राष्ट्रपतनस्य आरम्भः राष्ट्रसंस्कृतेः पतनेन भवति – डॉ. प्रकाशचन्द्रजागीं
वार्ताहर: – जगदीशडाभी
उत्तरप्रदेशसंस्कृतसंस्थानस्य निदेशकविनयश्रीवास्तवस्य मार्गदर्शनेन चालिताया: ऑनलाइनप्रशिक्षणपाठ्यक्रमनिर्माणयोजनायाः अन्तर्गते सरलसंस्कृतभाषाशिक्षणवर्गे प्रेरणादायकसत्रारम्भ: सरस्वतीवन्दनया छात्रेण अनयेन कृत:। संस्थानगीतिका लवण्यामहोदयया कृता । संस्थानस्य समन्वयिका सुश्री राधाशर्मा आगन्तुकानां अतिथिनां स्वागतं कृत्वा मुख्यवक्तुः परिचयं दत्तवती। सत्रस्य संचालनं प्रशिक्षिका मीनाकुमारी कृतवती।कक्षाणां छात्रेषु विमलदाते-रंजनाभ्यां दूरवाणीसंवाद: कृत:, ज्योत्सनया एकलगीतं, शोभारानीमहोदयया प्रयागराजमहाकुंभविषये भाषणं दत्तं। प्रेरणासत्रस्य अस्य मुख्यवक्ता उत्तराखण्डस्य शासकीयमहाविद्यालयस्य संस्कृतविभागस्य सहायकाचार्य: डॉ. प्रकाशचन्द्रजागिना स्वभाषणे उक्तं यत् संस्कृतिः समाप्ता भवति चेत् राष्ट्रस्य समाप्त्यर्थं बहुकालः न भविष्यति। अतः राष्ट्ररक्षणाय अस्माभिः स्वसंस्कृतेः रक्षणं कर्तव्यं अथ च संस्कृतस्य संरक्षणेन एव अस्माकं संस्कृतिः रक्षितुं शक्यते। संस्कृतस्य सुवर्णदिनानि तदा एव आगन्तुं शक्नुवन्ति यदा संस्कृतं सर्वत्र उपलभ्यते। युवानां हृदयेषु राष्ट्रधर्मसंस्कृतेः रक्षणस्य भावः तेषां हृदयेषु वेदान्तस्य घोषणायाः स्थापनायाः चैव जागरितः भवति। तदर्थं संस्कृतस्य अध्ययनं ज्ञानं च आवश्यकम् । प्रशिक्षणप्रमुखः सुधीष्ठकुमारमिश्रः सर्वेभ्यः प्रशिक्षुभ्यः प्रशिक्षकेभ्यः च अधिकं सक्रियताम् आहूतवान्। संस्कृतं प्रति चिन्तनं कथं जागृयितव्यम् इति विषये अपि स्वस्य अनुभवान् अपि प्रस्तुतवान् । संस्थायाः प्रशिक्षिका दीपमाला आगतेभ्य: अतिथिभ्यः धन्यवादं दत्तवती। आर्यनद्विवेदिना शांतिमंत्र: कृत:। अन्ते प्रशिक्षकः ओमदत्तद्विवेदी प्रशिक्षुभ्यः विविधाः सूचनाः प्रदत्तवान् तथा च जनान् निःशुल्कं ऑनलाइन-वार्तालापं ज्ञातुं प्रेरितवान् तथा च प्रशिक्षकाणां माध्यमेन अपि अन्येषां प्रेरणादानाय प्रतिज्ञां कृतवान्। प्राविधिकसहायिका संस्थानस्य प्रशिक्षिका स्तुतिगोस्वामी, सहप्राविधिकसहायिका संस्थानस्य प्रशिक्षिका पूजावाजपेयी आसीत्। उत्तरप्रदेशसंस्कृतसंस्थानस्य निदेशक: विनयश्रीवास्तव:, प्रशासनिकधिकारी जगदानंदझा, डॉ. दिनेशमिश्र:, योजनाप्रमुख: श्रीभगवानसिंह:, प्रशिक्षणप्रमुख: सुधीष्ठमिश्र:, समन्वयका: धीरजमैठाणी-दिव्यारंजन-राधाशर्मा, प्रशिक्षकेषु गणेशदत्तद्विवेदी, रजनीशतिवारी, अनिता वर्मा, दीनदयालशुक्ल:, महेन्द्रमिश्र: इत्यादय: उपस्थिता: आसन्।
