National News : पूर्व-प्रधानमन्त्रिणः डॉ. मनमोहनसिंहस्य अंतिमसंस्कारः दिल्ल्याः निगम-बोध-घाटे पूर्ण-राजकीय-सम्मानेन सम्पन्नः
हिमसंस्कृतवार्ताः। पूर्व-प्रधानमन्त्रिणे डॉ. मनमोहनसिंहाय नवदिल्ल्यां निगम-बोध-घाट-स्थले पूर्ण-राजकीय-सम्मानेन श्रद्धाञ्जलिः समर्पिता। सिख-ग्रन्थिभिः, डॉ. मनमोहन सिंहस्य परिजनैश्च अन्तिम संस्कारात् प्राक् गुरबानी-पाठं कृतम्। औपचारिक-सम्मानानन्तरं राष्ट्रपतिना द्रौपदी मुर्मु, उप-राष्ट्रपतिना जगदीप धनखड़ेन, प्रधानमन्त्रिणा नरेन्द्र मोदिना, केन्द्रीय-मन्त्रिणा राजनाथ सिंहेन, अमितशाहेन, जगतप्रकाश-नड्डा, लोकसभाध्यक्षेण ओम-बिड़ला वर्येण डॉ. सिंहाय श्रद्धाकुसुमानि समर्पितानि। एतदतिरिच्य कांग्रेसाध्यक्षेण मल्लिकार्जुनखरगे, सोनिया गान्धिनं, राहुल गान्धिनं समेत्य कांग्रेस-दलीय नेतृभिः तस्मै श्रद्धाञ्जलिः अर्पिता। थलसेना प्रमुखेण जनरल-उपेन्द्र द्विवेदी-नौसेना प्रमुखेण अमरप्रीत सिंहेन, भूटान-नरेशेन जिग्मे-खेसर-नामग्याल-वांगचुक, मॉरीशस-विदेश-मन्त्रिणा धनंजय-रामफलेनापि डॉ. सिंहाय श्रद्धाञ्जलिः समर्पिता। पूर्व-प्रधानमन्त्रिणः मनमोहन सिंहस्य बृहस्पतिवासरं नवदिल्ल्यां निधनं जातम्। असौ द्विनवतिः वर्षीयः आसीत्, अथ दीर्घ-समयात् च रूग्णः आसीत्।
डॉ.मनमोहनसिंहस्य भविष्यति स्मारकम्
गृहमन्त्रालयेन प्रतिपादितं यत् प्रशासनं पूर्व-प्रधानमन्त्रिणः डॉ. मनमोहनसिंहाय स्मारकं विनिर्मातुं भूमिः आवंटविष्यति। एकस्मिन् वक्तव्ये मन्त्रालयेनोक्तं यत् प्रशासनं प्रकरणेऽस्मिन् कांग्रेस अध्यक्ष-मल्लिकार्जुन खरगे पक्षतः अनुरोधः अधिगतः। मन्त्रालयेन प्रकाशितं यत् केन्द्रीय-मन्त्रिमण्डलस्य उपवेशाननन्तरं गृहमन्त्रिणा अमित-शाहेन, श्री खरगेण च डॉ. मनमोहनसिंहस्य परिवारं एतदर्थं सूचितम्।
पूर्वप्रधानमन्त्रिणं मनमोहनसिंहम् उचितसम्मानं प्रदानाय पूर्णतया प्रतिबद्धः अस्ति केन्द्रसर्वकारः- सुधांशुत्रिवेदी
भाजपेति दलस्य सांसदः प्रवक्ता च सुधांशु त्रिवेदी उक्तवान् यत् प्रधानमन्त्रिणः नरेन्द्र मोदिनः नेतृत्वस्य भाजपा- एनडीए संयुतेः सर्वकारः देशस्य आर्थिकविकासस्य आधारशिलासंस्थापकं पूर्वप्रधानमन्त्रिणं मनमोहनसिंहम् उचितसम्मानं प्रदानाय पूर्णतया प्रतिबद्धः अस्ति। डॉ. सिंहस्य स्मारक-स्थलाय स्थानाबन्टनस्य प्रकरणे श्रीत्रिवेदिना उक्तं यत् केन्द्रिय मन्त्रिमण्डलेन ह्यः जाते उपवेशने निर्णयः कृतः यत् पूर्वप्रधानमन्त्रिणः स्मृतौ एकस्य स्मारकस्य निर्माणं भविष्यति, सूचनैषा कांग्रेसदलाय अपि प्रदत्तास्ति।
पालघर-रेलर्घटनाः-रेलयानेन संघट्टानात् जनद्वयं मृतम्
हिमसंस्कृतवार्ताः। महाराष्ट्रे विगतरात्रौ पालघर-रेल स्थानकं निकषा रेलयानेन संघट्टानात् जनद्वयं मृतम्। एकः अन्यश्च गंभीर-रूपेण व्रणितो जातः । त्रयः एव जनाः यदा रेल-यात्रापथं पारितुमुद्यताः आसन्, तदौ एव जयपुर-सुपर-फास्ट-एक्सप्रेस-रेलयानं पट्टिकोपरि समागतम्। मृतकौ जनौ भ्रातारौ आस्ताम्। तृतीयः जनः उपचाराधीनो वर्तते।
मध्य-प्रदेशे ओला-वृष्टिः अनुमानः-भारतीय-ऋतु-विज्ञान-विभागः
