भारतस्य सैन्यत्रयस्य प्रमुखैश्च च साकम् एकम् उच्च-स्तरीयम् उपवेशनम् अकरोत् प्रधानमन्त्री

भारतस्य सैन्यत्रयस्य प्रमुखैश्च च साकम् एकम् उच्च-स्तरीयम् उपवेशनम् अकरोत् प्रधानमन्त्री
हिमसंस्कृतवार्ता: – प्रधानमन्त्री नरेन्द्रमोदी नवदिल्लीस्थिते निजावासे एकम् उच्च-स्तरीयम् उपवेशनम् अकरोत्। अस्मिन् उपवेशने रक्षामन्त्री राजनाथसिंह:, विदेशमन्त्री सुब्रह्मण्यम-जयशङ्करः, राष्ट्रिय-सुरक्षा-परामर्शदः अजीत डोभालः, रक्षाप्रमुखः जनरल अनिल-चौहानः, थल-सेना-प्रमुखः जनरल उपेन्द्र द्विवेदी, नौसेना प्रमुखः एडमिरल दिनेश-त्रिपाठी, वायुसेना-प्रमुखः एयर चीफ मार्शल अमर प्रीत-सिंहः च उपस्थिताः अवर्तन्त। इदम् उपवेशनम् देशद्वयस्य सैन्याभियान-महानिदेशकयोः परस्पर-संवादस्य अनन्तरं सङ्घर्ष-विरामं निध्याय आसीत्। इतः पूर्वं विदेश-सचिवः विक्रम-मिस्त्री नवदिल्ल्यां वार्ताहरान् अवोचत् यत् भारतं पाकिस्तान-द्वारा सङ्घर्ष-विरामोल्लङ्घनं गभीरतया स्वीकरोति । तेनोक्तं यत् सशस्त्र-बलानि स्थितिम् निरीक्षन्ते। अथ च अन्ताराष्ट्रिय सीमया सह नियन्त्रण-रेखायामपि उल्लङ्घनस्य कस्याः अपि घटनायाः काठोर्येण समाधानस्य निर्देशाः तेभ्यः प्रदत्ताः।

सैन्यप्रमुखेण जनरल् उपेन्द्र-द्विवेदिना युद्धविरामस्य वायुक्षेत्रस्य च उल्लङ्घनस्य अनन्तरं पश्चिमसीम्नः सेनापतिभिः सह सुरक्षास्थितिः समीक्षिता
हिमसंस्कृतवार्ता: – सैन्यप्रमुखेण जनरल् उपेन्द्र-द्विवेदिना युद्धविरामस्य वायुक्षेत्रस्य च उल्लङ्घनस्य अनन्तरं पश्चिमसीम्नः सेनापतिभिः सह सुरक्षास्थितिः समीक्षिता। भारतीय-सेनायाः कथनमस्ति यत् सेनाप्रमुखेन डी.जी.एम.ओ स्तरीय वार्तायाः अनन्तरं प्रोक्तं कीदृशमपि उल्लङ्घने सति गतिक्षेत्रे प्रतिकारार्थं सेनापतयः पूर्णाधिकारैः सह स्वतन्त्राः सन्ति।

भारतीयवायुसेनया उक्तं यत्, सिन्दूराभियाने तस्यै चिह्नितानि कार्याणि, सटीकतया व्यावसायिकतया च सफलतापूर्वकं निष्पादितानि
हिमसंस्कृतवार्ता: – भारतीयवायुसेनया उक्तं यत्, सिन्दूराभियाने तस्यै चिह्नितानि कार्याणि, सटीकतया व्यावसायिकतया च सफलतापूर्वकं निष्पादितानि। सामाजिक-संचार-पटलेषु एकस्मिन् सन्देशे आई.ए.एफ् इत्यनेन उक्तं यत् राष्ट्रिय उद्देश्यानामनुरूपम् विचार-पूर्वकं विवेकपूर्वकं च कार्याणि संचालितानि। तत्रोक्तं यत् अद्यापि कार्याचरणं सम्पाद्यते। समये च विस्तृतं वृत्तान्तं प्रदास्यते। असत्यापित-सूचनानाम् अनुमानात् प्रसारणात् वा दूरेव तिष्ठन्तु इति सेनया सर्वेभ्यः आग्रहः कृतः ।

