HP Politics : हिमाचलसर्वकारस्य पातनस्य षड्यंत्रे वीरभद्रपरिवार: संलग्न: – आश्रयशर्मा
- भयादोहनं (ब्लैकमेलिंग) वीरभद्रपरिवारस्य पुरातना प्रकृति: – आश्रयशर्मा
- मण्डीजनाः एकस्य कुटुम्बस्य अनुबन्धं न गृहीतवन्तः- आश्रयः
- कङ्गनायै कार्यं कर्तुं साहस: वर्तते
- आश्रयः अपि जयराम ठाकुरस्य पक्षे उक्तवान्
हिमसंस्कृतवार्ता- लघ्वीकाशी मण्डी।
निर्वाचनकाले वीरभद्रसिंहस्य सुखरामपरिवारस्य च राजनैतिकप्रतिद्वन्द्वः पुनः अग्रे आगता। वीरभद्रपरिवारस्य विरुद्धं मुखम् उद्घाट्य पूर्वकेन्द्रीयमन्त्री स्वर्गीयपण्डितसुखरामस्य पौत्रः आश्रयशर्मा राज्यकाङ्ग्रेसस्य अध्यक्षा प्रतिभासिंह तस्याः पुत्रः विक्रमादित्यसिंहः च मण्डीसंसदीयक्षेत्रस्य काङ्ग्रेसप्रत्याशी च राज्यसर्वकारस्य पतनस्य षड्यंत्रे संलग्नाः इति आरोपं कृतवान्। अनेन वक्तव्येन हिमाचलस्य राजनीतौ चक्रवात: स्थापित:।
भयादोहनं (ब्लैकमेलिंग) वीरभद्रपरिवारस्य पुरातना प्रकृति: – आश्रयशर्मा
शुक्रवासरे मण्डीनगरे पत्रकारैः सह वार्तालापं कुर्वन् आश्रयशर्मा अवदत् यत् राज्यस्य प्रत्येकं बालक: ज्ञातवान् यत् केन सर्वकारस्य पतनस्य षड्यंत्रं कृतम्, हरियाणाप्रदेशस्य एकस्मिन् होटेले कस्य नामधेयेन कक्षा: आरक्षिता: कृताः।
सः अवदत् यत् सत्तायाः कृते भयादोहनं (ब्लैकमेल-करणं) वीरभद्र-कुटुम्बस्य पुरातन-अभ्यासः अभवत् । कदाचित् राकांपा-पक्षे सम्मिलितुं, कदाचित् दलं भङ्गं कर्तुं च भर्त्सनाम् अयच्छत् । मण्डी वीरभद्रपरिवारस्य राजनैतिकपर्यटनस्थलं जातम् ।
मण्डीजनाः एकस्य कुटुम्बस्य अनुबन्धं न गृहीतवन्तः- आश्रयः
मण्डीजनाः एकस्य अपि कुटुम्बस्य अनुबन्धं न गृहीतवन्तः। स्वं महान् दूरदर्शी इति वर्णयन् विक्रमादित्यसिंहः अवदत् यत् १९७१ तः अधुना यावत् तस्य परिवारः षड्वारं मण्डी-प्रतिनिधित्वं कृतवान् । जलोडी जोत, भूभु जोत, चैहणी कन्दरा: च किमर्थं न निर्मिता:। ब्यासनद्या: तटीकरणं किमर्थं न कृतम् ? मण्डी इत्यस्य स्मार्टसिटी-पदवीं प्राप्तुं किमर्थं विलम्बः अभवत् ?
कङ्गनायै कार्यं कर्तुं साहस: वर्तते
निर्वाचनसमये इदानीं केसरवर्णं स्मरन् सनातनधर्मस्य अनुबन्धक: भवितुम् प्रयतमानोऽस्मि। पुरातनप्रतिज्ञाः, सुन्दराः स्वप्नाः च अस्मिन् समये कार्यं न करिष्यन्ति। अनिलशर्मा भाजपा प्रत्याशीं कङ्गनारणौतं स्वपुत्रीं मन्यते। तस्याः कार्यं कर्तुं सहनशक्तिः अस्ति। तस्या: पराजयः पर्वतवत् आह्वानम् अस्ति। ये श्वः यावत् पण्डित सुखरामस्य फलकं विदारयन्ति स्म ते अधुना तस्य स्मरणं कुर्वन्ति।
आश्रयः अपि जयराम ठाकुरस्य पक्षे उक्तवान्
विपक्षनेता जयरामठाकुरं भक्षकं इति ये वदन्ति तेभ्यः मण्डीजनाः समुचितं उत्तरं दास्यन्ति। तस्य पिता अनिलशर्मा जयरामठाकुरस्य कृते उपमुख्यमन्त्रीपदं त्यक्तवान् अस्ति। सः सर्वेषु १७ मण्डलेषु कङ्गनायाः पक्षे प्रचारं करिष्यति। विक्रमादित्यः अधुना काङ्ग्रेसध्वजं धारयितुं लज्जितः अस्ति। ५२ वर्षेषु मण्डीनगरे गृहं किमर्थं न निर्मितम् ?
ईडी, आयकरविभागः च किमर्थं पृष्ठतः सन्ति? विक्रमादित्यसिंहेन एतस्य उत्तरं दातव्यम्। आश्रयशर्मा काङ्ग्रेसं त्यक्त्वा विधानसभानिर्वाचने भाजपायां सम्मिलितः आसीत् । परन्तु सः मौनं कृतवान् । सः त्रिदिनपूर्वं नाचने भाजपादलस्य राष्ट्रीयाध्यक्षेण जेपीनड्डा इत्यनेन सह मिलित्वा सक्रियः अभवत्। तस्मै सङ्घटने उत्तरदायित्वं प्रदातुं शक्यते।
