HP Bye Election : काङ्ग्रेसेन द्वौ प्रत्याशिनौ घोषितौ
हिमसंस्कृतवार्ता: – शिमला ।
हिमाचलप्रदेशस्य हमीरपुरं, नालागढम्, देहरा इत्यादिषु विधानसभासनत्रयेषु उपनिर्वाचनं भवितुं गच्छति। एतेषु त्रिषु आसनेषु भवितुं शक्नुवन्तः उपनिर्वाचनार्थं काङ्ग्रेसेन नालागढ-हमीरपुर-आसनयोः प्रत्याशिनौनः अन्तिमरूपेण निर्धारितौ स्त:। काङ्ग्रेसेन हमीरपुरतः डॉ. पुष्पेन्द्र वर्मा, नालागढतः हरदीपसिंह बावा च नामाङ्कितौ। परन्तु काङ्ग्रेस-पक्षः अद्यापि देहरा-आसनस्य प्रत्याशीं अन्तिमरूपेण निर्धारयितुं न शक्तवान् ।
अवधेयं वर्तते यत् हिमाचले एतेषु त्रिषु विधानसभासनेषु मतदानं जुलै-मासस्य १० दिनाङ्के भविष्यति, परिणामाः च जुलै-मासस्य १३ दिनाङ्के आगमिष्यन्ति | एतानि त्रीणि अपि आसनानि निर्दलीयप्रत्याशिनां त्यागपत्रानन्तरं रिक्तानि अभवन् ।