प्रधानमन्त्रिणा नरेन्द्रमोदिना राष्ट्रिय प्रौद्योगिकी दिवसावसरे शुभकामना प्रकटिता
हिमसंस्कृतवार्ता: – प्रधानमन्त्रिणा नरेन्द्रमोदिना राष्ट्रिय प्रौद्योगिकी दिवसावसरे शुभकामना प्रकटिता। एकस्मिन् सामाज-सञ्चार-सन्देशे प्रधानमन्त्रिणा उक्तं यत् एषः दिवसः देशस्य वैज्ञानिकानां प्रति गौरवं कृतज्ञतां च प्रकटयितुं अथ अष्टनवत्यधिक ऊनविंशतितमे वर्षे पोखरणपरीक्षणस्य स्मरणार्थं च आचर्यते। सः अवदत् यत् परमाणु परीक्षणं भारतस्य विकासपथि एका महत्त्वपूर्णा घटना आसीत्। विशेषतः देशस्य आत्मनिर्भरतायाः अन्वेषणदिशि।

रक्षामन्त्री राजनाथसिंहः लखनऊनगरे ब्रह्मोस एरोस्पेस्-एकीकरण-परीक्षण-सौविध्यस्य उद्घाटनम् अकरोत्
हिमसंस्कृतवार्ता: – रक्षामन्त्री राजनाथसिंहः उक्तवान् यत् सिन्दूराभियानं केवलं सैन्यकार्यं नैव अपितु भारतस्य राजनैतिक-सामाजिक रणनीतिकेच्छायाश्च प्रतीकम् अस्ति। गतदिवसे लखनऊनगरे ब्रह्मोस-एरोस्पेस्-एकीकरण-परीक्षण-सौविध्यस्यय उद्घाटनं कुर्वन् श्रीसिंहः अवदत् यत्, अभियानमिदम् आतङ्कवाद-विरुद्धं भारतस्य दृढ इच्छायाः, सैन्यशक्तेः क्षमतायाः दृढनिश्चयस्य च प्रदर्शनम् अस्ति। सः अवदत् यत् यदा कदापि भारतम् आतङ्कवादविरुद्धं किमपि कार्यं करोति तदा पारेसीम्नः भूमिरपि आतङ्कवादिभ्यः तेषां स्वामिभ्यश्व सुरक्षिता न भविष्यति। श्रीसिंहः अवदत् यत्, भारतीयसैनिकाः पाकिस्ताने आतङ्कवादीनां आधारभूत संरचनानां विनाशमुद्दिश्य सिन्दूराभियानम् आरब्धवन्तः, तत्रत्य नागरिकान् कदापि न लक्षितवन्तः। परञ्च पाकिस्तानं न केवलं भारतस्य नागरिक क्षेत्राणि अपितु मन्दिराणि, गुरुद्वाराणि, चर्चेति गिरिजागृहाणि च लक्षितवान् । सः अवदत् यत्, ब्राह्मोस एकीकरणस्य परीक्षण-सौविध्यस्य च उद्घाटनं भारतस्य रक्षा-पराक्रमम् अधिकं सुदृढीकर्तुं सहाय्यं करिष्यति । सः अवदत्, अस्य सौविध्यस्य उद्घाटनम् अपि महत्त्वपूर्णम् अस्ति यतोहि अद्य राष्ट्रिय-प्रौद्योगिकीदिवसः अस्ति। सः अवदत् यत् गतशताब्दस्य अष्टनवतितमे वर्षे अस्मिन्नेव दिने अटलबिहारी वाजपेयीवर्यस्य नेतृत्वे वैज्ञानिकाः पोखरणे परमाणुपरीक्षणं कृत्वा भारतस्य सामर्थ्य जगति प्रदर्शितवन्तः। रक्षामन्त्री अवदत्, तत् परीक्षणं वैज्ञानिकानां, अभियन्तृणां, रक्षाकर्मिणाम् अन्येषां च हितधारकाणां अथकप्रयत्नस्य परिणामः आसीत्। सः अवदत्, ब्रह्मोस् विश्वस्य द्रुततमेषु, अतिध्वनियुतेषु क्रूज-क्षेपास्त्रेषु अन्यतमः अस्ति । श्रीसिंहः अवदत्, एतत् केवलं शस्त्रं नैवास्ति अपितु सन्देशः अस्ति। भारतीयसशस्त्रसैन्य बलस्य सन्देशः, शत्रूणां प्रतिरोधस्य सन्देशः, सीम-संरक्षण-प्रतिबद्धतायाः सन्देशः चास्ति। रक्षामन्त्री उक्तवान्, अद्य भारतं विश्वस्य शक्तिशालिसु राष्ट्रेषु अन्यतमम् अस्ति।