च प्रदत्तम्। एवं १३ दिनाङ्के प्रातः-काले सर्वे वर्गस्थानात् स्वगृहं प्रति प्रस्थानं कृतवन्तः। शिविरनिमित्तं संस्कृताध्ययनकेन्द्रस्य केचनशिक्षार्थिभिः मानधनैः अपि साहाय्यम् अकुर्वन्। विशेषतः साजिकस्तरे अस्य वर्गस्य प्रभावः विशेषरूपेण प्रतिफलितम् अभवत्।