Road Accident : अनियन्त्रितं भूत्वा बहिः गभीरे गर्ते पतितं बोलेरोकैंपरयानम्, एकः स्थले एव मृतः, द्वौ घातितौ
हिमसंस्कृतवार्ता: – शिमला।
शिमलामण्डलस्य झाकड़ीक्षेत्रे गानवीस्थानस्य समीपे एकं बोलेरो-कैम्परयानं अनियंत्रिततं भूत्वा गभीरे गर्ते पतितम्। दुर्घटनायां एकः व्यक्तिः स्थले एव मृतः, द्वौ जनौ घातितौ। मृतस्य पत्नी अपि आहतानाम् अन्तर्भवति। उभौ चिकित्सायां खनेरी-चिकित्सालये प्रवेशितौ स्तः। मृतकः मोलागीनिवासी ४८ वर्षीयः रामलालः इति ज्ञातः अस्ति। दुर्घटनायां मृतकस्य पत्नी राधादेवी चालकः अर्जुन (३४) च घातितौ। मंगलवासरे सायं विलम्बेन घटिताया: अस्य दुर्घटनायाः कारणं चालकस्य प्रमादात् प्रकाशं प्राप्तम्।
सूचनानुसारं बोलेरो कैम्परयानं कोटलु- ज्यूरीतः मोलागीं प्रति गच्छति स्म। बोलेरो-याने दम्पती सहितं चत्वारः जनाः आसन्। येषु मोलागी निवासी रामलाल: (48), राधादेवी, पत्नी रामलाल:, चालक: अर्जुन (34) तथा बगड़ुराम: (43) आसन्। रामलालः गृहकार्यम् आरब्धवान् आसीत् इति कथ्यते, तदर्थं सः बोलेरो-कैम्परयाने वालुकापुटं वहति स्म। यदा बोलेरो गान्वीस्थानं प्राप्तवान् तदा बोलेरो आरोहणकाले अग्रे गन्तुं न शक्तम्, सहसा पृष्ठपोषणं कर्तुं आरब्धवान्। तदा बोलेरोयाने आरुढ़ बगड़ुरामः पृष्ठस्य चक्रस्य उपरि शिलास्थापनार्थं बोलेरोतः अवतरत्। परन्तु बोलेरो द्रुतगत्या पृष्ठतः गत्वा मार्गात् प्रायः ७० मीटर अधः स्थिते गानवी-गर्ते पतितम्। सडकदुर्घटनायां रामलालस्य स्थले एव मृत्युः अभवत्, राधादेवी चालकः अर्जुनः च घातिता: अभवन्।
दुर्घटनाविषये सूचनां प्राप्य पुलिसदलं तत्स्थानं प्राप्य आश्रय-उद्धार-कार्यक्रमं आरब्धवान्। पुलिसैः शवस्य ग्रहणं कृत्वा अग्रे कार्यविधि: आरब्धा अस्ति। चालकस्य प्रमादपूर्वकं वाहनचालनस्य कारणेन मार्गदुर्घटना अभवत् इति पुलिसैः प्रारम्भिकं अन्वेषणं कृतम् अस्ति। अपरपक्षे डीएसपी रामपुरस्य नरेशशर्मा कथयति यत् पुलिसैः शवं शवपरीक्षणार्थं प्रेषितः। डीएसपी इत्यनेन उक्तं यत् पुलिसैः मार्गदुर्घटनायाः विषये २७९, ३३७, ३०४ ए आईपीसी इत्यस्य अन्तर्गतं प्रकरणं पञ्जीकृत्य अग्रे कार्यविधि: आरब्धा अस्ति।
