HP News : विधानसभा-उपनिर्वाचने निर्वाचितानां षट्विधायकानां शपथग्रहणम्
हिमसंस्कृतवार्ता: – शिमला ।
हिमाचलप्रदेशविधानसभाया: उपनिर्वाचनेषु निर्वाचितानां षट् विधायकानां शपथग्रहणम् अभवत्। विधानसभाध्यक्ष: कुलदीपसिंह पठानिया बुधवासरे राज्यविधानसभापरिसरे पदस्य गोपनीयताया: च शपथं दत्तवान्। तेषु काङ्ग्रेसतः चत्वारः अर्थात् गगरेटतः राकेशकालिया, कुटलैहड़तः विवेक शर्मा, लाहौल- स्पीतित: अनुराधा राणा, सुजानपुरतः कप्तानः रंजीत राणा च शपथं गृहीतवन्तः। भाजपाया: विधायकद्वयं धर्मशालातः सुधीर शर्मा, बडसरतः इन्द्रदत्त लखनपालः च शपथं गृहीतवन्तौ। एतेषु विवेक शर्मा, अनुराधा राणा, कप्तानः रंजीत राणा च प्रथमवारं विधानसभा सदस्याः निर्वाचिताः सन्ति। शपथग्रहणसमारोहे मुख्यमंत्री सुखविन्दरसिंहसुक्खुः विपक्षस्य नेता जयरामठाकुर: उपमुख्यमंत्री मुकेश अग्निहोत्री, मंत्रिण: विधायका: आदय: मान्योमान्या: उपस्थिता: अभवन्।
जनसमूहेन विक्रीतस्य अभ्यर्थिनः कृते निर्गमनमार्गं दर्शितम् – मुख्यमंत्री सुखविन्दरसिंहसुक्खुः
विधानसभा अध्यक्षः कुलदीपसिंह पठानिया उक्तवान् यत् षट् नवनिर्वाचितसदस्यानां शपथग्रहणं कृतम् इति। सर्वेभ्यः शुभकामना: अभिनन्दनानि च। सदनस्य अध्यक्षत्वेन सदस्यानां पूर्णसमर्थनं भविष्यति इति उक्तवान्। विधानसभायां हिमाचलस्य हितसम्बद्धान् विषयान् उत्थापयित्वा जनकल्याणे योगदानं दास्यति इति अपि तेभ्य: अपेक्षितम्। इदानीं मुख्यमन्त्री सुखविन्दरसिंहसुक्खुः अवदत् यत् भाजपा जूनमासस्य चतुर्थे दिने सर्वकारस्य निर्माणस्य विषये वदति। बहुमतस्य कृते काङ्ग्रेसपक्षस्य एकस्य आसनस्य आवश्यकता आसीत्, परन्तु उपनिर्वाचने वयं चत्वारि आसनानि प्राप्य ३८ आसनानि प्राप्तवन्तः। अधुना अस्माभिः सार्धत्रिवर्षपर्यन्तं सार्वजनिककार्यं कर्तव्यम् अस्ति। हिमाचलस्य स्वावलम्बनस्य दिशि अनेके निर्णयाः कृताः, क्रियमाणाः च सन्ति। मुख्यमंत्रिणा उक्तं यत् विक्रीतानाम् अभ्यर्थीनां कृते भाजपा नामपत्रं दत्तवती, जनसमूहः ८० प्रतिशतं सफलः अभवत् यत् तेभ्यः बहिः गन्तुं मार्गं दर्शितम्।
मुख्यमन्त्रिणा सुखविन्दरसिंहसुक्खुना सह मिलिता: नवनिर्वाचितविधायका:
हिमसंस्कृतवार्ता: – शिमला।
लाहौल- स्पीतिविधानसभाक्षेत्रस्य नवनिर्वाचितविधायिका अनुराधा राणा तथा कुटलैहड़विधानसभाक्षेत्रस्य नवनिर्वाचितविधायक: विवेकशर्मा च बुधवासरे प्रतिनिधिमण्डलेन सह मुख्यमन्त्रिणा सुखविन्दरसिंहसुक्खुना सह मिलिता:। मुख्यमन्त्री विधानसभा उपनिर्वाचने विजयं प्राप्तुं तेभ्य: शुभकामना: अददत्। मुख्यमन्त्री तेभ्यः आश्वासनं दत्तवान् यत् राज्यसर्वकारः तेषां विधानसभाक्षेत्राणां विकासाय सर्वसम्भवं साहाय्यं करिष्यति। सः अवदत् यत् उपनिर्वाचनेषु विजयः राज्यसर्वकारस्य नीतिषु योजनासु च राज्यस्य जनानां पूर्णविश्वासः अस्ति इति दर्शयति।
अनुराधा राणा विवेकशर्मा च मुख्यमन्त्रिण: उपनिर्वाचनेषु विजयं सुनिश्चितं कर्तुम् कृतानां बहुमूल्यप्रयत्नानाम् आभारं प्रकटितवन्तौ। ते अवदन् यत् राज्यसर्वकारः समाजस्य सर्वेषां वर्गानां कल्याणं सुनिश्चितं करोति तथा च जनसमर्थनेन प्राप्तं विजयं तस्य प्रमाणम् अस्ति।
काङ्ग्रेस-सर्वकारेण केवलं प्रतिशोधस्य भावनया सह कार्यं कृतम्- लखनपालः
हिमसंस्कृतवार्ता: – कार्यालयीय: प्रतिनिधि:।
भाजपाया: नवनियुक्तयो: विधायकयो: सुधीरशर्मण:, इन्द्रदत्तलखनपालस्य च विधानसभां प्राप्ते सति नेताविपक्ष: जयरामठाकुर: तथा सर्वै: विधायकदलै: स्वागतम् विहितम्। अस्मिन् अवसरे सुधीर शर्मा उक्तवान् यत् लोकसभानिर्वाचने काङ्ग्रेससर्वकारः दुर्गतिम् अवाप्तवान्, धर्मशालायां वयं स्वयमेव काङ्ग्रेसपक्षं पराजितवन्तः। हिमाचलप्रदेशे असत्यस्य राजनीतिः कार्यं न करोति, काङ्ग्रेसः सर्वदा असत्यस्य राजनीतिं कृतवान् अस्ति। सः अवदत् यत् नरेन्द्रमोदी तृतीयवारं देशस्य प्रधानमन्त्री अभवत्, जगतप्रकाशनड्डा द्वितीयवारं केन्द्रसर्वकारे मन्त्री अभवत् इति अस्माकं कृते सौभाग्यस्य विषयः अस्ति। इन्द्रदत्तलखनपालः अवदत् यत् रविवासरे शपथग्रहणं कृत्वा प्रधानमन्त्री कार्यभारं स्वीकृतवान्। केन्द्रीयमन्त्रिमण्डलस्य प्रथमसमागमस्य अध्यक्षतां कृत्वा प्रमुखनिर्णयद्वयं कृतवान्। प्रथमः निर्णयः प्रधानमन्त्री आवासयोजनायाः अन्तर्गतं देशस्य निर्धनानां कृते त्रिकोटिगृहाणि निर्मातुं द्वितीयः किसानसम्माननिधे: अंशं कृषकाणां लेखासु विमोचनं च आसीत्। एतेन ज्ञायते यत् केन्द्रसर्वकारः देशस्य सुदृढीकरणाय कियत् सकारात्मकरूपेण कार्यं कुर्वन् अस्ति। सः अवदत् यत् राज्ये काङ्ग्रेससर्वकारः केवलं प्रतिशोधस्य भावनया सह कार्यं कृतवान् यत् राज्यस्य हिताय नास्ति।
