Himachal Jalori Jot : जलोड़ीजोत कन्दराया: संरेखणाय अनुमोदनम् , केन्द्रसर्वकारस्य हिमाचलाय अन्यत् उपायनम्
हिमसंस्कृतवार्ता: – कुल्लू:। औट-लुहरी-सैञ्ज-राष्ट्रीयराजमार्गस्य मध्ये १०२८० पाद-उच्चतायां जलोड़ी-दर्रा इत्यस्य अधः कन्दराया: निर्माणार्थं संरेखणाय केन्द्रीय-पृष्ठपरिवहनमन्त्रालयेन अनुमोदनं दत्तम् अस्ति भारगोलखड्डतः सोझाकेन्चीपर्यन्तं ४.१६० किलोमीटर दीर्घा एषा कन्दरा निर्मिता भविष्यति । बहुकालं यावत् जलोडीजोत: कन्दराया: संरेखणं विषये जनाः अनुमोदनस्य प्रतीक्षां कुर्वन्ति स्म ।
जलोड़ीजोतस्य निर्माणस्य मार्ग: निसृत:
एतदर्थं लोकनिर्माणमन्त्री विक्रमादित्यसिंहः केन्द्रीयमन्त्री नितिनगडकरीं मिलित्वा जलोड़ीजोतकन्दराया: निर्माणे त्वरिततां कर्तुं अनुरोधं कृतवान् आसीत् । एतस्य अनन्तरमेव संरेखणं अनुमोदितं भवति ।
मन्त्रालयेन विभिन्नपक्षेषु विस्तृतविमर्शानन्तरं संरेखणस्य विविधप्रस्तावाः अन्तिमरूपेण निर्धारिताः। एतदर्थं सर्वेषां हितधारकाणां, सम्पूर्णस्य सरयोलसर-सरोवरस्य च विषये विशेषं ध्यानं दत्तम् अस्ति । एतादृशे सति इदानीं जलोडी-जोत-निर्माणस्य मार्गः स्वच्छः अभवत् ।
खनागतः घियागीपर्यन्तं दूरं ८ किलोमीटरमितम् अन्तरं न्यूनं भविष्यति
शीघ्रमेव कन्दराया: निर्माणकार्यं प्रारभ्यते। कन्दराया: निर्माणार्थं आनीपक्षतः २.१२४ किलोमीटर मितं, बञ्जारपक्षतः ५.४७६ किलोमीटरमितं च अस्याः कन्दराया: निर्माणेन खनागतः घियागीपर्यन्तं प्रायः अष्टकिलोमीटरान्तरं न्यूनीकरिष्यते, सर्वेषु ऋतुषु वाहनानां गमनम् अपि भविष्यति ।
पूर्वं एतेषु दिनेषु हिमपातस्य कारणेन मार्गः बहुदिनानि यावत् निरुद्ध: भवति स्म। अद्यत्वे अपि गतसप्ताहं यावत् मार्गः निरुद्धः अस्ति। बाह्यसिराजस्य जनाः कुल्लुमण्डलात् पूर्णतया विच्छिन्नाः सन्ति। एतादृशे सति यदि कस्यचित् कार्यार्थं मण्डलमुख्यालयं गन्तव्यं भवति तर्हि मण्डीमार्गेण आगन्तुं गन्तुं च भवति।
१०२८० पादपरिमितम् ऊर्ध्वतायां स्थितं जलोडी-दर्रा उपमार्ग: भविष्यति ।
औट-लुहरी-सैंज-राष्ट्रिय-राजमार्गे जलोड़ी-जोत-कन्दराया: निर्माणानन्तरं १०२८० पाद-उच्चतायां स्थितं जलोडी-दर्रा-उपमार्ग: निर्मित: भविष्यति । एतादृशे सति पर्यटकाः जलोड़ी-दर्रा दर्शनार्थम् आगन्तुं शक्नुवन्ति । एतेन पर्यटनदृष्ट्या जलोड़ी-जोतस्य महत्त्वं न्यूनीकर्तुं न शक्यते । तदतिरिक्तं धार्मिकपर्यटनस्थलस्य सरयोलसर-सरोवरस्य महत्त्वं अपि वर्धयिष्यते । अत्र पर्यटकानां आवागमनं निरन्तरंभविष्यति।
