Himsanskritnews Headlines : विद्यालयीय- छात्रेभ्य: प्रार्थनासभायां वक्तुं प्रमुखा: संस्कृतवार्ता:
राष्ट्रीयवार्ता:
- प्रधानमन्त्रिणा नरेन्द्र मोदिना एकेन सामाजिक संचार माध्यमेन प्रतिपादितं यत् ‘मेक-इन- इंडिया’ इत्यनया परियोजनया वैश्विक पटले भारतीय अर्थव्यवस्थायाः वृद्धिः द्रष्टुं शक्यते।
- सर्वकारेण संसदः वित्त-सङ्कल्पना-सत्रात् पूर्वं रविवासरे सर्वदलीयम् उपवेशनम् आहूतमस्ति।
- ओमानस्य तटे तैल-वाहक पोतस्य निमज्जनेन त्रयोदश-भारतीयान् त्रयः श्रीलङ्का-देशीयान् च समेत्य चालक-दलस्य समेपि षोडश सदस्याः विलुप्ताः सन्ति।
- स्वास्थ्य-मन्त्री जगत-प्रकाशनड्डा बुधवासरे नवदिल्ल्यां केन्द्रीय औषधि-मानक-नियन्त्रण-सङ्घटनस्य अधिकारिभिः सह एकं समीक्षोपवेशनम् अकरोत्।
- विदेश-मन्त्रिणा डॉ. एस. जयशङ्करेण अद्य मॉरीशस देशस्य पूर्व-प्रधानमन्त्रिणा नवीन- रामगुलाम इत्यनेन अथ च पॉल बेरेन्जर इत्यमुना सह मेलनं कृतम्। डॉक्टर-रामगुलामेन सह मेलनावसरे डॉक्टर-जयशङ्करेण स्थायी द्विपक्षीय सहयोग संवर्धनाय प्रतिबद्धता प्रकटिता।
- स्वीडिश मुक्त टेनिस क्रीड़ा स्पर्धायाम् पुरुषैकल द्वन्द्वे द्वात्रिंशे चक्रे भारतस्य सुमितनागलस्य मुखामुखि एलियास-यमेर इत्यमुना समम् श्वः भविष्यति।
हिमाचलवार्ता:
- मुख्यमन्त्री सुखविन्दरसिंहसुक्खुः नवदेहल्यां केन्द्रीयगृहमन्त्रिणा अमितशाहेन मिलितवान्। सः प्राकृतिक- आपदां दृष्ट्वा हिमाचलप्रदेशस्य संवेदनशीलतायाः विषये केन्द्रीयमन्त्रीं सूचितवान् तथा च प्राकृतिकविपदां प्रभावी प्रबन्धनार्थं मन्त्रालये लम्बितानि धनराशिं तत्क्षणं मुक्तं कर्तुम् आग्रहं कृतवान्। राज्य आपदा-२०२३ मध्ये केन्द्रीयदलेन कृतस्य आपदोत्तरमूल्यांकनस्य अन्तर्गतं ९०४२ कोटिरूप्यकाणां आर्थिकसहायतां विमोचयितुम् अपि आग्रहं कृतवान्।
- राज्यस्य सर्वकारीयविद्यालयेषु अध्यापनपद्धतिः परिवर्तिता भविष्यति। शिक्षाविभागः प्रौद्योगिक्याः माध्यमेन छात्रान् पाठयिष्यति। विद्यालयेषु स्थापिताया: अटल-टिङ्करिंग्- प्रयोगशालायाः शैक्षिकप्रभावः वर्धितः भविष्यति। उच्चतरशिक्षानिदेशालयेन अस्मिन् विषये निर्देशाः निर्गताः।
- हिमाचले वर्षर्तु: सक्रिया अस्ति। यस्मिन् विषये ऋतुविज्ञानविभाग: समये-समये सूचयति। ऋतुविज्ञानविभागेन हिमाचले पुनः वृष्टे: पीत-सचेतना प्रसारिता अस्ति। काङ्गड़ायां मंगलवासरे बुधवासरे च रात्रौ वर्षा अभवत्। परन्तु राज्यस्य अन्येषु क्षेत्रेषु वातावरणं मिश्रितम् एव अभवत्। हिमाचलस्य बहुषु क्षेत्रेषु पुनः रात्रौ लघुतः मध्यमपर्यन्तं वर्षा अभवत्, यदा तु अधुना जुलाईमासस्य १८ दिनाङ्कात् वातावरणं प्रतिकूलमेव भवितुम् अर्हति इति विश्वासः अस्ति ।
- मुख्यमन्त्री सुखविन्दरसिंहसुक्खुः अद्यत्वे देहली प्रवासे वर्तते। अस्मिन्न प्रवासे सह केन्द्रीयमन्त्रिभि: सह मिलित्वा राज्यस्य विकासाय: उदारवित्तीयसहायतां प्रार्थयति। अस्मिन् क्रमे मुख्यमंत्री केन्द्रीयसडकपरिवहनराजमार्गमन्त्री नितिनगडकरी इत्यस्मात् निवेदनं कृतवान् यत् राज्यस्य ३९.२० किलोमीटर दीर्घं रानीताल-कोटला, एवं ४१.५० किलोमीटर घुमारवीं-जाहू-सरकाघाट-राजमार्गौ राष्ट्रीयराजमार्गौ घोषितौ भवेत्।