हिमसंस्कृतवार्ताः। भारतीय-ऋतु-विज्ञान-विभागेन मध्य-प्रदेशे ओला-वृष्टिः अनुमानः अभिव्यक्तः। पञ्जाब-हरियाणा-चण्डीगढ़, उत्तर प्रदेश-राजस्थाने च वृष्टेः सम्भावना प्रकटिता। ऋतुविभागेन विदर्भ-महाराष्ट्र-गुजरात-सदृशेषु क्षेत्रेषु यथावत् स्थितिः अनुमानिता। राजस्थान-हिमाचल प्रदेश-पञ्जाब-हरियाणा-चण्डीगढ़-उत्तर प्रदेशे च आगामि दिवसेषु भीषण- कुञ्झिटिका अनुमानिता।
राष्ट्रिय-महिला-आयोगः-अन्ना-विश्वविद्यालये कथित-यौनोत्पीड़न- घटनायाः अन्वीक्षणाय समितिरेका संरचिता
हिमसंस्कृतवार्ताः। राष्ट्रिय-महिला-आयोगस्य अध्यक्षया विजयारहाटकरण चैन्नईनगरस्य अन्ना-विश्वविद्यालये कथित-यौनोत्पीड़न- घटनायाः अन्वीक्षणाय समितिरेका संरचिता। आयोगेन एकस्मिन् वक्तव्ये सूचितं यत् द्वि-सदस्यतात्मीकायाः समित्याः अस्याः संरचनं परिस्थिनां अन्वीक्षणाय सञ्जातम्। समितिः प्रकरणे अस्मिन् सम्बद्ध-अधिकारिभिः, पीडित पारिवारिक-जन मित्र प्रशासनतराधिकारिभिस्साकं विचार-विमर्शोऽपिविधास्यति ।
अद्य आकाशवाण्याः भविष्यति मन की बात कार्यक्रमः
हिमसंस्कृतवार्ताः। प्रधानमन्त्री नरद्रमोदी अद्य आकाशवाण्याः ‘मन की बात’ इत्यस्मिन् कार्यक्रमे जनैः सह स्वविचारान् विनिमय-करिष्यति। द मासिक-रडियो-कार्यक्रमस्य सप्तदशाधिकं एकशततमं संस्करणं भविष्यति। कार्यक्रमस्य प्रसारणम् आकाशवाण्यां, दूरदर्शन AIR News व फलक, Newsonair इति दूरभाष-तन्त्रांशे च भविष्यति। अयं कार्यक्रमः आकाशवाणी-दूरदर्शन-प्रधानमन्त्री कार्यालय-सूचनाप्रसारण-मन्त्रालयानां यूट्यूब- वाहिनीष्वपि द्रष्टुं शक्यते। हिन्दी प्रसारणानन्तरं क्षेत्रीयभाषासु च अस्य कार्यक्रमस्य प्रसारणं भविष्यति ।
सूर्य-किरण इति नामधेये सैन्याभ्यासे भागं गृहीतुं भारतीयदलं नेपालं प्रस्थितम्
हिमसंस्कृतवार्ताः। भारतीय-सैन्यदलमद्य अष्टमीय-बटालियन-स्तरीय-संयुक्त सैन्याभ्यास सूर्य-किरण इति नामधेये भागं गृहीतुं प्रस्थितम्। दलेऽस्मिन् चतुस्त्रिंशदुत्तरत्रिशत-सैनिकाः समाविष्टाः सन्ति। अभ्यासस्यास्य आयोजनं नेपालस्य सलझंडी- नगरे दिसम्बर मासस्य अन्तिम-दिवसादारभ्य आगामि-मासस्य जनवरी त्रयोदश दिनाङ्कं यावत् प्रचलिष्याति। रक्षा- मन्त्रालयेन वक्तव्ये एकस्मिन् प्रतिपादितं यत् अभ्यासोऽयं वनक्षेत्रेषु पर्वतेषु आतंकरोधिगतिविधयः अपाकर्तुं पूर्ण- प्रतिबद्धः भविष्यति। मन्त्रालयेनोक्तं यत् अभ्यासः अयं भारत-नेपालयोर्मध्ये मित्रता-विश्वास-सांस्कृतिक-सम्बन्धाः च दृढ़यिष्याति ।
देशे प्रायः 963.11 मेट्रिकटन परिमितं यावत् कृष्णाङ्गारस्य आपूर्तिः कृता अस्ति।
हिमसंस्कृतवार्ताः। भारतेन त्रयोविंशत्यधिकद्विसहस्र-चतुर्विंशत्यधिकद्विसहस्रतमवर्षयोः अधुनापर्यन्तं सर्वाधिकं कृष्णाङ्गारोत्पादनं कृतम्। त्रयोविंशत्यधिकद्विसहस्र-चतुर्विंशत्यधिक द्विसहस्रतम वर्षयोः अखिले हि भारते कृष्णाङ्गारस्य उत्पादनं सप्तनवत्यधिक नवशत दशमलव षड्विंशत्यधिक अष्टशतं मिलियन टन परिमितम् आसीत्, तत्रैव विगतवर्षे त्रिणवत्यधिकाष्टशतदशमलव-एक -नवत्यधिकैकशतं मिलियनटनपरिमितम् आसीत् यस्मिन् प्रायः एकादशदशमलवएकसप्ततिः प्रतिशतं यावत् वृद्धिः जाता। कृष्णाङ्गारमन्त्रालयेन सूचितं यत् देशेन अस्य मासस्य पञ्चदशदिनाङ्कपर्यन्तं देशे प्रायः त्रिषष्ठ्युत्तर नवशत-दशमलव-एकादश-मेट्रिकटन परिमितं यावत् कृष्णाङ्गारस्यआपूर्तिः कृता अस्ति।
