Lok Sabha Election 2024 : हिमाचले लोकसभानिर्वाचनस्य, विधानसभा- उपनिर्वाचनस्य च नामाङ्कनप्रक्रिया आरब्धा
हिमसंस्कृतवार्ता- कार्यालयीय: प्रतिनिधि:।
हिमाचलप्रदेशे जूनमासस्य प्रथमदिनाङ्के भवितुं शक्नुवन्तः लोकसभायाः उपनिर्वाचनानां च कृते मंगलवासरे अधिसूचना निर्गता अस्ति। अनेन सह राज्ये नामाङ्कनप्रक्रिया आरब्धा अस्ति। नामाङ्कनस्य अन्तिमा तिथिः मई १४ इति निर्धारिता अस्ति। नामाङ्कनपत्राणां निरीक्षणं मई १५ दिनाङ्के (बुधवासरे) प्रातः ११:०० वादने भविष्यति। तदनन्तरं कोऽपि अभ्यर्थी मई १७ दिनाङ्के अपराह्णे ३:०० वादनात् पूर्वं नामाङ्कनं निवृत्त्यर्थं आवेदनं कर्तुं शक्नोति। जूनमासस्य प्रथमदिनाङ्के शनिवासरे प्रातः ७:०० वादनतः सायं ६:०० वादनपर्यन्तं मतदानं भविष्यति। नामाङ्कनस्य प्रथमदिने निर्दलीय: प्रत्याशी रमेशचन्दसारथी हमीरपुरसंसदीयनिर्वाचनक्षेत्रात् नामांकनपत्रं प्रस्तुतवान्। रमेशचन्द सारथी ऊनामण्डलस्य तहसीलभरवाईं ग्रामगिन्दपुरस्य निवासी अस्ति। तत्रैव शिमलासंसदीयक्षेत्रात् बहुजन- समाज- पार्टी- इत्यस्य प्रत्याशी अनिलकुमार: मंगेट: निर्वाचनाधिकारिण: समक्षं नामाङ्कनं कृतवान्। अस्मिन् काले निर्वाचनाधिकारिणा अनिलकुमारमङ्गेटाय निर्वाचनसम्बद्धं शपथमपि प्रदत्तम्।
नामाङ्कनस्य आरम्भमात्रेण प्रचारभियानं गतिं प्राप्स्यति
हिमाचलप्रदेशे निर्वाचनप्रचारस्य गतिः भविष्यति यतः भाजपा-काङ्ग्रेस-अभ्यर्थीनां नामाङ्कनपत्रं ९ मईतः आरभ्यते। ९ मई दिनाङ्के विक्रमादित्यसिंहः मण्डीनगरे, आनन्दशर्मा च काङ्गड़ानगरे नामाङ्कनं दास्यत:। हमीरपुरस्य सतपालरायजादा १० दिनाङ्के, विनोदसुल्तानपुरी च १३ मई दिनाङ्के शिमलाक्षेत्रात् नामाङ्कनं करिष्यत:। अस्मिन् कालखण्डे मुख्यमन्त्री सुखविन्दरसिंहसुक्खु:, उपमुख्यमन्त्री मुकेश अग्निहोत्री, राज्यकाङ्ग्रेसाध्यक्षा प्रतिभासिंह अपि प्रत्येकस्मिन् संसदीयक्षेत्रे उपस्थिताः भविष्यन्ति। नामाङ्कनपत्राणि प्रवेश्य प्रत्येकस्मिन् संसदीयासने काङ्ग्रेसद्वारा निर्वाचनजनसभाः भविष्यन्ति।
कांगड़ात: भाजपाप्रत्याशी राजीव भारद्वाज: १० दिनाङ्के, हमीरपुरे अनुरागठाकुर, शिमलायां सुरेशकश्यप: च १३ दिनाङ्के नामांकनं करिष्यत:। कङ्गनारणौत मई १४ दिनाङ्के मण्डीनगरे नामाङ्कनपत्रं प्रस्तौस्यति। भाजपादलमपि नामांकनस्य दिने जनसभानामायोजनं करिष्यति। उभे राजनैतिकदले अपि नामाङ्कनानन्तरं स्वशक्तिं दर्शयितुं निर्वाचनजनसभासु स्वबृहत्नेतृन् आहूतुं सज्जे स्तः। अपरपक्षे उभयोः दलयोः अभ्यर्थिनः विधानसभा- उपनिर्वाचनार्थं नामाङ्कनपत्राणि दातुं तिथयः निर्धारयितुं व्यस्ताः सन्ति।
