HP Election : हिमाचले काङ्ग्रेससर्वकारः, अतः आपदि केन्द्रात् सहायता न प्राप्ता – प्रियंका गांधी
हिमसंस्कृतवार्ता – मण्डी/कुल्लू:।
काङ्ग्रेसस्य महासचिव प्रियंका गांधी मण्डी संसदीयक्षेत्रतः प्रत्याशी विक्रमादित्यसिंहस्य पक्षे कुल्लौ मण्ड्यां च प्रचार: कृत:। सा एकं मार्गप्रदर्शनम् अपि आयोजितवती, यस्मिन् जनाः बहुसंख्येन भागं गृहीतवन्तः । प्रियङ्का गान्धी उक्तवती यत् प्रधानमन्त्री नरेन्द्रमोदी हिमाचलप्रदेशं स्वगृहं कथयति, परन्तु राज्ये यदा आपदा अभवत् तदा सः एकवारमपि हिमाचलप्रदेशं न आगतः तथा च केन्द्रेण आपदाग्रस्तजनानाम् सहायतार्थं एकमपि नाणकं न दत्तम्। सा अवदत् यत् केन्द्रसर्वकारः केवलं तत्रैव साहाय्यं करोति यत्र भाजपासर्वकाराः सन्ति तथा च हिमाचलप्रदेशे काङ्ग्रेसपक्षसर्वकारस्य कारणात् केन्द्रसर्वकारेण एकं रुप्यकमपि साहाय्यं न प्रेषितम्। सा अवदत् यत् अहं गर्विता अस्मि यत् सम्पूर्णः काङ्ग्रेससर्वकारः मुख्यमन्त्री सुखविन्दरसिंहसुखु: च विपदायां हिमाचलप्रदेशस्य जनै: सह स्थित्वा प्रभावितानां साहाय्यम् अकरोत्। सा अवदत् यत् सेवा काङ्ग्रेसपक्षस्य विचारधारा अस्ति तथा च हिमाचलप्रदेशस्य जनाः जानन्ति यत् संकटकाले तै: सह कः स्थितः।
प्रियङ्का गान्धी इत्यनया उक्तं यत्, भाजपा षड्यंत्रस्य भागरूपेण विधायकानां क्रयणं कृत्वा राज्यस्य निष्ठावद्भि: जनै: निर्वाचितं निष्ठावन्तं सर्वकारं पातुं प्रयतते, परन्तु लोकतन्त्रे जनाः सर्वोच्चाः सन्ति। सा अवदत् यत् १० वर्षेषु भाजपा विश्वस्य समृद्धतमं दलम् अभवत् यतः आक्रमणेन (छापेमारीद्वारा) दानं संगृहीतम्। यस्याः टीकाकरणेन मृत्योः कारणं भवति तस्या: एव कम्पनीतः भाजपा ५२ कोटिरूप्यकाणां दानं गृहीतवती। गुजराते भाजपा यस्य कम्पन्याः सेतुः पतितः तस्मात् दानं गृहीत्वा येषां कृते आक्रमणं कृतं तेभ्य: दानं गृहीत्वा आक्रमणं स्थगितम्। सा अवदत् यत् मण्डीलोकसभाक्षेत्रस्य काङ्ग्रेसप्रत्याशी विक्रमादित्यसिंहः कदापि दलस्य सेवायै पश्चात्तापं न कृतवान्, यथा भाजपाप्रत्याशी स्वस्य दलस्य कार्यकर्तृणां विषये यत् वदति। विक्रमादित्यसिंहं विशालमतैः विजयी कर्तुं सर्वेभ्यः आह्वानं कृत्वा सांसदः भूत्वा पूर्णसमर्पणेन स्वदायित्वं निर्वहिष्यामि इति च अवदत्।
देशस्य संविधानं लोकतन्त्रं च संकटे अस्ति, जनाः परिवर्तनं इच्छन्ति – शशि थरूर:
हिमसंस्कृतवार्ता- धर्मशाला।
पूर्वमन्त्री शशिथरूरः अवदत् यत् सः केरलसहितस्य सम्पूर्णे देशे प्रचारं कुर्वन् अस्ति तथा च दक्षिणभारतस्य जनाः परिवर्तनं इच्छन्ति इति निश्चयं कृतवन्तः। उत्तरभारतस्य जनाः अपि अस्मिन् समये केन्द्रे नूतनं सर्वकारं इच्छन्ति। विगतदशवर्षेभ्यः वयं यत् प्रकारस्य राजनीतिं पश्यामः तत् स्पष्टतया दर्शयति यत् संविधानं लोकतन्त्रं च संकटग्रस्तम् अस्ति। जनाः भयेन जीवन्ति। भाजपा कथयति यत् अस्मिन् समये संविधानस्य परिवर्तनार्थं लोकसभायां ४०० आसनानां आवश्यकता वर्तते। थरूरः अवदत् यत् अद्यावधि सर्वेषां दलानाम् अनुमोदनेन संविधाने शतवारं संशोधनं कृतम्। भाजपया २०१४ तमे वर्षे बहवः प्रतिज्ञाः कृताः आसन्, यत्र प्रतिवर्षं कोटिद्वयं यूनां जीविका:, कृषकाणां आयम् द्विगुणं भवति, यत् दशवर्षेषु न पूर्णं कर्तुं शक्यते स्म देशस्य स्थितिं दृष्ट्वा भाजपा २०० अङ्कम् अपि अतिक्रमितुं शक्नोति इति न दृश्यते। भाजपा मुंगेरीलालस्य स्वप्नं पश्यति। देशे महाविद्यालयस्नातकयुवकानां अनुद्योगिता ४० प्रतिशतं वर्धिता। ८० प्रतिशतं जनानां आयः न्यूनीकृतः। देशे सामाजिकन्यायस्य महत्त्वम् अस्ति। अन्यायं दूरीकृत्य युनां, महिलानां, श्रमिकाणां, कृषकाणां च न्यायं आनेतुं काङ्ग्रेसस्य चिन्तनम् अस्ति। मोदीसर्वकारः अग्निवीरयोजनां कल्पितवान् यत् सैनिकानाम् कृते अधिकं धनं न दातव्यम्। ते चीनदेशं पाठं पाठयितुं कथयन्ति, परन्तु मोदीसर्वकारस्य गतदशवर्षेषु चीनदेशात् कोटिरूप्यकाणि आयातानि। सः अवदत् यत् जम्मू-कश्मीरतः अनुच्छेदस्य ३७० निष्कासनस्य पद्धतिः अनुचिता अस्ति। नेहरू इत्यनेन अपि एतत् अस्थायी प्रावधानम् इति उक्तम् आसीत्। संविधाने अपि लिखितम् अस्ति यत् कश्मीरीणां मतं गृहीत्वा विधानसभायाः माध्यमेन तत् निष्कासितम् भविष्यति, परन्तु भाजपा विधानसभां निलम्बयित्वा राज्यपालस्य मतं गृहीत्वा त्वरया अनुचितरूपेण अनुच्छेदं ३७० अपसारितवती। निर्वाचनदानविषये थरूरः अवदत् यत् एतत् सचेतनाद्वारा उत्पीडनस्य माध्यमम् अस्ति। केजरीवालः दलस्य अध्यक्षत्वस्य अतिरिक्तं कस्यचित् राज्यस्य मुख्यमन्त्री अपि अस्ति, परन्तु निर्वाचनसमये कस्यचित् ग्रहणं कृत्वा विश्वस्य कृते अनुचित: सन्देशः प्राप्यते।
