जयरामठाकुरः – प्रवर्तननिदेशालयस्य अन्वेषणस्य परिधौ खनन-व्यवसायीभि: सम्बन्धे सति उत्तरं दद्यात् मुख्यमंत्री सुखविन्दरसिंहसुक्खुः
हिमसंस्कृतवार्ता: – शिमला।
शिमलानगरे मीडियाप्रतिनिधिभिः सह वार्तालापं कुर्वन् विपक्षनेता जयरामठाकुरः अवदत् यत् राज्यस्य खननव्यापारीण उपरि कृतेषु अन्वेषणेषु भ्रष्टाचारस्य पुष्टिः अभवत्। एतेषां व्यापारीणां मुख्यमन्त्रिणः निकटता प्रकाशं आगच्छति। अस्मिन् विषये मुख्यमन्त्रिणा राज्यस्य जनान् प्रति उत्तरं दातव्यम्, येषां जनानां विरुद्धं अन्वेषणसंस्थाः कार्यविधिं कर्तुं सज्जाः सन्ति तै: सह मुख्यमंत्रिण: कः सम्बन्धः? काङ्ग्रेससर्वकारेण विकासस्य स्थाने घोटालानां प्राधान्यं दत्तम् अस्ति। सार्वजनिकविषयेषु सर्वकारस्य चिन्ता नास्ति। सर्वकारः एकाधिकार-रूपेण विपक्षस्य स्वरं दमनं कुर्वन् अस्ति। उपनिर्वाचनं जेतुम् यथाशक्ति सत्तायाः दुरुपयोगः सर्वकारेण कृतः। सर्वकारस्य एकाधिकारस्य विरुद्धं जनेषु क्रोधः वर्तते।
जयरामठाकुरः अवदत् यत् सम्प्रति राज्ये भ्रष्टाचारस्य प्रकरणाः प्रकाशं प्राप्नुवन्ति। भ्रष्टाचारेण राज्यस्य प्रतिबिम्बं कलङ्कितं भवति, तस्कर: सक्रियः अस्ति। विधिव्यवस्थायाः स्थितिः पतिता अस्ति किन्तु मुख्यमन्त्री स्वसर्वकारस्य उद्धाराय व्यग्र: अस्ति। अधुनैव आयकरप्रवर्तननिदेशालयेन हिमाचलप्रदेशस्य केषाञ्चन व्यापारिणां विरुद्धं अनियमितानां अन्वेषणार्थं कार्यविधि: कृता। यदि वार्तापत्राणां वार्तासु विश्वसिम: तर्हि तत्र विशाल-भ्रष्टाचार-प्रकरणं प्रकाशितम् अस्ति। खननव्यापारिणां विरुद्धं पञ्जीकृतानां प्राथमिकीनाम् (एफआईआर) उपालम्भानां क्षेत्रसत्यापनप्रतिवेदनानां च आधारेण एतत् अन्वेषणं आरब्धम् अस्ति। प्रारम्भिकजागृतौ एव ईडी तथा आयकरविभागेन एतादृशाः बहवः अभिलेखा: प्राप्ताः येषु ज्ञायते यत् तौ द्वौ अपि शतशः कोटिरूप्यकाणां भ्रष्टाचारू संलग्नौ स्तः। एतादृशेषु गम्भीरप्रकरणेषु अभियुक्तानां हिमाचलस्य मुख्यमन्त्रिणा सह सामीप्यम् अपि मीडियाद्वारा प्रकाशं प्राप्नोति। अस्मात् पूर्वमपि सः स्वस्य प्रियजनानाम् नियमपरिवर्तनस्य आरोपः कृतः अस्ति। मुख्यमन्त्री कस्यापि आरोपस्य विषये स्वस्य स्पष्टीकरणं न दत्तवान्।
विपक्षनेता उक्तवान् यत् मुख्यमन्त्रिण: कृते तस्य मित्रसमूहः एव सर्वम्, सः केवलं तेषां हिताय एव कार्यं करोति। राज्यस्य जनानां जनहितस्य विषयाः प्राथमिकतायां न सन्ति। यः सर्वकारः जनहितविषयेभ्यः व्यभिचरति तस्य सत्तायां स्थातुम् अधिकारः नास्ति। एतत् सर्वकारं परिवर्तनीयम्। वयं विपक्षे स्मः, अस्माकं कार्यं एकाधिकारसर्वकारस्य विरुद्धं स्वरम् उत्थापयितुं वर्तते। य: सर्वकार: जनहिताय कार्यं न करोति तस्माद् प्रश्नानां पृच्छनम्। जनहिताय कार्यं कर्तुं सर्वकाराय बाध्यं कर्तुम्। वयं तत् कुर्वन्तः भविष्यामः। अस्मिन् समये राज्यस्य जनाः अपि घोटालानां, भ्रष्टाचारस्य, तस्मिन् मुख्यमन्त्रीकार्यालयस्य संलग्नतायाः च विषये उत्तराणि याचन्ते। अतः मुख्यमन्त्रिणा अस्मिन् विषये उत्तरं दातव्यम्।
