Shimla News : – आन्दोलनरतै: व्यावसायिकशिक्षकै: सह मिलितवान् मन्त्री विक्रमादित्यः, मन्त्रिमण्डले तेषां याचनानाम् उत्थापनस्य आश्वासनं दत्तवान्
हिमसंस्कृतवार्ता: – शिमला।
व्यावसायिकशिक्षकाणां विषयः मन्त्रिमण्डले उत्थापितः भविष्यति। लोकनिर्माणमन्त्री विक्रमादित्यसिंहः सोमवासरे चौडा़ मैदानं गत्वा आन्दोलनरतै: शिक्षकै: मिलित्वा एतत् आश्वासनं दत्तवान्। राजधानी शिमलानगरस्य चौड़ामैदाने सोमवासरे व्यावसायिकशिक्षकाणां प्रदर्शनं अष्टमदिनं यावत् अचलत्। लोकनिर्माणमन्त्री विक्रमादित्यसिंह: चौडामैदानं गत्वा शिक्षकान् मिलितवान्। शिक्षका: तस्य समक्षं स्वप्रार्थना: प्रस्तुतवन्त:। मन्त्री विक्रमादित्यसिंहः शिक्षकाणां कृते सर्वसम्भवसहकार्यस्य आश्वासनं दत्तवान्। मन्त्रिमण्डलसभायां व्यावसायिकशिक्षकाणां विषयः उत्थापितः भविष्यति इति सः अवदत्। तेषां आग्रहाणां पूर्तये यथाशक्ति प्रयत्नः क्रियते।
अपरपक्षे मंगलवासरे शिक्षामन्त्री रोहितठाकुरः अपि व्यावसायिकशिक्षकान् वार्तालापार्थं आहूतवान्। गतसप्ताहे समग्रशिक्षायाः परियोजनानिदेशकेन राजेशशर्मा इत्यनेन सह शिक्षकानां समागमः अभवत्। अस्मिन् विषये सहमतिः नासीत् । शिक्षकाः केवलं मन्त्रिणा रोहितठाकुरेण सह मेलितुं तटस्था: आसन्। व्यावसायिकशिक्षकाः निजीकम्पनीनां निष्कासनं कृत्वा हरियाणापङ्क्तौ नीतिं निर्मातुं आग्रहं कुर्वन्ति। शिक्षकाः अपि अवशिष्टस्य वेतनस्य शीघ्रं मुक्तिं कर्तुं आग्रहं कुर्वन्ति। राजधानी शिमलानगरस्य चौड़ामैदाने प्रदर्शनस्य कारणेन विद्यालयेषु व्यावसायिकशिक्षा सर्वथा स्थगिता अस्ति। व्यावसायिकशिक्षकसङ्घस्य अध्यक्ष: अश्वनीढटवालिया इत्यनेन उक्तं यत् विगतेभ्य: वर्षेभ्यः शिक्षकाः नवमीतः द्वादशीकक्षापर्यन्तं छात्रान् पाठयन्ति। राज्ये व्यावसायिकशिक्षां प्राप्यमाणानां छात्राणां संख्या अपि निरन्तरं वर्धमाना अस्ति। एतादृशे सति सर्वकारेण अपि एतस्य विषयस्य सहानुभूतिपूर्वकं विचारः करणीयः।
प्रसंशनीयोsयमध्यवसाय:।
वयमनुमोदामहे।