Jai Ram Thakur : निःशुल्कविद्युत् योजनां पिधातुं सज्जः अस्ति राज्यसर्वकारः, शीघ्रमेव मन्त्रिमण्डलसभायाम् आगमिष्यति विषय: – जयरामठाकुरः
हिमसंस्कृतवार्ता: – शिमला।
विपक्षस्य नेता जयरामठाकुरः अवदत् यत् सुक्खुसर्वकारः हिमाचलप्रदेशस्य जनानां कृते निःशुल्कविद्युत्प्रदानं स्थगयितुं सज्जः अस्ति। पूर्वं अपि बहवः प्रयासाः कृताः ये सफलाः न अभवन् किन्तु अधुना आयकरस्य परिधिमध्ये आगच्छन्तः जनानां कृते एतां सुविधां निष्कासयितुं सर्वकारः सज्जः अस्ति। अतीव शीघ्रमेव एषः विषयः मन्त्रिमण्डलसभायाम् अपि आगमिष्यति। हिमाचले सत्तां प्राप्तुं काङ्ग्रेसेन विविधाः मिथ्याप्रतिज्ञाः कृताः, मिथ्याप्रतिश्रुतिः च दत्ता आसीत्। यस्मिन् राज्यस्य जनानां कृते ३०० यूनिट विद्युत् निःशुल्कं विना कस्यापि शर्तेन दीयते इति प्रतिज्ञा अपि आसीत्। सर्वकारस्य निर्माणात् सार्धैकवर्षाधिकं गतम् किन्तु एतस्याः प्रतिज्ञाया: विषये एकवारं अपि मुख्यमन्त्रिणा न कथितम्। प्रत्युत विद्युत्-जलयोः मूल्येषु वृद्धिः अभवत्। अस्माकं सर्वकारेण आरब्धा १२५ यूनिट निःशुल्कविद्युत्योजनां तकनीकीरूपेण स्थगितं कृत्वा लाभार्थीनां संख्यां न्यूनीकर्तुं सर्वकारेण अनेकवारं प्रयत्नाः कृताः, यस्य भाजपया प्रबलविरोधः कृत:, सर्वकारः स्वयोजनासु सफलः न अभवत् परन्तु अधुना सुक्खुसर्वकारः नूतनां युक्तिं प्रयतितुं इच्छति, यस्याः भारतीयजनतादलं दृढतया विरोधं करिष्यति। जयरामठाकुरः अवदत् यत् सम्प्रति राज्ये मित्राणां सर्वकारः प्रचलति यस्य उद्देश्यं केवलं मित्राणां लाभाय एव अस्ति। राज्यस्य जनानां सुखसुविधाभिः सह सर्वकारस्य किमपि सम्बन्धः नास्ति। अयं सर्वकारः अपराधिनां मुक्तरक्षणमपि ददाति यस्य कारणात् राज्ये विधिव्यवस्था मैत्रीपूर्णा नास्ति। दिनप्रकाशे गोलिकानां प्रहारः क्रियते, राज्ये तस्करा: सक्रिया: सन्ति। अधुनैव औद्योगिकनगरे बद्दीक्षेत्रे पुनः गोलिकाप्रहाराः अभवन्। अस्याः गोलीघटनायाः पृष्ठतः वर्चस्वस्य विषयः अपि अग्रे आगच्छति। किमर्थं एतत् भवति इति मुख्यमन्त्रिणा व्याख्यानं दातव्यम्। औद्योगिकनगरे एतादृशः गुण्डावादः अराजकता च किमपि नवीनं नास्ति। काङ्ग्रेससर्वकारे रक्तरंजिताः क्रीडाः, वर्चस्वार्थं गोलीकाण्डाः च सामान्याः अभवन्। किं मुख्यमन्त्री एतस्याः व्यवस्थायाः परिवर्तनस्य विषये वदति स्म यत्र विधानस्य स्थाने तस्कराणां स्वीकारपत्राणि वर्धन्ते एव? एतदेव कारणं यत् राज्ये उद्योगिनः मुख्यमन्त्रिणः रक्षणस्य आग्रहं कुर्वन्ति, उद्योगाः च दूरं पलायनं कुर्वन्ति।
राज्ये भवति उपनिर्वाचनत्रयं मुख्यमन्त्री एव उत्तरदायी इति विपक्षनेता अवदत्। सत्ताशक्त्या स्वतन्त्रविधायकान् उपद्रवयित्वा तेषां मतानाम् अवहेलना कृत्वा तेभ्यः बलात् समर्थनं गृहीतवान् इति कारणेन एषा स्थितिः उत्पन्ना अस्ति। लोकतन्त्रे सत्ता जनस्य हस्ते एव भवति तथा च लोकसभानिर्वाचने जनाः काङ्ग्रेसं न स्वीकृत्य भाजपाय पूर्णं प्रेम, सहकार्यं, समर्थनं च दत्तवन्तः। राज्ये सत्तां प्राप्य अपि काङ्ग्रेसपक्षः ६८ आसनेषु ६१ आसनेषु निर्वाचने पराजितः। मुख्यमन्त्री स्वविधानसभां पराजितवान्। अस्मिन् उपनिर्वाचने अपि भारतीयजनतापक्षः त्रीणि अपि आसनानि विशालमतैः जिगीषति। एतेन विजयेन काङ्ग्रेसपक्षस्य सत्तायाः निष्कासनस्य मार्गः प्रशस्तः भविष्यति।
